TSAITONG-KAXTONG 3:12 - OTSAO BAIBEL (BSI)

¹² “Chemtue keme ija chaxwan laxle changpuix, kue Reuben hia Gad saxthom hwom ang Arnon shuanu zui ma tüikya Aroar tingnu zongma shuakuxchi haxtok ilaxle Gilid angkya haxhua nok süifi, hwom tingnubu füi tomle hwople kop ang tom.

TSAITONG-KAXTONG 3:12 ပူးပေါင်းရင်းမြစ်များ

TSAITONG-KAXTONG 2:36

Jowanpa kem Zang-e kem ang Arnon haxcha kax ma tüikya Aroar angkya tingnu hwople kop ang tompu; iboma Gilid to leüi lom ma haxcha osungwa ma tüikya tingnu tuita chuwüi amüt ang tompu.

2 WANGHOMBU 10:33

Ikhama Jordan shuanu zongma handünchi kao haxtok Arnon shuanu angkya Aroar tinglong shuathong chikao alople: Gad, Reuben hia Handünchi Manasseh hwom ngokya Gilid hia Bashan haxsüt pangwüi wom.

TSAITONG-KAXTONG 4:48

Ija haxtok a ibibile tüikya: Arnon shuanu kax ma tüikya Aroar tingnu makhange shuakux chito dongle Hermon Haxnu angkya Sirion haxhua alople.

HUAKE LAIPEX 32:40

Idaile Mosa-e Gilid haxtok a Makir homjen ang kox, ilaxle hwom ikhama ngo.

TSAITONG-KAXTONG 3:13

Manasseh homjen süifi ang kue, wanghompa Og-e apünle tüikya Bashan pangwüi tamchu Gilid pangwüi lax ang tom; ija a Argob wankam pangwüi.” (Bashan ang Refaim haxtok le nyak.

TSAITONG-KAXTONG 29:8

Ifüima keme hwom haxtok laxpu, ilaxle ija keme Reuben hia Gad hokhi ang ibomachu Manasseh homjen süifi toxkyabu ang tom-hanle kox.

TSAITONG-KAXTONG 29:7

Ilaxle chemtue kem ikhato nguipuix, Heshbon angkya wanghompa Sihon hia Bashan nok wanghompa Og nyi kem füi azan ang lai. Ikoxlechu hwom to keme wüi anaopu.