TSAITONG-KAXTONG 23:8 - OTSAO BAIBEL (BSI)

⁸ Tsünthom azom tokhange ibu sixlibu a Jowanpa khünaknu khato lax ang tsuaküi.

TSAITONG-KAXTONG 23:8 ပူးပေါင်းရင်းမြစ်များ

TSAITONG-KAXTONG 23:7

“Edom nok wünhaile taxchang; hwom a hünzom haxnu-homsabu changle. Anaole Ijip nok thachu taxajao; hanpak tuita ma hünzom a hwom haxtok to ngodaokya changle.

TSAITONG-KAXTONG 23:9

“Azan pongma chemtue hünzom pom khama asuüihex, zanglom ma chitsaokya ang ekya oli pangwüi füi hünzom atsaile ngo angkya oli changle.

PONGWANG LAIPEX 25:25

Pongwang angkya khikhile, tsangtsa ma mune awangle chwoplaxle lai; ikhoma hwome chix ang Esau le amün.

PONGWANG LAIPEX 25:26

Ifüima honao lai. Chix a hotüi Esau cha ma koplaxle lai, ikhoma hwome chix ang Jakop le amün. Ipongma Isak a zanglao 60 nguidaokya.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

LIWI 19:34

Israel khünake ma mix to chemle huse hex ile hwom tochu hukox ilaxle ma to chemle mongkünle tüipuix ilailaile hwom tochu mongkünkox. Noxta hünzom chuwüi Ijip nok to püntüi ang ngole toxdaokya changle.

TSAITONG-KAXTONG 10:19

Idaile mixnok ibu hato mongkün ahokox, chemthüikoxle hünzom chuwüi tam a Ijip nok to püntüi ang ngole toxdaokya changle.

1 SAMUEL 30:11

Dawid füito tüikya khünakbue panfang to Ijip nok naosa tuita atak. Ija naosa a Dawid hato apüi. Hwome ija naosa ang sütling hia tija,

1 WANGHOMBU 3:1

Chix sasün hama aju-asomle wangcha apüilaxle Solomon-e Ijip wanghompa füi nokmüi. Chixe wanghom khwalo, wanghom homlo hia Zangshwom-Hom hia Jerusalem akhople tsuathale long katuk zingle alaikya tan ang apüilaxle she a Dawid tingnu ma thom.

IZRA 9:1

Ibu mwot pangwüi tsuakle hüikya füima, Israel khünak lompabu züizüi ngui ilaxle khünaknue tamchu nguapabu hia Liwi hwome tomzi nok Amon, Moab, hia Ijip nok chichangba Kanan nok, Hit nok, Peri nok, Jebu nok, Amor nok, ibu füi malualua to atsaile chingokya kax ku hama wün. Ebu khünakbue mokkya ningle hwome chuwüi nushix-dongkya mwotbu mokle ngo.

OBADIA 1:10

“Hünzome papalo le tüikya tamchu hünzome ma haxnu-homsa, Jakop susün hwom mik amütkya khoma, hünzom a amütüi ilaxle chemtuechu e-sele tüi ang müntom.