TSAITONG-KAXTONG 22:9 - OTSAO BAIBEL (BSI)

⁹ “Hünzome grep haxtok ma mama saxli küi-thwomle taxchang; hünzome ile jangmokba, hünzom ang grep wüi changlax mama-mama saxli wüi changlax lax ang müntomüi.

TSAITONG-KAXTONG 22:9 ပူးပေါင်းရင်းမြစ်များ

LIWI 19:19

“Ku kaxtom kax ma laxle tüilax. Mali-mali müi kuilex-litai ang taxtom. Haxtok jongta khama wüi mali-mali pün anyi tomle taxküi. Zi-li-anyi füi zingkya nyiwun taxlax.

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

MATHI 9:16

“Nyiza hozang to owaechu hozün füi münthap, chemthüikoxle thapkya nyizün achikkya zuma otua atsyen le süchongle mix akyetüi.

JAKOP 3:10

Münchong fakya hia thuakzomkya kaxfabu leza tuitata makhange wüi alaile. Kutüi kunaohom, ija ile chichang angkya oli!

ROM NOK HATO ZAKYA POL LAIZA 11:6

Chixe zünle kopkya a chix chingcha khoma, hwome mokdaokya mwot khomale münchang. Chemthüikoxle Zange chem zünle koppuix, ija a khünake mokkya mwot khoma jangchang thüiba, chix chingcha a otsingtsing chingcha chichangüi”.

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

TSAITONG-KAXTONG 22:8

“Chemtue nang homzün zaile changüihex, homtok akhople shingmongle jit nom angkya taxalak. Ile chang füima imakhange owawa dütle zikya namtüiba nang ma tsaitox-kaxfe angkya chemchu münbang.