TSAITONG-KAXTONG 24:6 - OTSAO BAIBEL (BSI)

⁶ “Chemtue nange khünak tuita ang tütali thashe ma koxle changpuix, chixe saxthu ang laxle ngonanakya thom ija tsangthom hanpak ang chilaxüi. Ile chang koxle hwom ozün ma ngo angkya hanpakma achwonkya kako süt lomtsyenkya ang changüi.

TSAITONG-KAXTONG 24:6 ပူးပေါင်းရင်းမြစ်များ

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

TSAITONG-KAXTONG 20:19

“Chemtue hünzome tingnu tuita kop ang azongle changüihex, hünzome ziakop ang hanpak lole laxkoxchu oziak saxfang pünbu dakle taxama. Pünziak saxkox ikoxlechu pünpo amale taxchang; pün-zuabu a hünzom zongto zanpabu münchang.

PONGWANG LAIPEX 44:30

“Idaile O alixachong, ija naosa chilax homtoxle ku apa hato chat angkya jangchang; chixe nao ku füi tomle müntüile ngünkya füi tomle chix a zijao ziüi. Chix khüzün a ija nao khüzüne tix khwoplax thompu, chixe muakya mongma apongle jangchang thüiningle thuile zile paotang azule changdaoa.

MIKNGÜN-OHÜN 18:22

Thuaput waxmai mütkyabu, tsai ngaokyabu; thuaput hia nyazong mütkyabu, ibu zingzua nange tammünatat! Tüningkya thalex lom mawüi changlax, mwotmok ang mix nang ma tammünatak; anthut long zing nang ma tammünatat!

MATHI 24:41

Sheko anyie thomthu le asuüi; tuita dünüi, tuita a danle toxüi.

TSAITONG-KAXTONG 24:5

“Chemtue khünak tuita tuiju-nasomkya hozün changpuix, chix a zanhu mwot to ka ang chitomüi chichangba chix ang pünsüt-wangmwot chifaüi; zanglao tuita hanpak ang chix a tingsüt-nok-mwot chemchu chitüile danüi, ikoxtix wüi chix a hom ma nuilaxle ma kakonu mongamüi ang tsuaküi.

TSAITONG-KAXTONG 24:7

“Israel khünak tomtom owawae owawa kople paolaxle ma da ang thom chichangba ija khünak da ang achangle hangle jangchang, ija khünak a mik max ang tom angkya changle. Ile changkox tix hünzom ija ochax füi atsaile ngo ang tsuaküi.

JOB LAIPEX 22:6

Tüinao tuita angkya nang thashe tsangthom ang, chix angkya nyiwun khaota chitoxle tsuile paopu.