TSAITONG-KAXTONG 26:15 - OTSAO BAIBEL (BSI)

¹⁵ Nang ngwotnui otsao zangkangting tokhange hüihüi ilaxle nang khünaknu Israel nok to mohimanhüi; nange kwom füi tsaotsütkya ningle kwom ang fakya, ahak-aluale hia haxzaoe awangle tüikya kwom haxtok to mohimanhüi.’

TSAITONG-KAXTONG 26:15 ပူးပေါင်းရင်းမြစ်များ

ISAIA 63:15

Jowanpa, otsao hia fuazang ma nang ngole tüikya zangkangting tokhange kwom to huhüi. Nange huanuma kwom tuitexkya omaün? Nang tsak-zong a omaün? Nang mongkün hia chingcha a omaün? Kwom chie-chisele taxchang.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.

WANGSHEMBU MWOT 7:49

Zangkangting a ku ngwotnui, chaxwannu ku chiting nui changpu. Ku ang nange, chem ningkya hom zingüi? Ku na-azak angkya nui a, ojong khato tamtüi?

JEREMIA 31:23

Jowanpa, Israel nok Khüthak Zang-e thüile: “Chemtue kue khünaknu ang hwom haxtok tamchatle koxüihex, hwome anaole chuwüi Judah hia ija angkya tinglongbu ma thüiüi: ‘Jowanpae Jerusalem angkya otsao haxhua to mohimanle naxchang. Chix ngole tüikya otsao nui a.’

1 WANGHOMBU 8:43

chix zangjop to lankox. Nang ngokya zangkangting tokhange chix kax to lankox ilaxle chixe mok-hüile thüikya mokle laxkox, ikoxle tix nang khünaknu Israel nok ningle chaxwannu khünaknu pangnusae nang tsingüi ilaxle nang kax ma laxle tüiüi, Ifüima hwome, ija kue zaile alaikya Zangshwom-Hom a nang shwomnui changpule awanle laxüi.

1 WANGHOMBU 8:27

“Ikoxle, O Zang, nang a chaxwannu ma ngo ang tho ang chami? Zangdingkho ibibi ma ngaxchu nang shatang onui chitüi, idaile kue zingkya Zangshwom-Hom tomning nguiüi hia?

MATHI 6:9

Idaile hünzome Zang ile joplax: ‘Zangkangting to ngokya Apa; Nang otsao mün naxachuak;

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MÜNCHUAK-TSAI 90:17

Jowanpa kwom Zang, nang mohiman kwom füi ngo ang tomkox. Mokkya mwottho pangnu ma kwome tho-lün ang tomhüi!

MÜNCHUAK-TSAI 51:18

O Zang, Zaion to chingchakox üntoxle she to fongkox; Jerusalem katukbu azünle zingkox.

MÜNCHUAK-TSAI 28:9

Jowanpa, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.

TSAITONG-KAXTONG 26:7

Ifüima kwom to asun angkya bama kwome Jowanpa, kwom putong hwom Zang to nyakle akhong. Chixe kwome nyakkya ozing atatle lax ilaxle kwom sikngün-zolit ilaxle fuxtsüile nuzaokya ngünle lax.

TSAITONG-KAXTONG 26:9

Chixe kwom ikhato apüi ilaxle ipong müikya tamchu ahak-aluale tüikya haxzao füikya haxtok ija kwom ang kox.

TSAITONG-KAXTONG 26:14

Kue ku mongmaxle sople ngopongma ngaxchu ikha angkya tuita münsax. Ku zanglom ma chitsaole asu pongma, ku homkha angkya kue ija tuita chu chialai. Kue ikha angkya tuita chu chapabu to jop-tole chikox. O Jowanpa! Nange ku füi bünfong bama adangle fakya pangwüi mokle changdaoa.

2 PUKAX-PANGAO 30:27

Zompu-zangpabu hia Liwi hwome khünak hanpakma mohiman ju. Zangkangting chix hom tokhange Zang-e hwom zangjop atat ilaxle hwom pongle kop.

MÜNCHUAK-TSAI 68:5

Zang, owa chix Zangshwom-Hom ma ngopuix, chixe zomnu hia khaxsa hwom to humele.

MÜNCHUAK-TSAI 80:14

Kwom hato chat-hüi, Khüthak Zang! Zangkangting tokhange kwom to huhüi; nguilaxle nang khünaknu khosünhüi!

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 6:3

Ibu kax ma laxle tüilax, hünzom Israel khünakbu, ilaxle ibu kax ma laxle tüilax! Ile jangchangba hünzom füi pangwüi müile hüiüi, ilaxle hünzom a chongkya jat-li tuita ang changüi ilaxle ija ahak-aluale haxzao füi tüikya haxtok ma ngoüi; ija a kem putong hwom Zang, Jowanpa chix kaxtsao ningle changüi.

MÜNCHUAK-TSAI 80:15

Nange küitoxkya ija grep zu khosünle kop-hüi, nange owan müile tsong ang tomkya ija zusa a!