TSAITONG-KAXTONG 23:4 - OTSAO BAIBEL (BSI)

⁴ Hünzome Ijip nok tokya lailaxle lomba to tüipongma hwome hünzom ang süt hia ti jukoxle chemngaxchu chifa, ilaxle hwome Mesopotamia angkya Pethor tingnu ma ngokya Beor sasün Balam hwome hünzom to thuakzomle chang ang shakle apüi.

TSAITONG-KAXTONG 23:4 ပူးပေါင်းရင်းမြစ်များ

NEHEMIA 13:2

Amon nok hia Moab noke, Israel khünakbu Ijip haxtok tokya laile ngopongma, hwom ang süt hia ti chifa. Itülüi, Israel nok to thuakzomle chang angkya hanpakma hwome Balam ang ngun kox, ikoxlechu kem Zang-e ija thuakzom a mohiman ang achang.

2 PITAR 2:15

Hwome tangthokya lom dantoxdaoa ilaxle hwome lom asamdaoa. Hwome Beor sasün Balam ahamkya man tole tüiüna. Ochax mwot mokle achakkya ma kopkya chix ngun to chixe tüle mongkün,

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

ZEKARIA 2:8

Owawae hünzom to honghe le jangchang, ku zongto akhokya thalix to honghekya ang changpu.” Ikhoma Jowanpa Khüthak Zang-e chix khünaknu max-sam ang tomkyabu jat-libu hato ija kaxho füi ku tomle ahüipu:

1 WANGHOMBU 18:4

ilaxle chemtue Jezebel-e Jowanpa ajebu langle awütpuix, ipongma Obadiah-e ajebu mixhuak hota pao ilaxle hwom othom anyi ma ahanlaxle mixhuak punyi-bün pong khomle thom, ilaxle hwom ang osüt-oling koxle hume.)

1 SAMUEL 25:11

Kue ku hanpak an hia ti, ilaxle kue omun lax ang langkya chun müibu, ojong tokya nguipuixle ngaxchu chiawankya khünakbu chak to, süntsing münwan chemchu chitüikya khünak ang laxkoxle koxle apao angkya oli münchang!”

HUAKE LAIPEX 23:7

Balam-e chix jekax akax ang süt: “Ku a Moab nok wanghompa Balak-e apüipu Siria tokya, handünchi haxnu to ngokya a. Chixe thüi: ‘Oman ku füi akaxlax. Israel khünaknu to thuakzomle akaxkox.’

HUAKE LAIPEX 22:17

Kue nang ang hingho mongtex ma nguile koxüi ilaxle nange chem akaxpuix ija mokle faüi. Chingchalaxle nangpi ku hato nguilaxle khünak ibu to thuakzomle changfa.”

WANGSHEMBU MWOT 9:4

Chix hax to düt ilaxle “Sol! Sol! Chem khoma nange ku zothuppu?”, le chix füi akaxkya kaxzing tuita atat.

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

JIHUSUA 24:9

Ifüima Moab nok wanghom, wanghompa Balak, Zippor sasün, chix hünzom füi azan. Chixe Beor sasün Balam hato kaxho akatle hünzom to thuakzomle chang angkya kaxkox.

JEREMIA 49:1

Ija a Amon nok bama akaxkya Jowanpa kax changle: “Israel khünakbu omaxün? Hwom haxtok khose ang owachu müntüi hia? Hwome büthüikoxle Molek baozang to shwomkyabu ang Gad hwom haxsüt koplaxle ikhato ngo ang tompu?

IZRA 9:1

Ibu mwot pangwüi tsuakle hüikya füima, Israel khünak lompabu züizüi ngui ilaxle khünaknue tamchu nguapabu hia Liwi hwome tomzi nok Amon, Moab, hia Ijip nok chichangba Kanan nok, Hit nok, Peri nok, Jebu nok, Amor nok, ibu füi malualua to atsaile chingokya kax ku hama wün. Ebu khünakbue mokkya ningle hwome chuwüi nushix-dongkya mwotbu mokle ngo.

MANGSOP 1:10

Zanpabue she tuina komkaile pale pao. She hwom a Zangshwom-Hom jao to nopüi ngün, Jowanpae ikhato mixnokbu a chiadün angkya kax tüikya.

EZEKEL 44:9

“Jowanpa Khüthak Zang, kue ngaipu, ku Zangshwom-Hom to, Khwonzüt-Zom chizingkya mix, ku kax ma chilaxle tüikya mix, Israel khato tomle ngole tüikya mixnokbu ngaxchu, owachu nop ang müntomüi.”