TSAITONG-KAXTONG 28:52 - OTSAO BAIBEL (BSI)

⁵² Jowanpa hünzom Zang-e hünzom ang kox angkya haxtok ma atüitüi tingsho pangwüi to hwome single changüi ilaxle tüle chuakkya long katuk pan, ojabu to hünzome tüle mongongle tüikya hex, ibu bakle atsunüi.

TSAITONG-KAXTONG 28:52 ပူးပေါင်းရင်းမြစ်များ

MATHI 22:7

Wanghompa ang tüle mongma ilaxle chix dabu langkya khünakbu hia hwom tingsho zokle ashun ang mama dabu tsanle apao.

ZEKARIA 14:2

Jerusalem zan to ka angkya hanpakma Jowanpae jat-libu pangwüi asüi ang tomüi. Ija tingnu a hwome kopüi, homhaxbu tsuiüi, ilaxle shekobu to shingnünle changüi. Khünaknu süifi a zanda ang kople paoüi, mamabu a tingnu angkya kople münpaoüi.

ZEKARIA 12:2

“Kue Jerusalem a jutsox lailaile zingüi; she akhople tüikya jatlibue lingüi ilaxle jutok mix lailaile huüi. Ilaxle chemtue hwome Jerusalem hwople kopüihex, Judah angkya tingnu mamabu chuwüi hwople kopüi.

DANEL 9:26

Ilaxle ija hanpak ashukle changpongma Zang-e zünle kopkya lompa a chisukya olom ma langle awütüi.

JEREMIA 37:8

Ifüima Babilon nok chatle nguiüi, tingnu to single tingtaküi, ija hwople kopüi ilaxle ija zokle ashun toxüi.

JEREMIA 10:18

Ija haxtok angkya hünzom a Jowanpae tswonle awüt angkya changle; hünzom tuita ota chitoxle machang machangle chixe hünzom olithu angkya changle. Jowanpa ija akaxdaoa.

ISAIA 62:8

Jowanpae ojao mong chiao angkya kaxtsao saxle changdaoa, Ilaxle chix janzüi füi chixe ija mokle pao angkya wüi changpu: “Hünzom sozambu a hünzom zongto zanpabu süt ang münchangüi, Ilaxle hünzom grepti-ju mixnokbue tamchu münlingüi.

ISAIA 1:7

Hünzom haxtok a komkaile amadaoa ilaxle hünzom tingnubu a zokle ashunle hax to adütdaoa. Hünzome hule ngongale, zannokbue hünzom haxtok lax üntoxle pangnu olithu ang tom.

2 WANGHOMBU 18:13

Asiria chongwangpae apünkya zanglao 14 lükya to Judah angkya pan zailaxle ziakople thomkya tingnubu single, ibu to lüt.

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

TSAITONG-KAXTONG 28:51

Hünzom tsom-pom hia sax-tua hwome komkaile saxüi, ilaxle hünzom a woknuake zi ang tomüi. Ibue hünzom ang sax-tua, grepti-ju, olip münga, osu-maihu chichangba chunbu chemchu müntoxüi. Hünzom a zile samüi.

2 WANGHOMBU 6:29

Ikhoma ku naosa a kwome songle saxdaoa. Ofüinyix kue she sasün saxhax thüikoxle, she-e chix a khomdaoa!”

JEREMIA 10:17

Jerusalem angkya khünaknu, hünzom a hwople kopüi khakha! Ma tuinabu afoxlax.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.