TSAITONG-KAXTONG 20:18 - OTSAO BAIBEL (BSI)

¹⁸ Hwom langdao, ikoxle hwome hwom baozangbu to shwomkya ningle nushix dongkya mwot pangwüi mok ang hünzom to jik-naikya müntüiüi.

TSAITONG-KAXTONG 20:18 ပူးပေါင်းရင်းမြစ်များ

LAIPAO 23:33

Ibu khünakbu hünzom chaxwan ma ngo ang taxtom; hünzome hwom ngo ang jangtsan, hwome hünzom ang ku zongto ochax lyenle chang ang tomüi. Hünzome hwom baozangbu to shwomle jangchang, ija a hünzom hanpakma opao chimüikya longfyen ang changle bangüi.”

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

2 THESALONIKA 3:14

Kwome ija laiza makhange hünzom hato akatkya kaxho to chiong angkya mixchu tix tüikoxlax. Ile jangchang thüiba, chix to hule koplax, ifüima chix füi asax amokkya chemchu taxtüi, ikoxletix chixe thünzak kopüi.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

JIHUSUA 23:13

hünzome tsingle koplax, Jowanpa hünzom Zang-e hünzom hüikoxlechu ibu jat-libu jwonle münapao. Itülüito, hünzom zongto hwom a tai chichangba tswomkha ningle tuita chongkya thomzün atak angkya ilaxle tok ma sansüi füi fitkya koppupu le chichangba mik ma hux wangpupu le changkyae hünzom to poxle ngoüi. Ija ile ngokya a, Jowanpa hünzom Zang-e hünzom ang koxkya ipong müikya haxtok ma hünzom tütachu ota chitoxle machangchangba ile wüi ngoüi.

LAIPAO 34:16

Hünzom su-sabu ibu mixnok shekobu füi atu-amaile taxchang. Hünzom a hwome mongong ma ale zak to adütle changüi tamchu hwom baozangbu to shwom ang koxle changüi.

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

KAXFÜNPA-HWOM 2:3

Idaile athaxpi kue thüipu, hünzome chaxwan kople hüikoxlechu kue ibu khünakbu jwonle münapao. Hwom a hünzom zanpa ang ngoüi, ilaxle hünzom a hwom baozangbu to shwomkya tsün ma amanüi.”

TSAITONG-KAXTONG 18:19

Chixe ku mün ma zangwünüi, ilaxle kue chix kax ma chilaxle tüikya mix to kue sikangün.

LAIPAO 34:12

Hünzom paole ngokya nok tokya khünakbu füi tingmüi-nokzing angkya zangwün taxtüi; chemthüikoxle ija a oshan-odan chimüikya kam tuita ang achangle bangüi.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

TSAITONG-KAXTONG 20:17

Jowanpae hünzom ang kaxtom koxkya ningle: Hit nok, Amor nok, Kanan nok, Peri nok, Hip nok, ibu khünakbu komkaile amütdao.

TSAITONG-KAXTONG 20:19

“Chemtue hünzome tingnu tuita kop ang azongle changüihex, hünzome ziakop ang hanpak lole laxkoxchu oziak saxfang pünbu dakle taxama. Pünziak saxkox ikoxlechu pünpo amale taxchang; pün-zuabu a hünzom zongto zanpabu münchang.

2 WANGHOMBU 21:3

Hopa Hezekiah-e pünle ama daokya songsari baozang to shwomkya onuibu chixe azünle zing; wanghompa Ahap lailaile chixechu Bal to shwom angkya tö-tsap zingle alai ilaxle baozangchanu Asherah chapabu zingle lai. Manasseh-e lyettsibu to chuwüi shwom.

LAIPAO 23:32

Ibu khünakbu hia hwom baozangbu füi tüta tsaifün-kaxwünkya motom taxtüi.

TSAITONG-KAXTONG 18:9

“Chemtue Jowanpa hünzom Zang-e hünzom ang koxle ngokya haxtok to hünzom nguiüihex, ikhato tüile ngokya mixjat-mixli angkya nushixdongkya zanglom mwot-kat thüi anole taxchang.