TSAITONG-KAXTONG 24:17 - OTSAO BAIBEL (BSI)

¹⁷ “Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

TSAITONG-KAXTONG 24:17 ပူးပေါင်းရင်းမြစ်များ

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

TSAITONG-KAXTONG 27:19

“‘Mixnok wünpa hia zomnu-khaxsabu to jemlaxle, hwom süntswon pale paokyabu to Zang-e thuakzomkya naxtüi.’ “Ilaxle noknusae lanüi, ‘Amen!’

LAIPAO 23:6

“Khwalo to mixshix-zasa nguipongma sukya kaxfün chifale taxtüi.

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

TSAITONG-KAXTONG 1:17

Nang kaxfün ma süi-chapkya taxtüi; pangwüi ang kaxfün otyatya wüi laxkox, chix tütapu wüi changle ngolax. Owa thuachu taxza, chemthüikoxle nang kaxfün a Jowanpa tokhange hüikya changle. Tütali zangwün nang zongto sütsakle jangchang, ija zangwün ku hato apüihüi, ija kue tsuakle faüi.’

LAIPAO 23:9

“Mixnok wünpa zongto chichangle taxtüi; mixwün ang ngolaxle chemle ajangtüipuix, ija hünzome awan ngopu, chemthüikoxle hünzom chuwüi Ijip nok to mixnok ang ngole toxdao koxle.

LAIPAO 23:2

Hwome thaikya mokpongma tamchu sukya kaxfün tupangpün ang thaikya zangwün apüile changpongma, nang a ibu füito azuile taxchang.

JAKOP 2:6

Hünzome ibu zasabu wün ahaipu! Ikoxle hünzom to zothupkya tamchu kaxfün mixbu thüntho to hünzom linle apüikya; ibu a hakpa luapabu münchang hia?

KAXHO MÜIKYA LUK 3:14

Züizüi süpahibuechu chix ma atüi: “Kwom ang büle? Kwome a chempang mok angkya oli?” Chixe hwom ang thüi: “Zongzukle owawa angkya ngunsyen pale taxlax, chichangba mixkho taxhang. Hünzom ang fakya lyetngun füi mongtex shale ngolax.”

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

ZEKARIA 7:10

Hünzom füi tomwüi ngokya zomnu hia khaxsa tamchu mixnok, tamchu owawa asun angkya lomle changkya mix, ibu to adix-adale taxtüi. Ilaxle tata to maklax ang tom angkya mwottho taxzing.’

EZEKEL 22:29

Hakpabue dyen-ngan ilaxle pa-lole chang. Hwome mixshix-zasa hwom to chichangle hwom ilaxle mixnok wünpabu to zongzong ma hwon.

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

ISAIA 33:15

Nange kaxtsing zangwün tamchu sukyakya mokle jangchang nang chizile ngo ang tsuak. Nang tsak-zong a chitüi-chinang dyenla ang taxtwon ilaxle zuizun pongle taxkop. Mix mik amüt ang tungkya hia ochax mwot mok ang tungkyabu khato taxhak.

ISAIA 3:15

Ku khünakbu to nutle akhix angkya hia hwom müt hwom shun to jem angkya hünzom ma sukya chemchu müntüi. Ija a, Jowanpa Khüthak Zang kue akaxdaoa.”

HWON-NWOT-JAONO 5:8

Nange apün-awangkyabue mixshix-zasabu to ada laxle hwome ang sukya kaxfün hia hwom süntswon chifale tüikya ngünpongma nang taxabüt. Alixachongbu pangwüi ma thak angkya alixachong tuitae ziakop laxle tüipu, tamchu hokhi pangnyi a süthak angkya alixachong tuitae kho-awale thompu.

WANWÜNKAX 31:5

Chemtue hwome ija lingpuix, hwome wanlombu alakle asamle ilaxle süntswon kopse khünakbu wün ahaile.

TSAITONG-KAXTONG 24:13

ija chix ang hansongsong ma wüi achatle koxdao, ikoxtix chixe ija awunlaxle jip ang tsuaküi. Ija ma chix ang mongmüiüi, ilaxle chix füi tomle Jowanpa hünzom Zang chuwüi nang füi mongmüiüi.

TSAITONG-KAXTONG 24:6

“Chemtue nange khünak tuita ang tütali thashe ma koxle changpuix, chixe saxthu ang laxle ngonanakya thom ija tsangthom hanpak ang chilaxüi. Ile chang koxle hwom ozün ma ngo angkya hanpakma achwonkya kako süt lomtsyenkya ang changüi.

LIWI 19:33

“Hünzom haxtok ma ngole tüikya mixnokbu to chichang-chizangle taxhwon.

TSAITONG-KAXTONG 24:18

Hünzom chuwüi Ijip nok to da ang ngokya Jowanpa hünzom Zang-e danle fakya changpu. Ija zangwün otuechu taxalak; ikhokho ma kue hünzom ang kaxtom ija koxpu.

JOB LAIPEX 22:6

Tüinao tuita angkya nang thashe tsangthom ang, chix angkya nyiwun khaota chitoxle tsuile paopu.

JOB LAIPEX 24:3

Hwome zasabu angkya mantsakbu paole laxle; chix ang thashe tsangthom tsuakkya kople zomnu kux maihu kople thomle.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.