TSAITONG-KAXTONG 23:5 - OTSAO BAIBEL (BSI)

⁵ Ikoxlechu Jowanpa hünzom Zang-e Balam kax to chiapa, itülüi chixe ija othuak-ozom tuita mohiman ang achangle awüt, ija a chixe hünzom to mongkünkya khoma changpu.

TSAITONG-KAXTONG 23:5 ပူးပေါင်းရင်းမြစ်များ

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

HUAKE LAIPEX 24:9

Ija jat a chax shix tuita ningle; Ija jiple ngopongma azwot angkya owa angchu mong chichong. Israel nok to mohimankya mix mohiman changüi, Israel nok to thuakzomle changkya mix thuakzom changüi.”

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

ROM NOK HATO ZAKYA POL LAIZA 11:28

Hwome Kaxho Müikya chilaxkya khoma, mixnokbu, hünzom khoma Jehudi khünakbu a Zang füi zan ang achangle. Ikoxlechu chixe zünle kopdaokya daile, putong hwom kuxmale hwom a chix zuikhui.

MIKA 6:5

Ku khünaknu, Moab wanghompa Balak-e hünzom zan to ka ang chemle wünkya dai tamchu Beor sasün Balam-e ija to chemle lankya dai, ibu texle ataklax. Akasia tokhange Gilgal lom to lekya lom to chempangle changkya dai, ibu texle ataklax. Hünzome ibu texle ataklax ijama hünzom khosün angkya hanpakma kue chempangle mokpuix ibu awanle lax ang kopüi.”

JEREMIA 31:3

tsailo tokya ku hwom hato ngaipu. Israel khünaknu, kue jento hünzom to mongkünpu, ikhoma chizakle kue hünzom hato ku mongkün aho ngopu.

EZEKEL 16:8

“Anaole chu ku emakhange lekya zuma, nang a mongkün dong angkya hanpak nguile tsongdaoale kue ngün ang kop. Kue ohua ma ngokya nang tsawan to ku nyipongnu füi awunle kox ilaxle nang to mongkün angkya tsaosax. Changle, kue nang füi aju-asomkya tsaosax, ilaxle nang a ku kux ang achang.” Ija a Jowanpa Khüthak Zang-e chem akaxpuix ija changpu.

WANWÜNKAX 26:2

Othuak-ozome nang to, nang hato ija nguikoxle asule chichang thüiningle chem münthüi. Ibu a pile ahamkya zangzung chikoxkya osabu ningle changpu.

MÜNCHUAK-TSAI 73:1

Israel nok hanpakma Zang a otsingtomtata ma müile, mong tsaothale tüikyabu hanpakma a.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

ROM NOK HATO ZAKYA POL LAIZA 9:13

Otsao Lai kax ma tüikya ningle, “Kue Jakop to mongkünle, ikoxle ku Esau thua anule.”

HUAKE LAIPEX 22:35

Ikoxlechu kaxtaimixe thüi: “Khünak ibu füi tomle paolax, ikoxlechu kue chem akaxkox thüipuix, ijatix akaxlax.” Ikhoma Balam a ibu füi tomle pao.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

JIHUSUA 24:10

Ikoxlechu kue Balam kax to chiapa, ikhoma chixe hünzom to mohiman; ile kue Balak chak tokya hünzom azün.

2 SAMUEL 16:12

Owatsing Jowanpae ku sikngün ngünle laxüi ilaxle ija chix thuakzom lüi ma lax ang ku ang mohiman ozüita fale chuwüi changtüilax.”

NEHEMIA 13:2

Amon nok hia Moab noke, Israel khünakbu Ijip haxtok tokya laile ngopongma, hwom ang süt hia ti chifa. Itülüi, Israel nok to thuakzomle chang angkya hanpakma hwome Balam ang ngun kox, ikoxlechu kem Zang-e ija thuakzom a mohiman ang achang.

HUAKE LAIPEX 22:5

Beor sasün Balam nyak angkya hanpakma kaxhomixbu tsanle apao. Balam a Amao nok to Eufrat shuanu zui angkya Pethor ma tüikya. Ijabue chix hato Balak kaxho ile apüi: “Ijip nok tokya jat-li tuita nguile tüikya kue awan ang kopdaoa; hwom khünakbu a chaxwan thün jao awangle chiakle tüile ilaxle kwom haxtok lax ang hwome kwom to aza-anale ngole.

TSAITONG-KAXTONG 2:29

Ija a Jowanpae kwom ang koxle tüikya Kanan haxtok alop ang Jordan shuanu tale le angkya onui alop lanle. Esau su-sa hwom, Edom nok, Moab nok, opang Ar tingnu ma tingtan-nokzing laxle tüipuix, hwome hwom haxtok akaile kwomle ang lom daple fapu.’