TSAITONG-KAXTONG 28:11 - OTSAO BAIBEL (BSI)

¹¹ Jowanpae hünzom ang koxüihex-ole hünzom putong hwom füi tsaosaxdaokya haxtok ma hünzom simüi-limüile ngo ang tomüi; tsom-pom wan müile chang ang tomüi ilaxle saxkop-linglole ngo ang tomüi.

TSAITONG-KAXTONG 28:11 ပူးပေါင်းရင်းမြစ်များ

TSAITONG-KAXTONG 30:9

Hünzome amok-amomo pangwüi ma Jowanpae hünzom ahak-aluale tüi ang tomüi. Hünzom ang su-sabu tüle tüiüi tamchu tsom-pom wan müiüi. Hünzom haxtok ma huanuma oziak-owong müiüi. Hünzom pupa hwom ahak-aluale tüi ang tompongma, chix ang mong chemtukux müile tüikya hex, itukuxle hünzom ahak-alua ang tomkya ma chix ang mongmüikya tüiüi.

WANWÜNKAX 10:22

Nang hakpa-luapa ang achangkya a Jowanpa mohiman makhange changpu. Azongle mwot mokle changkya tokhange nange sisile tüi-nangkya mix ang achang tsuaküi.

TSAITONG-KAXTONG 28:4

“Jowanpae hünzom ang simüi-limüi angkya, saxmüi-tuamüi angkya, osu-maihu hia chunbu tsom-pom müi angkya mohiman pangwüi faüi.

LIWI 26:9

Kue hünzom to mohimanüi ilaxle su-sabu tüle-tüle pu-tsale chang ang tomüi. Kue hünzom füi tsaotsütkya Tsaotsüt, ku hanpak kue münale.

MÜNCHUAK-TSAI 132:11

Jowanpae Dawid füi otsingtsing kaxtsao sax, ija tsaosüt hato chixe tok aho angkya chichang: “Nang sasün hwomkha angkya tuitae nang manma wanghompa ang achangle apünüi.

JOB LAIPEX 19:17

Ku zaknom koxle kakonu ku hama ajong ang chitho; kutüi kunao hwom ngaxchu soxle chihüitho.

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 7:13

Chixe hünzom to mongkünkya tüiüi ilaxle mohimankya tüiüi; ile hünzom khünak huak tüle pu-tsale changüi iningle su-sa hwom huanuma tüiüi; chixe hünzom haxtok manzai to mohimanüi ilaxle hünzome tüle saxkople, grepti-ju hia olip münga kople changüi; ilaxle hünzom ang osu-maihu hia chunbu tüle koxle mohimankya tüiüi. Chixe ibu mohiman a, hünzom putong hwom füi hünzom ang koxüihex-ole tsaokya haxtok ma koxüi.

MÜNCHUAK-TSAI 107:38

Chixe chix khünaknu to mohiman, ilaxle hwom ang su-sabu huanuma tüi; ilaxle hwom müizyembu chixe sütsa-sütsale tsa ang tom.

MÜNCHUAK-TSAI 127:3

Naosombu a Jowanpa tokhange hingho tuita changle; hwom a otsigtsing mohiman changle.