TSAITONG-KAXTONG 26:2 - OTSAO BAIBEL (BSI)

² puatakle laodong pongma pongwang angkya puamün wünkya nua ma sholaxle noknusae wüi zangshwom angkya nui to apüi angkya oli changpu.

TSAITONG-KAXTONG 26:2 ပူးပေါင်းရင်းမြစ်များ

LAIPAO 23:19

“Zangfole hünzome pongwang ma zütkya tsaxziak, Jowanpa, hünzom Zang, ku hom to apüiüi. Hünzome chun hia zwon hosabu müi honu tsomti khato taxsong.

LAIPAO 23:16

Hünzom puamünle tsaxtu ang sütkya zuma saxcha-wünle nuilax. Zangtso hia zangwa nyi bama pomsa pangpwon saxle changlax. Ija a hünzome grep ziak hia mama pünziakbu afox-atomle tsuakkya füima changüi.

EZEKEL 44:30

Puamün wünkya hia ku ang koxkya oli pangnu amüimüi a nguapabue kopüi. Khünaknue an atsankya dang to, pongwang ma atsankya an a tö tuita ningle hwome nguapabu ang kox angkya changpu, ilaxle ku mohiman a hwom homkha ma ngoüi.

JAKOP 1:18

Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

1 KORIN 16:2

Ku nguikya zuma ngun saile chingo angkya kuxma, mae kopkyakya ma thütle, nazak nyixnyix hünzom pangnusae wüi ngun hidaopong saile athün thom angkya changle.

1 KORIN 15:20

Ikoxle otsingtsing a ija changle: Khrista zidaokya chatle azangle zokya changle, idaile zipu le shuile ngokyabuchu azangle zo angkya jao changle.

ROM NOK HATO ZAKYA POL LAIZA 11:16

Owang ma wanshikle Zang ang fakya jangtüi dao thüikoxle, tsap ma shemle thomkya saxchu komle chix kux changüi; ilaxle pün otsing Zang ang uale jangkoxdao thüiba, okangsabuchu wüi chix kux ang changüi.

ROM NOK HATO ZAKYA POL LAIZA 8:23

Ikoxlechu Zang chakzing tata le münchang; kem opange pongwang angkya Zang hingho ningle Otsao Chasa koplaxle tüipuix, Zange kem chix susabu ang achang angkya ilaxle kem ozün abakle dan angkya tanle ngopongma kemechu kem mongsik ngünle akhongle.

EZEKEL 48:14

Jowanpa hanpak ang atsaole dankya haxmik a haxtok ma sümüikya kha changüi, ilaxle ijongkha a owawa ang hangle chichangba owawa füi alüix-achüix le chichangüi. Ija a otsao tamchu Jowanpa kux changpu.

EZEKEL 20:40

Haxtok chukhato, ku otsao haxnukho ma, Israel ma atsuakya haxnukho ma, Israel khünak hünzom pangnusae ku to shwom angkya changle. Ku ang hünzom füi mongmüiüi, ilaxle hünzome ku hato sümüikya töbu, hünzom töbu amüikya hia hünzom otsao hinghobu apüile kox angkya changle le mongongkya tüiüi.

TSAITONG-KAXTONG 16:10

ifüima saxcha-wünle nuilax. Jowanpa hünzom Zang-e hünzom ang mohiman chemtukux koxpuix, ija ma thütle chix hato küntsu-monglua töbu apüile chix achuak-achenkya tüilax.

LAIPAO 34:26

“Zangpua foto nang manzai kha angkya puamün Jowanpa homkha to wünkya tüikox. “Otsom sip madankya chun hosa hia zwonsa taxhuak.”

MIKNGÜN-OHÜN 14:4

Hwom a chinunchakkai chemchu chitüi le shekobu füi atsaile ngokya tsaothakyabu changle. Chix alele chito lele hwome Chun Hosa man to. Hwom a khünaknüsa kha angkya shakle kopkyabu changle. Hwom a Zang üntoxle Chun Hosa ang pongwang ole kox angkya thom changle.

ROM NOK HATO ZAKYA POL LAIZA 16:5

Hwom hom ma asoxkya müimüithom angchu salam. Asia haxtok ma owang pa ma Khrista to mongongkya ku zuikhui Epaineta ang ku salam.

JEREMIA 2:3

Israel, nang a ku tata kux changle; nang a ku otsao tüi jaojao changhupu. Kue sikngün zothup ahüipu nang to chakmok janlangle changkyabu pangnu hato. Jowanpa, kue akaxdaoa.”

NEHEMIA 13:31

Khünaknue hwom puamün kha angkya saxziak hia pünziak töbu apüile chang angkya hanpakma tamchu hwome ibu apüi pongma töbu zokle ashun angkya hanpakma tingtui nakdong le kue ha achwonle koxpu. Ibu pangwüi texle atak-hüi ilaxle ija bama ku to chingchakya tüihüi.

NEHEMIA 12:44

Ipongma khünakbu a Zangshwom-Hom hanpakma tuinabu apüile koxkya athünle thomkya pungbu to hu ang dan. Hwome apüikya khama bünfong, zangpua mong angkya saxziak hia pünziak puamün wünkya ibu pangwüi tüikya. Wanlom ma tüikya ningle nguapabu hia Liwi hwom hanpak ang tingnubu zui ma tüikya manzai kha angkya saile asox angkya hwom mwot changkya. Judah angkya khünaknu pangwüi nguapabu hia Liwi hwom füi mongmüile tüikya,

2 PUKAX-PANGAO 31:5

Kaxtom koxkya füi tomle, Israel khünakbue hwom manzai puamün amüimüi, tsaxziak, grepti-ju, olip münga, nax-ti, tamchu mama haxtok ma alaikya oli pangwüi apüile kox, ilaxle hwom ma atüitüi pangnuli angkya bünfongbu chuwüi hwome apüile kox.

2 PUKAX-PANGAO 6:6

Ikoxlechu athax kue ku to shwom angkya onui ang Jerusalem zünle kopdaoa, ilaxle Dawid a ku khünaknu thakma apün angkya mix ang zünle kopdaoa.’”

2 WANGHOMBU 4:42

Mamatue, Bal Shalishah tokhange khünak tuita ngui, tsaxsa-tula puamün sax thulaxle zingkya ankhao 20 ilaxlechu tsaxkho shikkya Elisha hato apüile kox. Elisha-e chix dapa ang ibu füi ajebu othom tux angkya kaxkox.

JIHUSUA 18:1

Hwome haxtok bakle lüttsuakkya füima Israel khünak pangwüi Shiloh ma asox ilaxle ikhama Jowanpa ngwotnui Nyihom tuita ajong.

TSAITONG-KAXTONG 18:4

Hwome ibibi puamün pongle kop angkya changle: Sax-ziak, grep-ti, olip-münga ilaxle chun mun, ibu.

LIWI 2:14

Chemtue nange Jowanpa hato puamün tö apüile changüihex, huakkya sax chichangba ija amyetkya sax kox angkya oli.

LIWI 2:12

Nange ibu puatak mün ma Jowanpa hato tö koxle apüi ang tsuak; ikoxlechu ibu a ongan müile zokle ashunkya tö koxkya tö-tsap dingma chidanüi.

LAIPAO 22:29

“Otu nguikya zuma hünzome ku ang, hünzom sax hia grepti-ju, hünzom olip münga, ibu tö koxhüi. Pongwang puxkya hünzome ku ang koxhüi.

1 KORIN 15:23

Ikoxlechu pangnu wüi olom ma leüi; Pongwang ma Khrista; ifüima chix nguikya zuma, chix to ongkyabu pangnu.

LAIPAO 20:24

Ku hanpakma hax makhange tö-tsap tuita zinglax, üntoxle ija dingma hünzome chun hia maihubu langlaxle, zokle ashunkya tö ilaxle tumüi tö, le koxhüi. Onui ojongpang to kue ku shwom angkya hanpak süile changüihex, ikhato ku nguiüi ilaxle hünzom to mohimanle changüi.

TSAITONG-KAXTONG 26:1

“Jowanpa hünzom Zang-e hünzom ang koxkya haxtok alople, ikhama tingtan nokzingle ngole changkya füima,

TSAITONG-KAXTONG 26:3

Ipongma zomzing ang asukya nguapa hato nguilaxle chix füi akaxlax, ‘Athax kue, Jowanpa ku Zang-e kwom pupa hwom ang koxüihex-ole tsaosaxkya haxtok to ku ngui ang kopdaoale Jowanpa ang awan ang tompu.’