TSAITONG-KAXTONG 29:9 - OTSAO BAIBEL (BSI)

⁹ Ija tsaotsüt ma tüikya wanlom pangwüi kax ma laxle tüikox, ile changkox tix mokkya mwottho pangwüi ma hünzom tho-lünle tüiüi.

TSAITONG-KAXTONG 29:9 ပူးပေါင်းရင်းမြစ်များ

1 WANGHOMBU 2:3

ilaxle Jowanpa nang Zang-e chem mok angkya kaxtom koxpuix ija moklax. Mosa Wanlom ma zale tüikya ningle chix wanlombu hia chix kaxtombu pangwüi kax ma laxle tüilax, ile changkox tix nang apaopao khato nange chem mokpuix ibu pangwüi ma nang ahak-aluale tüiüi.

TSAITONG-KAXTONG 4:6

Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

JIHUSUA 1:7

Mongzangwünle tsuaklax ilaxle ku dapa Mosa-e hünzom ang koxkya Wanlom pangwüi kax ma laxle tüileo le thüilax. Ikha angkya oli tuita ahaile taxchang ikoxle nange nang alele pangkhato wüi tho-lünkya tüiüi.

TSAITONG-KAXTONG 29:1

Ibibi a, Moab chaxwan to tüipongma Jowanpae Israel khünaknu füi zingle tsaotsüt füikya zangwün bama apua ang Mosa ang fakya kaxtombu changle; ibu pangwüi Jowanpae Sinai haxnu ma hwom ang fakya longza-kaxtombu to obo ang fakya kaxtombu ningle changpu.

JEREMIA 50:5

Hwome Zaion tole angkya lom atüiüi ilaxle ija lom ma küithole leüi. Hwome ku füi othuithui hanpakma tsaotsütle changüi ilaxle ija otuechu chiamaüi.

MÜNCHUAK-TSAI 25:10

Chix Tsaotsüt hia chix kaxtombu thomkya khünak pangnu, mongong tüikya hia mongkün füi chixe azui.

TSAITONG-KAXTONG 29:10

“Hünzom: lompabu hia nguakax-wangkhobu, hünzom khünakbu, shekobu hia naosombu,

JIHUSUA 1:8

Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

2 PUKAX-PANGAO 31:21

Zangshwom-Hom hanpakma wüi changlax chichangba Wanlom tokya olom ma wüi changlax, chixe chasae awangle Zang achuakkya füi mok, ikhoma chix mwot pangwüi tsuakle hüi.

TSAITONG-KAXTONG 5:3

ija a kem apu-apa hwom tata füile chichang ikoxle anyix ozün ma tüikya kem pangnu füi zingkya angchu changpu.

TSAITONG-KAXTONG 31:12

Pangnusae ija atatlelax angkya ilaxle Jowanpa hünzom Zang achuak-achen ang awan angkya tamchu mongong tüikya füi chix hwon-nwot pangwüi kax ma laxle tüi angkya bama tingnu ma tüikya khünak sheko, lüka hia naosom tamchu mixnok, ibu pangwüi tomle selax.

JIHUSUA 8:35

Mosa kaxtom pangwüi, Jihusua-e sele asoxle tüikya khünaknu hama ele kox. Ikhama mixnu-naosa pangwüi tamchu hwom khato ngole hüikya mixnokbu ngaxchu tüikya.

JIHUSUA 24:1

Jihusua-e Shekem ma Israel nok pangwüi sele asox. Chixe Israel nok tüichong mixmüibu, lompabu, kaxfünpabu tamchu nguakax-wangkhobu pangwüi se, ilaxle ibu Jowanpa ngwotnui to ngui.

2 PUKAX-PANGAO 20:13

Judah haxtok angkya khünaknu, hwom kako hia naosom hwom pangwüi athütlaxle ija Zangshwom-Homkha ma ajongle tüikya.