TSAITONG-KAXTONG 30:3 - OTSAO BAIBEL (BSI)

³ Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

TSAITONG-KAXTONG 30:3 ပူးပေါင်းရင်းမြစ်များ

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

EZEKEL 36:24

Pangnok jating tokya kue hünzom chatle hünzom chaxwan to apüiüi.

MANGSOP 3:32

Chixe keme hato mongtsik-mongma apüi ang tsuak, ikoxlechu chixe kem to mongkünkya a chithai angkya tamchu tsak-zong changle.

MÜNCHUAK-TSAI 147:2

Jowanpae Jerusalem zingle achat ngole; chixe zanda ang ngokyabu chatle apüile ngole.

ROM NOK HATO ZAKYA POL LAIZA 11:31

Ija lailaile, hünzome atakkya chingcha khoma, Jehudi khünakbue Zang kax ma chilax, ija a athaxpi hwomechu Zang chingcha kop angkya hanpak changle.

MANGSOP 3:22

Mong chiathokya Jowanpa mongkün chingcha otyatya wüi tüile,

ROM NOK HATO ZAKYA POL LAIZA 11:23

Üntoxle Jehudi khünakbue, hwom mongchat laxle ongle janghüiba, amikya hwom nuiting ma tamchatle apüt angkya changle, chemthüikoxle Zange hwom omanman ma wüi tamchatle apüt ang thoüi.

JEREMIA 31:10

Jowanpae thüi: “Jat-libu, ku kax to apalax ilaxle ku kaxbu a tinu kaxbu tsailo to apuk-kox. Kue ku khünaknu chiakle thomle, ikoxlechu kue hwom asox-atomüi ilaxle chunnyetpa tuitae chunbu nyekya ningle kue hwom to nyeüi.

ISAIA 56:8

Jowanpa Khüthak Zang, owae zanda ang ngokya Israel nok chix khünaknu owae ma hom to apüipuix, chixe chatle chuwüi mama khünakbu chu hwom füi wom ang apüi angkya tsaole.

ROM NOK HATO ZAKYA POL LAIZA 11:26

Ile Israel khünak pangnu khosün angkya a ija changle. Otsao Lai ma akax ngokya ningle: “Khosünpa Zaion tokhange nguiüi, ilaxle Jakop sixli angkya, chichang-chizang mwot awütüi.

PONGWANG LAIPEX 28:15

Mong ma koplax, ku a tütakhatochu nang füi womle tamchu nang kho-awale ngoüi, ilaxle kue nang ija haxtok to chatle chat ang tomüi. Kue nang füi tsaosax daokyabu pangnu changle mahüi tanto kue nang otuechu danle müntox.”

PONGWANG LAIPEX 48:21

Ipongma Jakop-e Jusep ang thüi: “Nange ngünle ngopu, ku a zitu nguidaoa, ikoxlechu Zang nang füi tüile ilaxle chixe nang kem putong hwom haxtok to chat ang tomüi.

TSAITONG-KAXTONG 4:27

Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

TSAITONG-KAXTONG 13:17

Olithule amüt angkya othuak-ozom ma womdaokya tuina ma hanpak ang tütalichu taxtüi, ile changkox tix Jowanpae chix mongtsik mongma tokya mongchat laxle hünzom hato chingcha ahoüi. Chixe hünzom to chingchaüi ilaxle hünzom a tüle pu-tsakya khünaknu ang achangüi, ija a chixe hünzom putong hwom tsaosaxdaokya ningle changüi.

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

JOB LAIPEX 42:10

Ifüima, Job-e hozui hwom mixsün azom hanpakma zangjople chang füima, Jowanpa chix tamchatle saxpu-luawang ang achang ilaxle amipongma tüikya to othom anyie nüile chix to mohiman.

MÜNCHUAK-TSAI 107:3

ilaxle chixe mixnok chaxwan tokya hünzom chatle apüile, handün hia hannop tokya, shuakux hia shuathong tokya.

ISAIA 27:12

Ija nyix, Eufrat makhange Ijip nok longzipong alople, Jowanpae tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

JEREMIA 12:14

Jowanpae thüi: “Kue ku khünaknu Israel ang koxkya haxtok amakya hwom tomzi nokbu bama kue zangwün angkya hidaole tüile. Fum file awütpupule kue ibu chichang-chizangkya khünakbu hwom chaxwan angkya file awütüi, ilaxle hwom chak tokya Judah nok kue sünüi.

1 PUKAX-PANGAO 16:35

Chix ang thüikox: “Kwom khosün hüi, O Zang kwom khosünpa; kwom asox atomhüi; mixnokbu chak tokya kwom azün hüi, ikoxtix kwom münchong fakya füi tamchu nang otsao mün achuakkya füi ngo ang.”

ISAIA 43:5

Hünzom ojao taxza — ku a hünzom füi tüile! “Tsailo nok handün hia hannop tokyabu, hünzom khünakbu kue hom to ngui ang tomüi.

ISAIA 54:7

“Noxtasa hanpakma kue nang danle toxpu; mongkün zukya füi kue nang chatle laxüi.

JEREMIA 23:3

Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

EZEKEL 11:17

“Idaile ku, Jowanpa Khüthak Zang-e hwom füi akaxle ngokya kax hwom hama apuakox. Hwom chiakle asam thomkya haxtok tokya kue hwom asox-asüiüi, ilaxle Israel haxtok kue hwom ang wüi achatle koxüi.

EZEKEL 39:28

Ipongma ku khünakbue ku a Jowanpa, hwom Zang changpule awan ang kopüi. Ija hwome awanüi, chemthüikoxle hwom a kue zanda ang koxle apaopu, ilaxle athax a tokfüi to tuita danle chitoxle asox-asüilaxle pangnusa wüi hwom haxtok to tamchatle apüile danpu.

MIKA 7:19

Nange tamchatle kwom to chingcha-jajaüi. Nange kwom ochaxbu to hax ma cha füi naküi ilaxle ibu tinu jithong to apaoüi!

ZEKARIA 10:9

Kue hwom chaxwan tok to chiakle sam ang tomdaobachu, ibachu ochuchu tokhange hwome ku texle ataküi. Hwom tamchu hwom su-sa hwom chimaxle azangüi ilaxle tomle ma chaxwan to chatüi.