TSAITONG-KAXTONG 24:19 - OTSAO BAIBEL (BSI)

¹⁹ “Chemtue hünzome tsaxtule changpuix ipongma tsaxwüt asüi ang taxka ngo; ibu a püntüi, khaxsa-zasa hia zomnubu hanpak ang naxbang kox. Ile changkya khoma Jowanpa hünzom Zang-e hünzome amokmok pangwüi to mohimankya tüiüi.

TSAITONG-KAXTONG 24:19 ပူးပေါင်းရင်းမြစ်များ

LIWI 23:22

Chemtue hünzome tsax atuüihex, Chamtua-suizang alople taxasüi, ilaxle danle toxdaokya tsaxwüt asüi angchu tam-taxchat ngo. Ibu a mixshix-zasa hia püntüibu hanpak ang toxdao. Jowanpa a hünzom Zang changle.

TSAITONG-KAXTONG 14:29

Ija süt a Liwi hwom hanpak ang changüi, büthüikoxle hwom ang ma tingtok hexle chemchu müntüi ilaxle püntüi, zasa-khaxsa tamchu thanu hia zomnu chabu, opang hünzom tingnu ma ngole tüipuix, hwom hanpak angchu changpu. Hwom nguilaxle mae laxsese kop angkya changle. Hünzome ile moklax, ikoxle Jowanpa hünzom Zang-e hünzome amokmok pangwüi mohimanle changüi.

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

KAXHO MÜIKYA LUK 6:38

Mix ang laxkox, ikoxle Zange nang ang koxüi. Othüt müile thütkya, shingle thütkya, sile thütkya, ajunle thütkya, nang tsongmün-khialyem le faüi; chemthüikoxle oja othüt hünzome mix hanpakma twonüihex, ija othüt Zange hünzom hanpakma twonüi!”

ISAIA 32:8

Ikoxlechu achuak-koxle sule tüikya khünake mwot sule mokle ilaxle chem supuix ija bama shingmongle ajongle.

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

JOB LAIPEX 42:12

Chix tsün owangpongkya to nüile Jowanpa Job to mohiman. Athaxpi Job ang chun jatbün ali, hajat azok ut, hajat anyi maihu, ilaxle hajat tuita mantsak tüikya.

TSAITONG-KAXTONG 26:13

Jowanpa ang thüikox, ‘Kue hom to bünfong pyenle toxkya kha jao müntüi, nange ku ang kaxtom fakya lailaile kue ibu Liwi hwom ang, mixnok hia khaxsabu ang tamchu zomnubu ang koxle tsuakdaoa. Kue bünfong ba angkya nang kaxtom chimok homtoxle chichangba alak-athakle chemtuechu matox.

TSAITONG-KAXTONG 15:10

Sax-akünkya chemchu chitüile chix ang mongtex ma nguile laxkox, ikoxle nang amokmok pangwüi to Jowanpae mohimanüi.

KAXHO MÜIKYA LUK 6:35

Ile münchang! Hünzome ma zanbu to mongkün kox ilaxle hwom ang müikya olom mokle laxkox; olüix kopüi le ongkya chitüi le laxkox. Ile jangchangba nang ang hingho chongkya tüiüi, üntoxle hünzom a Taitax Zang susa ang achangüi; chemthüikoxle münchong chifakya hia chichang-chizangle tüikyabu to chixe chingchale.

WANWÜNKAX 14:21

Nang mongmüile ngose jangtsu, chitüi-chinang mix zongto chingcha füi tüikox; owawa ajao-ahaile changkya a ochax changpu.

TSAITONG-KAXTONG 24:18

Hünzom chuwüi Ijip nok to da ang ngokya Jowanpa hünzom Zang-e danle fakya changpu. Ija zangwün otuechu taxalak; ikhokho ma kue hünzom ang kaxtom ija koxpu.

RUT LAIPEX 2:2

Nyixta Rut-e Naomi ang thüi: “Mixe awütle toxkya tsaxwüt asüi ang ku mix hax to ka fang. Ku ongpu owawa ku ang chix füi tomle mok ang tomüi.” Naomi-e lan: “Ku sacha, kakox.”