TSAITONG-KAXTONG 24:1 - OTSAO BAIBEL (BSI)

¹ “Thütba mixsün tuitae sheko tuita kako tanle apüi ikoxle ofüi she chilax angkya mongzangwünle tsuak, chemthüikoxle chixe she ma chix anupüli, mik-hu ma thaikya tütali atak. Ikhoma chixe afan angkya jan laiza, ija she ang kox, ilaxle she a hom angkya alaile apao.

TSAITONG-KAXTONG 24:1 ပူးပေါင်းရင်းမြစ်များ

JEREMIA 3:8

She a ku hato tok aho laxle tuita tsangtsa hangkya mixcha ang achangle paokya khoma kue Israel chilaxle jwonle apaokya Judah-echu ngünle lax. Ikoxle Judah, tuita mongong chitüikya Israel nanaonu ija ngünlaxle ojao chiza. She chuwüi tsangtsa hangkya mixcha ang achangle pao

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

TSAITONG-KAXTONG 22:29

Ija mixsüne naocha hopa ang tuinu tsangthom ang khop ngunkhix 50 koxüi, ilaxle she a chix kakonu ang laxüi, chemthüikoxle chixe she a chix füi nganguile chang ang atsangdaoa. Chix mazi tanto chixe she a otuechu apao ang müntho.

TSAITONG-KAXTONG 22:19

Hwome chix ma tsang tuita ang khop ngunkhix hota lax üntoxle sheko a hopa chak to koxüi, chemthüikoxle ija mixsüne Israel khünakbu ang zak-akople changdaoa. Tamnüilechu she a chix kakonu ang wüi ngoüi idaile chix mazi tanto she a apao ang müntho.

TSAITONG-KAXTONG 22:13

“Thütba lüka tuitae sheko tuita apüi ikoxle ofüima chixe she chilax angkya mongzangwünle tsuak.

TSAITONG-KAXTONG 24:3

ilaxle chixe chuwüi ofüima münlaxngole mongzangwünle tsuak, ikhoma chixe chuwüi fan-jan angkya laizabu za, ibu she ang kox, ilaxle she a chix hom angkya alaile apao. Chichangba she kakopa anyi lükya zile pao.

LAIPAO 21:10

Ija mixsüne kakonu mama tam-apüile jangchang thüikoxchu, chixe pongwang angkya ma kakonu to tomwüile humele tux-tsom thomüi.

KAXHO MÜIKYA LUK 16:18

“Owae ma kakonu apaolaxle mama mixcha laxüihex chixe chinunchakkaipu; üntoxle apaokya mixcha owae laxlaxüihex chixechu chinunchakkaipu.

MATHI 1:19

She kakopa Jusep a chithaikya mixsün changkya, ikhoma chixe Meri ang noknue awanle thünzak koxse chitsu; idaile huxsa ma she füi fan angkya olom zing.

MALAKI 2:16

Jowanpa Israel nok Zang-e thüi: “Kue kako fan-jan le changkya thua anule. Hünzom owawae ma kakonu füi ile mokkya ma, ku ija thua anule. Nange ma mongongle tüikya kakonu füikya tsaosüt münamapuo le thüilax.”

TSAITONG-KAXTONG 21:15

“Thütba mixsün tuita ang sheko anyi tüi ilaxle hokhi pangnyie lüka naosa puxle alai, ikoxle tüichongsa a chix mongkünnue ngünkya chichang.

HUAKE LAIPEX 5:12

Israel khünaknu ang ibibile adangle fakox: Owawae ma kakonu to, owawa mama mixsün füi nganguikya makhange she chitsaokya ang achangdaoa, le ana angkya mix tüingo ünkoxlax. Ikoxlechu ija kakopae atsingsho tomtatale otong atakle chichang, chix kakonu ma thaikya a chitüi iboma ngünmix owachu chitüi, chemthüikoxle she onui ma lopkya mix chitüikoxle, chichangba kakonu thaikya chitüikoxlechu kakopae mongaokya lanlan chuwüi chang koxlax.

HUAKE LAIPEX 5:28

Ikoxlechu she ma thaikya chitüi thüiningle, she to chem münthüi ilaxle she-e otia ma naosom pux-paile chang ang thoüi.

TSAITONG-KAXTONG 24:2

Namthütba ifüima she a mama mixsün ma anok,

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!