TSAITONG-KAXTONG 20:1 - OTSAO BAIBEL (BSI)

¹ “Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

TSAITONG-KAXTONG 20:1 ပူးပေါင်းရင်းမြစ်များ

TSAITONG-KAXTONG 31:8

Jowanpa chix jaojaoe azuiüi ilaxle chix a nang füi ngoüi. Chixe otuechu hünzom mün-ale tamchu danle müntox, idaile mong taxhi chichangba taxza.”

MÜNCHUAK-TSAI 20:7

Züizüie zankat hwom man-kanlinbu to mongongle üntoxle mamabue a hwom manbu to mongongle, ikoxlechu kwome Zang kwom Jowanpa to mongongpu.

TSAITONG-KAXTONG 31:6

Mongtex tüilax tamchu mongchonglax. Hwom thua ojao taxza. Jowanpa, hünzom Zang, chix jaojao hünzom füi tüiüi. Chixe hünzom mün-ale tamchu danle müntox.”

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

JIHUSUA 1:5

Jihusua, nang ozün ma ngokya kople owaechu nang to lüt ang münthoüi. Mosa füi chemle ngokyahex, ilailaile ku nang füi ngoüi; kue nang chemtuechu münawüt.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

MÜNCHUAK-TSAI 118:6

Jowanpa ku füi tüile, ku chemthua chu münza; ku to owae chemthüithoüi?

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

2 PUKAX-PANGAO 14:11

Asa-e chix Zang, Jowanpa to jop: “O Jowanpa, nange tsak-zong chitüikya süpahi tuita to chongkya janzüi koxle fong tsuakpu. Jowanpa, kwom Zang, athaxpi kwom to fonghüi, chemthüikoxle kwome nang to mongong thompu, ilaxle nang mün male kwom ipong chongkya süpahibu füi azan ang laipu. Jowanpa, nang a owaechu anao ang chithokya kwom Zang changpu.”

KAXFÜNPA-HWOM 6:12

Jowanpa kaxtaimix chix hato ngui ilaxle thüi: “Mixtsak-naomüi, Jowanpa a nang füi tüile!”

2 PUKAX-PANGAO 20:12

Nang a kwom Zang changpu! Ibu to sikngün ang tomkox, chemthüikoxle kwom a, kwom zan to dongle ngokya, ipongpong luile tüikya khünaknu tuto chem ziakhochu münngui. Chemle hwon koxle müiüile kwom ang jankho samkya khoma nang hato asunhüile nguipu.”

JIHUSUA 11:9

Jowanpae kaxtom fakya lailaile Jihusua-e hwom to mok: Chixe hwom manbu ocha afai ilaxle ibue linkya zyenbu zokle ashun.

TSAITONG-KAXTONG 7:1

“Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

HUAKE LAIPEX 23:21

Israel khünaknue füichima Shoma hia sikngün münapongüile kue ngünle tsuakle. Jowanpa hwom Zang a hwom füi tüile; Hwome chix a hwom chongwangpa changpule khuapule.

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

TSAITONG-KAXTONG 7:18

Hwom thua taxza; Jowanpa hünzom Zang-e Ijip nok wanghom hia chix khünaknu hanpakma chempangle mokdaopuix ibu texle ataklax.

TSAITONG-KAXTONG 20:2

Hünzom azan ang sütüi thoma nguapa nguilaxle zankat mixbu füi akaxüi,

TSAITONG-KAXTONG 20:3

‘Israel khünaknu, apakoplax! Anyix a hünzom zan to kapu. Hünzom a zan-nokbu thua taxza chichangba monghixle taxchang chichangba taxabüt.

1 SAMUEL 17:32

Dawid-e Sol ang thüi: “Wanghompa, kem opupuchu Filistia nok thua zale ngo angkya oli münchang! Ku paoüi ilaxle chix füi ku azanüi.”

2 PUKAX-PANGAO 20:15

Jehaziel-e thüi: “Wanghompa tamchu Judah hia Jerusalem ma ngole tüikya nang khünaknu, Jowanpa thüile, hünzom a müimamakya süpahi changle le chiza angkya chichangba abüt-abanle chichang angkya akaxle. Azankya a Zang füifüi changpu, hünzom füifüile münchang.

MÜNCHUAK-TSAI 23:4

Ku a süzukya zangnaknu akaile lekoxlechu, Jowanpa, ku a münza, chemthüikoxle nang a ku füi tüile. Chun-nyet kiathox hia pünthom füi nange ku kho-awale.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

HUAKE LAIPEX 10:9

Chemtue hünzom haxtok ma zan laile, hünzom to single hüikya zanpa chak tokya ma khosün ang azongle ngopuix, ipongma chaxkhong-zankha apukle ibu nyazong mütkox. Jowanpa kue hünzom a ochax-ozan pangnu chak tokya azün ang hünzom to asuüi.

TSAITONG-KAXTONG 1:29

“Ikoxlechu kue thüipu, ‘Ibu thua taxza.

TSAITONG-KAXTONG 7:21

Idaile khünaknu ibu thua taxza. Jowanpa hünzom Zang hünzom füi tüile; chix a tüle chongkya Zang changpu ilaxle chix thua tix za angkya changpu.

TSAITONG-KAXTONG 9:3

Ikoxle athax hulax, Jowanpa hünzom Zang a wünnu dongkya lailaile hünzom thoto achale leüi. Hünzom hüikya zuma chixe hwom to lütüi, ile chixe tsaosaxkya lailaile ochwonpai ma hünzome hwom jwonle apao ang tamchu amüt ang thoüi.

KAXFÜNPA-HWOM 6:16

Jowanpae lan: “Nange ija mok ang thoüi, chemthüikoxle kue nang to asunüi. Nange Midi nok a mixhuak tuita tsempa ma amüt ang thoüi.”

2 PUKAX-PANGAO 14:10

Asa a chix füi azan ang lai, ilaxle hokhi pangnyie wüi Mareshah zui angkya Zefathah Haxsha ma machwon-chwon kop.

MÜNCHUAK-TSAI 46:8

Nguilax üntoxle Jowanpae chem mokdaopuix, ito hulax. Hulax, chixe chaxwannu ma chemningkya ohünotün mwot mokdaopuix.

JEREMIA 16:14

Jowanpae thüi: “Ijip nok tokya Israel khünaknu alaile apüikya khüzün Zang changpule ku mün ma khünaknue tsaosaxle chichang angkya hanpak nguile hüile.

ZEKARIA 10:5

Hwom zanpabu to lomnutang angkya haxthom khato zutle akhünle anaokya süpahibu ningle Judah angkya khünaknu a zan to anaokyabu ang changüi. Jowanpa hwom füi tüikoxle hwom chizale azanüi, ilaxle hwome mankho makhange azankya zan pangnu to anao angkya changle.