TSAITONG-KAXTONG 27:7 - OTSAO BAIBEL (BSI)

⁷ ilaxle ikhama tö koxle changüi üntoxle hünzom notom tusüi tö koxkya saxüi ilaxle Jowanpa hünzom Zang tunthoma mongmüi ang tomüi.

TSAITONG-KAXTONG 27:7 ပူးပေါင်းရင်းမြစ်များ

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

ISAIA 12:3

Tikongsae tilan amüikya ningle, Zang khünakbu, chixe hwom khosünkya zuma mongmüile.”

TSAITONG-KAXTONG 12:7

Jowanpa Hünzom Zang, owae hünzom to mohimanpuix, ikhato hünzom tamchu hünzom haxnu-homsabue mae mokle alaikya sütmüi-lingma saxlaxle mongmüi-pwonlale ngoüi.

KOLOSI 1:20

Ifüima Hosa makhange zangfang abakle chix hato chat ang tom angkya Zange mongzangwünle tsuak. Chix Hosa pünsak ma zikya tokhange Zange tumüi lomzing ilaxle ding hia hax ma tüikya pangnu li chix hato chat ang tom.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

TSAITONG-KAXTONG 16:14

Hünzom tingnubu ma hünzom füi ngole tüikya, su-sa hwom, dabu, Liwi hwom, püntüibu, zomnu-khaxsabu, ibu pangwüi selaxle ija pangpwon saxle mongmüilax.

TSAITONG-KAXTONG 16:11

Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.

TSAITONG-KAXTONG 12:12

Ekha chix ngwotnui ma mongmüilax, hünzom naosombu, dabu ilaxle hünzom tingnu ma tüikya Liwi hwom pangnusa füi wonmüi-samale changlax; Liwi hwom ang haxtok süntswon müntüi, ija ajangle koplax.

TSAITONG-KAXTONG 27:6

tö-tsap tuita chu hünzome Jowanpa hünzom Zang hanpakma zingpongkya longtom tuita füi zing angkya hanpak changpu. Ikhama hünzome zokle ashunkya tö koxüi,

TSAITONG-KAXTONG 27:8

Chwople anünle tüikya longtok ma tsaothale Zang wanlom kaxhuak pangwüi zale thomkox.”