TSAITONG-KAXTONG 21:23 - OTSAO BAIBEL (BSI)

²³ ija a zang angaile thom angkya oli münchang. Ija a inyixnyix wüi akhün angkya oli, chemthüikoxle khünak mang pün ma ashale thomkyae haxtok hato Jowanpa thuakzom apüiüi. Mang a akhünlax, ile changkox tix Jowanpa hünzom Zang-e hünzom ang koxle ngokya haxtok chitsaokya haxtok ang münachangüi.

TSAITONG-KAXTONG 21:23 ပူးပေါင်းရင်းမြစ်များ

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

JUHAN 19:31

Ija nyix a pangpwon hanpakma asuikya nyix daile, ofüi nyix nazak angkya nyix mang pünsak ma chithom angkya hanpakma (chemthüikoxle ija nazak nyix a onüi ang otsao nyix changkoxle) hwome cha hongle apak laxle mang pao angkya hanpakma pünsak ma takdaokyabu mang Jehudi nok pünpa-chongwangbue Pilat ma jule lax.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

LIWI 18:25

Hwom mwot-kat makhange ija haxtok a chitsaokya ang achangle. Ikhoma Jowanpae haxtok to thuakzomle ilaxle ikhama ngokya khünakbu pongle chikopkya ang achangle.

ROM NOK HATO ZAKYA POL LAIZA 9:3

Hwom hanpakma ku a Zang thuakzom fangma ngo tamchu Khrista füi atsaile changkoxchu chem münchangle kue texpu.

HUAKE LAIPEX 25:4

ilaxle Mosa füi akaxle thüi: “Israel nok lompabu pangwüi koplax ilaxle ku kax ma laxlaxle khünak ibu a anyixningkya zangngai to langle awütdao, ifüimatix ku khünaknu füikya ku mongma zaküi.”

JIHUSUA 8:29

Chixe Ai tingnu angkya wanghompa mang pün ma ashale hansong kople thom. Zanghan mik dütle chang füima Jihusua-e ija mang ajo angkya kaxkox, ilaxle ija mang a tingnu panja ma tswonle awüt. Hwome ija to long füi chwople tox, ija anyixchu tüitan.

1 KORIN 16:22

Owae Jowanpa to chikün laxpuix, chix to othuak ozom naxtüi! Maranotha: kem Jowanpa, nguihüi!

JIHUSUA 7:12

Ikhoma Israel nok zan tunthoma shingmongle ajong ang müntho. Ibu thoto hwom paole, büthüikoxle athaxpi hwom jaojao max angkya thama ma tüingo koxle! Kue taxlax-ole thüikya mwot-kat laxkya ma-amüt tanto ku nang füi ngo ang müntho!

2 SAMUEL 21:6

Idaile chix sixli sasün hwom anüt kwom chak to koxhüi, ilaxle Jowanpae wanghom ang zünle kopkya Sol tingnu Gibeah ma kwome hwom Jowanpa tunthoma afünle langüi.” Wanghompa-e lan: “Kue hwom a hünzom chak to koxüi.”

TSAITONG-KAXTONG 7:26

Chapa ijabu tüta ningkyachu hünzome ma hom to taxapüi, ile jangchang thüiningle hwom hato hüihaxkux thuakzom bakle hünzom hato hüiüi. Hünzome chapa ibu to wünhaile tamchu anule changlax, chemthüikoxle ibu a Jowanpa othuak-ozom ma tüile.

2 SAMUEL 21:10

Ifüima Sol danucha Rizpah, owa Aiah sacha changkya hex, she-e ma ngo angkya hanpakma, ibu mang tüikya khato longnu tuita tok ma nyikhwon füi pomsa zinglaxle ngo. She ikhama tsaxtu ang owang wangtan tokhange wüi ngokya tsosa zangwat alople jao ngo. Zangngai ma a mang ibu to pwonkya osabu zuale ngo, ilaxle zangnak ma a mang ibu faomüibu chak tokya sün ang nyele ngo.

EZEKEL 39:12

Mangbu pangwüi akhünle haxtok atsao ang Israel noke lyetjang anüt laxüi.

TSAITONG-KAXTONG 4:21

Hünzom khoma hexle Jowanpa ku füi mongtsik ilaxle ku a Jordan shua tale, chixe hünzom ang kox angkya haxzao füikya haxtok to münnguipu-ole ngaidaoa.

TSAITONG-KAXTONG 25:19

Idaile chemtue Jowanpa hünzom Zang-e hünzom ang ija haxtok koxlaxle, ikhato hünzom akhople tüikya zanpabu chak tokya hünzom azangle ngotsuak ang tomüihex, ipongma Amalek nok komkaile lang angkya wüi changle. Ile changkox tix owaechu hwom tamchatle texle chiataküi. Ija taxalak!

2 WANGHOMBU 10:8

Chemtue Ahap sixli hwom pangwüi khang dütle apüikya kaxwün Jehu hato wangpuix, chixe ibu othom anyi ma tingnu pan ma akhünle danlaxle ikhama ofüinop kople thom angkya kax kox.