TSAITONG-KAXTONG 20:8 - OTSAO BAIBEL (BSI)

⁸ “Ija lompa-e khünaknu ang ile chu thüiüi, ‘Ikhama owawa chahix-monghixle abüt-aban ngokya mix tüicha? Ilükya mix jangtüi, chix a hom to chatlax, chemthüikoxle chixe mix mongchu ahikle awütüi.’

TSAITONG-KAXTONG 20:8 ပူးပေါင်းရင်းမြစ်များ

KAXFÜNPA-HWOM 7:3

Khünaknu hama tsingang laxkox, ‘Owawa chazakya mix jangtüi hwom chat ang tsuaküi, kwom a ija Gilid haxnu ma ngoüi.’” Ikhoma hajat 22 chatle pao, ilaxle hajat 10 wüi zak.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

MIKNGÜN-OHÜN 3:16

Ikoxlechu nang lomlomla le, okong ning chichang okham ning chichang le tüikoxle, kue nang ku wikha angkya thuakle awütüi!

KAXHO MÜIKYA LUK 9:62

Jisu-e chix ang thüi: “Khünake hanbai ang sütfüima füichi to aküile hukya mix Zang Wangting hanpakma mwot münthap”.

TSAITONG-KAXTONG 23:9

“Azan pongma chemtue hünzom pom khama asuüihex, zanglom ma chitsaokya ang ekya oli pangwüi füi hünzom atsaile ngo angkya oli changle.

HUAKE LAIPEX 32:9

Hwome Eskol Haxnucha kople hüilaxle chaxwan to hule lax, ikoxle chatüntoxle a, Jowanpae hwom ang koxle thomdaokya haxtok to ngui ang khünaknu mong ahik.

HUAKE LAIPEX 13:31

Ikoxlechu Kaleb füi tomle zyet ang paokya khünakbue thüi: “Münchang, kem a hwom to lüt-tang tsak-zongkya münchang, ikhatokya khünakbu a kem füi huanuma tsak-zongle tüile.”

LAIPAO 15:15

Edom nok lompabu abüt ang tom; Moab mixtsak naomüibu abün; ilaxle Kanan nok ang mong chichongtsuak.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

TSAITONG-KAXTONG 20:9

Lompa-e khünaknu pünzün-wangsaikya tsuak füima, othom foto lompabu zünüi.

WANWÜNKAX 24:10

Khosam apong pongma nang shonaile jangchang, nang a shonaikya mix jaojao.