TSAITONG-KAXTONG 30:10 - OTSAO BAIBEL (BSI)

¹⁰ Ikoxlechu ija chix hwon-nwot laipex ma zale tüikya chix wanlom pangwüi kax ma hünzome lax angkya changpu. Hünzom chix hato mongpak-fünthole chat angkya wüi changpu.

TSAITONG-KAXTONG 30:10 ပူးပေါင်းရင်းမြစ်များ

TSAITONG-KAXTONG 4:29

Ekhato hünzome Jowanpa hünzom Zang lomüi, ilaxle hünzom künbak-mongbakle janglom, hünzome chix ataküi.

1 KORIN 7:19

Chemthüikoxle khwonzütkya hia chizütkya ma chem müntüi, ikoxle tutsyen a Zang kaxtom kax ma chilaxkya hia laxkya ma tüile.

NEHEMIA 1:9

Ikoxlechu hünzom ku hato künlop-monglüile janghüi tamchu kue kaxtom fakya kax ma laxle jangmok thüiningle, hünzom chaxwan tok to chiakle tüikoxlechu, kue hünzome zangshwom angkya hanpakma zünle thomkya onui to hünzom tamchatle ngui ang tomüi.

TSAITONG-KAXTONG 30:8

Ilaxle hünzome anyix kue hünzom ang koxle ngokya kaxtombu thomüi ilaxle Jowanpa kax ma laxle tüiüi.

TSAITONG-KAXTONG 30:2

Hünzom hia hünzom su-sa hwom Jowanpa hato mongchatle jangchang ilaxle anyix kue hünzom ang koxle ngokya kaxtombu pangwüi kax ma laxle jangchang,

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

EZEKEL 33:19

Chemtue ochax khünak owawae ochax lyenle ngokya zak laxle sukya hia müikya mwot mokle changpuix, chixe chix kho sündaoa.

EZEKEL 33:14

Kue ochax khünak owawa ang chix zikmüt mangkho bama kaxkhün koxle changüi, ipongma chixe ochax lyenkya zak laxle sukya hia müikya mwot mokle jangchang:

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

EZEKEL 18:21

“Owawa ochax khünak tuitae ochax mwot mokle ngokya zak ilaxle ku wanlom ma ngole ilaxle chixe chem supuix tamchu chem müipuix ijaja mokle jangchang, chix a münziüi; chix a tütakoxlechu ozün ma ngoüi.

TSAITONG-KAXTONG 29:21

Jowanpae chix a Israel homjenbu khama tuita kaxpan ang laxle twonüi ilaxle ija Jowanpa hwon-nwot laipex ma zale tüikya tsaotsüt angkya othuak-ozombu thama chix hato ngui ang tomüi.

TSAITONG-KAXTONG 30:11

Anyix kue hünzom ang koxle ngokya kaxtom a hünzom zongto huanuma tsakle chichangba münaloptsuak le münchang.

TSAITONG-KAXTONG 6:5

Nang mongtsang pangnu füi, nang chamua pangnu füi, ilaxle nang tsak-zong pangnu füi Jowanpa nang Zang to mongkünkya tüilax.

ZEKARIA 6:15

Tsailo to ngokya khünakbu nguilaxle Jowanpa Zangshwom-Hom zingkya to asunle changüi. Ilaxle chemtue ija tamchatle zingkya tsuaküihex, Jowanpa Khüthak Zang-e hünzom hato ku tsanle ahüikya awanle laxüi. Hünzome Jowanpa hünzom Zang kaxtombu kax ma laxle jangchang, ibu pangwüi changle hüiüi.