TSAITONG-KAXTONG 2:7 - OTSAO BAIBEL (BSI)

⁷ “Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

TSAITONG-KAXTONG 2:7 ပူးပေါင်းရင်းမြစ်များ

KAXHO MÜIKYA LUK 22:35

Ifüima Jisu-e wangshembu ma atüi: “Kue hünzom okhüt, nyitsong, hia chisoxbu chikop homle apaokya tuke hünzom tütalimachu tuitai hexcha?” Hwome lan: “Litamachu kwom tuitaikya kha müntüi.”

NEHEMIA 9:21

Sak-hax to zanglao punyi akaile hwom ang laxli chem tüipuix pangwüi nange kox; hwom nyizabu büile pao ang chitom, hwom chabu kakle hia fingle chang ang chitom.

TSAITONG-KAXTONG 29:5

Zanglao punyi atale Jowanpae hünzome sak hax akaile azüi. Ipongma hünzom nyi-za hia chisoxbu buile pao ang chitom.

MÜNCHUAK-TSAI 31:7

Ku ang pwonlatungle mongmüiüi tamchu chithwonkya nang mongkün khoma a. Ku sikngün nange ngünpu; ku thangdangkya nange awanpu.

JOB LAIPEX 23:10

Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

MÜNCHUAK-TSAI 90:17

Jowanpa kwom Zang, nang mohiman kwom füi ngo ang tomkox. Mokkya mwottho pangnu ma kwome tho-lün ang tomhüi!

PONGWANG LAIPEX 26:12

Isak-e ija haxtok ma manzai ilaxle ija zangpuapua mawüi, amipongkya to othom hoponge nüile puamün ang kop.

PONGWANG LAIPEX 24:35

Ku hopupa to Jowanpae müimamale mohimanle chix a tuita saxpu-luawang ang achangle tüile. Jowanpae chix ang chun zyembu, zwon zyembu, maihu zyembu, khop hia hunbu, dabu sheko hia lükabu, ut hia mantsakbu pangwüi koxle tüile.

PONGWANG LAIPEX 12:2

Kue nang ang su-sabu huanuma koxüi ilaxle hwom a chongkya jat-li tuita ang achangüi. Kue nang to mohimanüi ilaxle nang fuale wünkya mix ang achangüi, ikoxle nang a mohiman tuita ang achangüi.

PONGWANG LAIPEX 39:5

Ija makhange, Jusep khokho ma, ija Ijip nok homkha hia haxtok pangwüi to Jowanpae mohiman.

JUHAN 10:27

Ku chunbue ku kax atatle; kuechu hwom mün awanle ilaxle hwomchu ku füito azuile.

MÜNCHUAK-TSAI 1:6

Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.

PONGWANG LAIPEX 30:27

Laban-e chix ang thüi: “Kue thüifang, o-nan makhange kue awan ang kople, Jowanpae ku to nang khokho ma mohimankya changle.

HUAKE LAIPEX 14:33

Hünzom su-sabu a faokha to zanglao punyi samle aham ngoüi, hünzom khama akiale tsünlo ngokya mix mazi-mazile hwom hanpak ang ija a hünzome ku to chiongkya khoma sikngün apongkya ang changüi.

HUAKE LAIPEX 14:34

Hünzom ochax khoma hünzom a zanglao punyi sikngün angkya changle, hünzome Kanan haxtok zyet ang nyix punyi ahom daokya thatha, zanglao tuita nyixpong hanpak ang changüi. Izuma, hünzom zongto ku mongtsik tüikya ija chang koxngünale hünzome awanle lax ang kopüi!

HUAKE LAIPEX 32:13

Jowanpa ang khünaknu füi mongtsik ilaxle chix mong amakya tsünthom bakle zile mapao-mapaole zanglao punyi hwom a faokha to asamle thom.

TSAITONG-KAXTONG 1:19

“Kwome kem Jowanpae kwom ang kaxtom fakyakya mokpu. Keme Sinai Haxnu dantoxlaxle tüpong chongkya tamchu za-adünkya sak-hax, Amor nok haxhua chito lepu. Chemtue keme Kadesh Barnia aloppuix,

TSAITONG-KAXTONG 1:46

“Ikhoma, kem Kadesh ma okuilole athongle ngo füima,

TSAITONG-KAXTONG 2:6

Hünzome hwom ma sax angkya tütali ngun koxlaxle shakle laxüi, ilaxle hünzome ling angkya ti chuwüi hwom ma ngun koxlaxle shaküi.’

TSAITONG-KAXTONG 2:14

Ija a keme Kadesh Barnia danle toxkya füikya zanglao tsübün achyet nguile changpongma chang. Jowanpae ile chang angkya hex-ole akaxkya jaojaole ipongma tüikya tsünthom kha angkya mixtsak naomüibu komle zile paodaoa.

MÜNCHUAK-TSAI 107:4

Züizüi a lom chitüikya sak-hax to samle aham ilaxle hwom azangle ngo angkya tingnu to ngui angkya lom chiataktsuak.

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

HOSIA 13:5

Sak-hax haxkozan to kue hünzom to humele hüipu.

AMOS 2:10

Kue hünzom Ijip nok tokya alaile apüipu, ilaxle zanglao punyi kue hünzom a sak-hax akaile lomzunle hüipu, ilaxle Amor nok ngokya haxtok hünzom haxtok ang koxpu.

PONGWANG LAIPEX 39:3

Jusep füi Jowanpa womle tüikya makhange chix mwot pangwüi mohiman ang achangle hüikya hopupae ngün ang kop.

LAIPAO 16:35

Israel khünaknue mama zangpua 40 sax. Ija a hwome tingkop-haxzingle ating-anok angkya haxtok ha ma-alop ma-alople, thüikoxle Kanan haxtok longzi alople machang tanto saxle ngo.

HUAKE LAIPEX 1:1

Israel khünaknue Ijip nok dantox füima anyi lükya zanglao ma lyetnu kua anyi to pongwang nyixkha, Sinai faonu mongto chix ngokya Nyihom ma Mosa füi Jowanpa akax. Chixe thüi:

HUAKE LAIPEX 22:12

Zang-e Balam ang thüi: “Khünak ibu füi tomle nang taxpao, ilaxle Israel khünakbu to thuakzomle taxchang, chemthüikoxle ibu a ku mohiman changle.”

TSAITONG-KAXTONG 29:4

Ikoxle hünzome apongle hüidaokya ibu anyix hünzom ang chemchu tsingle lax ang chitom.