TSAITONG-KAXTONG 23:11 - OTSAO BAIBEL (BSI)

¹¹ Hanhomkya füi tomle chixe tijo-chaktsuxle changüi ilaxle zanghan-mik nopkya füi tomle chix pom mongto dong ang tsuak.

TSAITONG-KAXTONG 23:11 ပူးပေါင်းရင်းမြစ်များ

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

LIWI 15:5

Owawae ija chix lya to lyetle jangchang

LIWI 14:9

Nyix anüt lükya to chix khangmun hia tunmun, chix mikzyen üntoxle chu chix tsangtsa angkya mun pangwüi ongle awütüi; chixe ma nyi-za soüi ilaxle ti ajole changüi, ifüima chix zanglom ma otsao ang changüi.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

MÜNCHUAK-TSAI 51:7

Ku ochax awüt hüi, ikoxtix ku tsaothale changüi; ku sole fahüi, ikoxle tix ku jun füi sütsele changüi.

MÜNCHUAK-TSAI 51:2

Ku onu-oma pangnu sole fahüi üntoxle ochax tokya ku atsaohüi!

LIWI 22:6

Nguapa owa chitsaokya ang achangpuix, chix a han-ahomle chitsaokya ang ngoüi, ilaxle ifüima ngaxchu ti ajole machang tanto chixe otsao tö kha angkya tütalichu sax ang müntho.

LIWI 15:13

Hoti jenle ngokya müikya füima, chix a nyix anüt nuiüi, ifüima chixe ma nyi-za sole shua titsao ma tijo-chaktsuxle changüi ifüimatix chix wanlom ningle tsaokya ang laxüi.

LIWI 15:11

Ija oti jenle ngokya mixsüne chak chiatsux homtoxle owawa to twonle jangchang, ija khünake ma nyi-za so ilaxle tijo-chaktsuxle changüi, ifüima chix hansong kople chitsaokya ang ngole hüiüi.

LIWI 15:16

Chemtue khünak owawa angkya hoti ngat-to jenle paoüihex, chixe ma tsangtsa komle soüi, ilaxle chix a hansong kople chitsaokya ang ngoüi.

TSAITONG-KAXTONG 23:10

Khünak tuita zangnak ma wünmang chito ngünkya thoto oti paole bang koxle zanglom ma chitsaokya ang jang achang, ija khünak a pom homtho to lailaxle ikhato ngo angkya changle.

TSAITONG-KAXTONG 23:12

“Hünzom nazakle ngose tsupupu ma nazakle ngo ang homtho to ngwotnui zingle thom angkya oli changle.