TSAITONG-KAXTONG 30:20 - OTSAO BAIBEL (BSI)

²⁰ Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

TSAITONG-KAXTONG 30:20 ပူးပေါင်းရင်းမြစ်များ

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

WANGSHEMBU MWOT 17:25

Chix hanpakma moklaxle khünake chix ang koxkya lax angkya chix hanpakma mwotjao müntüi; chemthüikoxle khünak mixsa hia zünmoknüsa ang ozün hia zaksyet ang koxkya a chix tix changle.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

WANGSHEMBU MWOT 17:28

owawae akaxkya ningle: ‘Chix ma kem ozün ma ngopu, amik-amokpu ilaxle ajingle ngopu.’ Ija a hünzom tsaipa owawae thüikya ningle, ‘Kwom chuwüi chixsu chixsabu changle.’

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

MÜNCHUAK-TSAI 66:9

Chixe kem ozün ma thomle üntoxle düt ang chitom.

MÜNCHUAK-TSAI 36:9

Nang a khüzün pangwüi otong changle, nang zangngai khomatix kwome zangngai ngünpu.

JIHUSUA 23:8

Itülüi, Jowanpa to mongong thomlax. Anyix kople hünzom ngole hüikya lailai ngolax.

TSAITONG-KAXTONG 10:12

Athax a, O Israel khünaknu, Jowanpae hünzom ma chem jupuix ija to apalax: Jowanpa to shwom-to le changlax ilaxle chix kaxtom ma pangwüi moklax. Hünzome ma kün-hi-mong bakle koxle chix to mongkünkox tamchu chix thothakox,

TSAITONG-KAXTONG 5:16

“‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

MÜNCHUAK-TSAI 27:1

Jowanpa a ku zangngai üntoxle ku khosün changpu; ku owa thuachu münzapu. Jowanpae thama pangnu chak tokya ku azün; ku chemtuechu münzapu.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

TSAITONG-KAXTONG 11:9

Ilaxle Jowanpae hünzom putong hwom hia hwom su-sa hwom ang koxüihex-ole tsaokya haxtok ma hünzom tsünlo-khothole ngo ang thoüi.

TSAITONG-KAXTONG 6:5

Nang mongtsang pangnu füi, nang chamua pangnu füi, ilaxle nang tsak-zong pangnu füi Jowanpa nang Zang to mongkünkya tüilax.

TSAITONG-KAXTONG 4:4

ikoxle hünzom opange Jowanpa hünzom Zang to mongong thomtsuak puix, athax kople pangwüi ozün ma tüipu.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

TSAITONG-KAXTONG 30:16

Hünzome Jowanpa hünzom Zang kax ma laxle jangtüi, chix kax ma laxlax, ilaxle chix wanlombu tole ngolax, jangchangba hünzom a ahak-aluale tamchu khünak huanuma tsale tüikya jat-li ang achangüi; ija a anyix kue hünzom ang koxle ngopu. Hünzome kop angkya haxtok ma Jowanpa hünzom Zang-e hünzom to mohimanüi.

TSAITONG-KAXTONG 30:6

Hünzome chix to mongpak-fünthole mongkünkya tüi angkya hanpakma tamchu ija haxtok ma hünzom othuithuima ngole tsuak angkya hanpakma, Jowanpae hünzom tamchu hünzom sixlibu ang kax ma laxle tüi angkya kün-mong koxüi.

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

TSAITONG-KAXTONG 12:10

Chemtue hünzome Jordan shuanu tale changüi hex, Jowanpae hünzom ang ija haxtok koplaxle ikhato ngo ang tomüi. Chixe hünzom ochax-ozan pangwüi chak tokya khosünle thomüi, ilaxle hünzom a künsom-mongsom ma ngo ang kopüi.

TSAITONG-KAXTONG 11:22

Kue hünzom ang koxkyakya wanlombu kax ma laxle tüilax: Jowanpa hünzom Zang to mongkünkox, tütalichu chix kaxtom ma laxle mokkox, ilaxle chix to mongong tüikya füi ngokox.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

TSAITONG-KAXTONG 4:1

Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

TSAITONG-KAXTONG 4:6

Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

TSAITONG-KAXTONG 31:1

Mosa-e chizakle Israel khünaknu pünzün-wangsaile akax,

TSAITONG-KAXTONG 32:47

Ibu hwon-nwot a zangwün ohuabu münchang; ibu a hünzom khüzün tomtata changpu. Ibu kax ma laxlax ilaxle Jordan shuanu talaxle hünzome kop angkya haxtok ma hünzom tsünlo-khothole ngoüi.”

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

LIWI 18:5

Kue mokkya mwot hia ku wanlombu ningle moklax; ile jangmokba nange nang khüzün sünle kopüi; ku a Jowanpa changle.”

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 6:2

Hünzom ozün ma ngokya kople, hünzom tamchu hünzom su-sa hwome hünzom Zang Jowanpa achuak-achenle tüi angkya oli changle. Hünzom ija haxtok ma tsün-khothole ngo angkya hanpakma kue hünzom ang fakya chix wanlombu pangwüi kax ma laxle tüilax.

JIHUSUA 23:11

Idaile, Jowanpa hünzom Zang to mongkün angkya bama khünkhilax.