TSAITONG-KAXTONG 23:7 - OTSAO BAIBEL (BSI)

⁷ “Edom nok wünhaile taxchang; hwom a hünzom haxnu-homsabu changle. Anaole Ijip nok thachu taxajao; hanpak tuita ma hünzom a hwom haxtok to ngodaokya changle.

TSAITONG-KAXTONG 23:7 ပူးပေါင်းရင်းမြစ်များ

TSAITONG-KAXTONG 10:19

Idaile mixnok ibu hato mongkün ahokox, chemthüikoxle hünzom chuwüi tam a Ijip nok to püntüi ang ngole toxdaokya changle.

LAIPAO 22:21

“Mixnok wünpa to aza-anale hia dyen-nganle taxchang; texle ataklax, hünzom chuwüi Ijip nok to püntüi ang ngole toxdaokya changle.

LIWI 19:34

Israel khünake ma mix to chemle huse hex ile hwom tochu hukox ilaxle ma to chemle mongkünle tüipuix ilailaile hwom tochu mongkünkox. Noxta hünzom chuwüi Ijip nok to püntüi ang ngole toxdaokya changle.

LAIPAO 23:9

“Mixnok wünpa zongto chichangle taxtüi; mixwün ang ngolaxle chemle ajangtüipuix, ija hünzome awan ngopu, chemthüikoxle hünzom chuwüi Ijip nok to mixnok ang ngole toxdao koxle.

HUAKE LAIPEX 20:14

Mosa-e Kadesh makhange Edom nok wanghompa hato kaxhole apao. Ibu kaxho mixbue thüi: “Ija kaxho a hünzom zongto ma-mix, Israel jat-li tokhange fakya changle. Kwome chempangle sikngün apongle hüipuix, ija hünzome awanle ngopu.

PONGWANG LAIPEX 25:30

Esau-e Jakop ang thüi: “Ku ang ija khikhikya fialo sui shong-fahüi, ku tüle na-jua le maxle.” (Ikhoma chix ang Edom le nyak.)

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

MÜNCHUAK-TSAI 105:23

Ifüima Jakop Ijip nok to ka ilaxle ikhato ongwot ang achangle ngo.

PONGWANG LAIPEX 47:27

Israel khünaknu a Goshen haxsha ma tingtok zingle ngo. Ikhato hwom tüle saxpu-luawang ang achang tamchu su-sabu huanuma pu-tsale hüi.

PONGWANG LAIPEX 47:12

Jusep-e hopa ang, hotüi honao hwom ang, ilaxle ibibi hopa homkha pangwüi ang, naoshuk-naoli to lünle sütling koxle hume.

PONGWANG LAIPEX 47:6

Ijip haxtok a hwom haxtok changle. Hwom Goshen haxsha ma ngo ang laxkox. Eja kha a kem chaxwan ma sümüikya chaxwankho changle. Ilaxle hwom khama owawae tho koxle asule jangtüi thüiningle ija khünak ku tsom-pom to hukya mix ang achang ang tomkox.”

PONGWANG LAIPEX 46:7

Chixe sasün hwom, hosu hwom, sacha hwom ilaxle chix sucha hwom pangwüi kop.

TSAITONG-KAXTONG 23:8

Tsünthom azom tokhange ibu sixlibu a Jowanpa khünaknu khato lax ang tsuaküi.

1 WANGHOMBU 11:25

Solomon ozün ma ngopongma chix a Israel nok zanpa tuita changkya.

IZRA 9:12

Kwome ija haxtok ma mongzom müile ngose tamchu su-sa hwom hanpakma tuita mantswon ang bangse jangtsu, khünak ibu füi chemtuechu atu-amaile chichang angkya tamchu okop-olwot bama hwom to asun-azule chichang angkya bama hwome kwom füi akaxdaoa.