TSAITONG-KAXTONG 22:24 - OTSAO BAIBEL (BSI)

²⁴ Hünzome hokhi pangnyi wüi tingnu panthaile pao ilaxle pantua to long füi thuple langüi. Shekosa a tingnu mong ma akhong koxle atat tangkya khama ngolaxle owawae she khose hüile chiakhongkya khoma she mik max ang tomüi. Lüka a, mix füi wün-zexle thomdaokya naocha tuita füi nganguile changkya khoma mik max ang tomüi. Ile changkox tix hünzom a ija ochax chak tokya atsaile ngo ang thoüi.

TSAITONG-KAXTONG 22:24 ပူးပေါင်းရင်းမြစ်များ

1 KORIN 5:13

Otsao Lai ma akaxkya ningle: “Chitsaokya khünak hünzom othom kha angkya apaodao.”

TSAITONG-KAXTONG 21:14

Ofüima, nange she laxse chitsule jangchang, nange she danle apao angkya changle. Nange she ang nang füi tomle jip ang atsangle changdaokya khoma, nange she to danucha tuita to hwonkya ningle hang ang müntsuaküi.

1 KORIN 5:2

Hünzom ang mong mazya! Ikoxle hünzom ngam ang mix süt ang hi? Iningkya mwot owae mokdao laxpuix chix hünzom kha angkya atsaidao.

MATHI 1:24

Ifüima Jusep jiple ngokya zolaxle Jowanpa kaxtaimix-e chix füi akaxdaokya ningle, chixe Meri ma kakonu ang lax.

MATHI 1:20

Ikoxle, hulax, chix ile khosam ma ngoponge, Jowanpa kaxtaimix tuitae wünmang chito chix füi ile akax: “Dawid sasün Jusep, nange Meri ma kakonu ang lax ang taxza; chemthüikoxle she ma nao a Otsao Chasa makhange nguidongkya changle.

TSAITONG-KAXTONG 13:5

Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

PONGWANG LAIPEX 29:21

Pangnu tsuakkya füima Jakop-e Laban ang thüi: “Athaxpi hanpak nguidaoa; ku ang nang sacha Rachel lax ang koxhüi.”

TSAITONG-KAXTONG 22:23

“Thütba mixsün owawa ma tuizing-nazexle changdaokya shekosa füi nganguile ngokya tingnu mong ma lople jangchang,

TSAITONG-KAXTONG 22:25

“Thütba mixsün tuitae mix füi wün-zexle thomdaokya naocha tuita füi tingtui panja to shingnünle chang. Ile changkya to lüka tata mik max ang tomüi;

JOB LAIPEX 31:11

Iningkya ochax a mik max ang tom angkya wüi.

LIWI 20:10

Mixsün tuitae, Israel khünak tomtom mix kakonu füi chinunchakkaile jangchang, ija mixsün hia mixcha pangnyi wüi mik max ang tom angkya changle.

TSAITONG-KAXTONG 17:7

Mikngün kax ngaikya khünakbue pongwang ma thupüi, ifüima ija khünak to noknue longfüi thupüi; ija ningle hünzom a haxshix mwot füi atsaile ngo ang kopüi.

EZEKEL 16:38

Chinunchakkai mwot hia mik amütkya mwot bama kue nang ahaiüi, ilaxle ku küntsik-mongma makhange kue sikangünle nang langüi.