TSAITONG-KAXTONG 26:7 - OTSAO BAIBEL (BSI)

⁷ Ifüima kwom to asun angkya bama kwome Jowanpa, kwom putong hwom Zang to nyakle akhong. Chixe kwome nyakkya ozing atatle lax ilaxle kwom sikngün-zolit ilaxle fuxtsüile nuzaokya ngünle lax.

TSAITONG-KAXTONG 26:7 ပူးပေါင်းရင်းမြစ်များ

LAIPAO 2:23

Namngo ngokya füima Ijip nok wanghompa zile pao. Israel khünaknu a hwom da ang ibu fangto ngolaxle tüle nuzao ikhoma akhongle sop. Ile da tuita chifün ma ngolaxle hwom to asunfale hwom sopkya ozing Zang ha alop.

LAIPAO 3:9

Israel khünaknu sopkya ozing ku na to nguidaoa. Ijip noke hwom to chemle sikngün ang tompuix, ibu bakle kue ngünle laxdaoa.

JEREMIA 33:2

Jowanpa, owae chaxwannu zingle alaipuix, owae ija alailaxle ija onui ma danle changpuix, chixe ku füi akaxle. Chix owa ang Jowanpa le amünpuix, chixe thüi:

MÜNCHUAK-TSAI 119:132

Nange nang to mongkünkyabu to chempang changdaopuix ija ningle kuchi to huhüi ilaxle ku tochu chingcha hüi.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

1 SAMUEL 9:16

“Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

LAIPAO 6:5

Athaxpi kue Israel khünaknu, Ijip noke da mwot amokle sikangünkya zoshune wotkya zing kue atatdaoa ilaxle kue ku Tsaotsüt texle atakpu.

LAIPAO 4:31

Hwome mongong, ilaxle chemtue hwom hato Jowanpa nguilaxle hwome sikngün apongle ngokyabu to komkaile hule toxkya kax atatle changpuix, ipongma hwome akhuxlaxle chix shwom.

2 SAMUEL 16:12

Owatsing Jowanpae ku sikngün ngünle laxüi ilaxle ija chix thuakzom lüi ma lax ang ku ang mohiman ozüita fale chuwüi changtüilax.”

PONGWANG LAIPEX 21:17

Naosa sopkya zing Zang-e atatle lax, ilaxle zangkangting tokhange kaxtaimix tuitae Hagar füi akax: “Hagar, cheme nang künduk-mongthang ang tompu? Nang taxza. Naosa sopkya Zang-e atatle laxdaoa.

PONGWANG LAIPEX 29:32

Liah ma naotüi ilaxle sasün tuita pux. She-e thüi: “Jowanpae she künduk-mongthang ngünle laxdaoa; athaxpi ku kakopae ku to mongkünkya tüiüi.” She-e ija nao ang Reuben le mün kox.

LAIPAO 2:25

Zang-e Israel khünaknu to hule ano ilaxle chixe hwom sikngünkya chifün awanle lax.

MÜNCHUAK-TSAI 31:8

Nange ku zanpabu ang ku kop ang chitom; ku mong atsutsu khato aham angkya nange ku ang mongtex panpu.