TSAITONG-KAXTONG 20:20 - OTSAO BAIBEL (BSI)

²⁰ Hünzome pün mamabu daklaxle, ija tingnubu komkaile kople machang tanto tingkwon panzailaxle kopthom ang tsuak.

TSAITONG-KAXTONG 20:20 ပူးပေါင်းရင်းမြစ်များ

EZEKEL 17:17

Babilon nok wanghompa-e khünaknu lang angkya hanpakma hax lwonle tamchu tsaswot thole mwot mokkya abaxle chix füi azan ang tüle tsak-zongle tüikya Ijip nok wanghompa-e ngaxchu chix to fong ang münthoüi.

JEREMIA 33:4

Akhople koplaxle zan-noke single changkya khoma Jerusalem ma tüikya hom-haxbu hia Judah ang wanghom homlo, ibu a pünle ama angkya changle.

JEREMIA 6:6

Jowanpa Khüthak Zang-e wanghom ibu ang pündak laxle Jerusalem tingnu hwople kop ang athünle zing angkya kaxkox. Chixe akax: “Kue ija tingnu to sikangünüi chemthüikoxle ikha a zothupmixbue awangle tüile.

ISAIA 37:33

“Asiria nok chongwangpa bama Jowanpae akaxkya kax a ija changle: ‘Chix a ija tingnu to münnopüi chichangba ija to san kia tuitae hap ang müntsuaküi. Di füikya süpahi tuita chu tingnu zuito münhüiüi, ilaxle ija akhople tsaswot thole zia münkopüi.

HWON-NWOT-JAONO 9:14

Ija ma khünak alüile chitüikya tinglong tuita tüikya. Tüta tsak-zong füikya wanghom tuitae ija to sing. Chixe ija akhople kop ilaxle pan atsunlaxle single dong ang achwon.

2 PUKAX-PANGAO 26:15

Jerusalem ma chix zingpabue sanhapbu zing tamchu ding tokhange thuple adüt angkya hanpakma zanhunuibu hia long katuk khwotle tüikya khato longnubu adün. Chix zing tüle chongle pao, ilaxle Zang-e chix to fongle changkya tokhange chix a tüle tsak-zongle tüikya mix ang achang.

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

TSAITONG-KAXTONG 20:19

“Chemtue hünzome tingnu tuita kop ang azongle changüihex, hünzome ziakop ang hanpak lole laxkoxchu oziak saxfang pünbu dakle taxama. Pünziak saxkox ikoxlechu pünpo amale taxchang; pün-zuabu a hünzom zongto zanpabu münchang.

TSAITONG-KAXTONG 21:1

“Thütba, Jowanpa hünzom Zang-e hünzom ang koxle ngokya haxtok ma khünak tuita a kothofa to langle ang, ilaxle ija owae langpuix hünzome chiawan.

2 WANGHOMBU 3:19

Tüle osün amüile ziakople thomkya hwom tingnubu chuwüi hünzome lüt ang tomüi; hünzome hwom kux pünziak laimo komkaile dakle shaüi, tibu azopüi, ilaxle haxzao füikya hwom manzai haxtokbu ma long füi thuple amaüi.”