TSAITONG-KAXTONG 3:4 - OTSAO BAIBEL (BSI)

⁴ Ipongponge wüi keme chix tingnubu komle hwople kop, ile keme chilangle chemchu chitox. Pangnu athüt koxle keme tingnubu 60 hwople kop, ija a Argob haxsüt, wanghompa Og wangting komle wom.

TSAITONG-KAXTONG 3:4 ပူးပေါင်းရင်းမြစ်များ

1 WANGHOMBU 4:13

Bengebar-e: Gilid angkya Ramoth tingnu, Manasseh sixli Jair hwom saxthom kux tingkhuabu, Bashan angkya Argob wankam, pangwüi athüt koxle chongkya-chongkya tingnubu 60, panzailaxle long katuk füi ziakople tüikya hia pan zünkaibu to khopjanbu füi aja laxle tüikya, ibu to apün.

JIHUSUA 12:4

Hwome Bashan wanghompa Og to chuwüi lüt. Chix a Refaim khama akiakyapa tuita; chixe Ashtaroth hia Edrüi nyi ma apünkya.

HUAKE LAIPEX 21:35

Ikhoma Israel khünakbue wanghompa Og, sasün hwom tamchu chix khünakbu lang. Ozün ma owachu chitox; ilaxle hwome ibu haxtok pangwüi hwople kop.

TSAITONG-KAXTONG 3:3

“Ikhoma Jowanpae wanghompa Og hia chix khünakbu kem chak to dan, ilaxle keme hwom pangwüi langle awüt.

TSAITONG-KAXTONG 3:5

Tingnu ibu a pan tüle-tüle tsuale zinglaxle tukle tüikya, zün a shingmongle aja laxle ziakople tüikya, iboma pan zaile tukle chithomkya tingnubu chuwüi huanuma tüikya

TSAITONG-KAXTONG 3:13

Manasseh homjen süifi ang kue, wanghompa Og-e apünle tüikya Bashan pangwüi tamchu Gilid pangwüi lax ang tom; ija a Argob wankam pangwüi.” (Bashan ang Refaim haxtok le nyak.

TSAITONG-KAXTONG 3:14

Manasseh homjen angkya Jair-e Argob haxsüt komle lax, ija a Bashan makhange Geshur hia Makah longzi alople. Chixe onok ang chix mün ma nyak, ilaxle athax kople hwom Jair tingsho hexle wüi ngole tüile.)

TSAITONG-KAXTONG 4:47

Hwome chix haxtok lax iboma Bashan angkya wanghompa Og haxtok chuwüi lax. Chix chuwüi Jordan shuanu zongma handünchi kao ma tuita Amor nok wanghompa wüi changkya.