TSAITONG-KAXTONG 2:36 - OTSAO BAIBEL (BSI)

³⁶ Jowanpa kem Zang-e kem ang Arnon haxcha kax ma tüikya Aroar angkya tingnu hwople kop ang tompu; iboma Gilid to leüi lom ma haxcha osungwa ma tüikya tingnu tuita chuwüi amüt ang tompu.

TSAITONG-KAXTONG 2:36 ပူးပေါင်းရင်းမြစ်များ

JIHUSUA 13:9

Hwom haxsüt a Aroar (Arnon haxsha otua ma tüikya) ilaxle ija haxsha osungwa ma tüikya tingnu ilaxle Medeba makhange Dibon alople tüikya haxsha chuwüi womle tüipu.

TSAITONG-KAXTONG 4:48

Ija haxtok a ibibile tüikya: Arnon shuanu kax ma tüikya Aroar tingnu makhange shuakux chito dongle Hermon Haxnu angkya Sirion haxhua alople.

TSAITONG-KAXTONG 3:12

“Chemtue keme ija chaxwan laxle changpuix, kue Reuben hia Gad saxthom hwom ang Arnon shuanu zui ma tüikya Aroar tingnu zongma shuakuxchi haxtok ilaxle Gilid angkya haxhua nok süifi, hwom tingnubu füi tomle hwople kop ang tom.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

JEREMIA 48:19

Hünzom Aroar ma ngokyabu, lomnu ma ajongle tanle nuilax; zile paokya khünakbu ma atüilax, chempangle changpuix ija hwom makhange tikle laxlax.

ISAIA 17:2

Siria tingnu a othuithui hanpak ang awütle toxüi. Ibu a chun hia maihubu hanpakma fumtsütnui ang ngoüi, owaechu hwom jwonle münapao.

JIHUSUA 13:16

Hwom haxsüt a Aroar alople (Arnon haxsha otua ma) ilaxle haxsha osungwa ma tüikya tingnu ilaxle Medeba akhople tüikya haxsha pangwüi ima womle.

JIHUSUA 12:2

Wanghom tuita a Sihon, Heshbon ma apünle ngokya Amor nok wanghompa. Chix wangting a Gilid haxtok süifi jao womle: Aroar (Arnon haxsha otua ma tüikya) hia ija haxsha osung wama tüikya tingnu makhange Amon longzipong tokya Jabbok shuanu alople;

JIHUSUA 1:5

Jihusua, nang ozün ma ngokya kople owaechu nang to lüt ang münthoüi. Mosa füi chemle ngokyahex, ilailaile ku nang füi ngoüi; kue nang chemtuechu münawüt.

LAIPAO 23:31

Kue hünzom longzi a Agaba angkya Tütsak-tinu tokhange Eufrat shuanu kople ilaxle Mediterenian tokhange sak-hax alople achenüi. Ija chaxwan ma ngokya nokpu pangnu thakma kue hünzom ang apün ang tomüi, ilaxle süsox-süsoxle soxle hüikya zuma hünzome hwom jwonle apaoüi.

HUAKE LAIPEX 32:34

Gad homjene pan zailaxle ziakople tüikya Dibon, Ataroth, Aroar,

KAXFÜNPA-HWOM 11:22

Shuathongchi ma Arnon makhange shuakuxchi ma Jabbok ilaxle handün chito sak-hax makhange hannop chito Jordan alople hwome Amor nok haxtok pangwüi hwople koppu.

KAXFÜNPA-HWOM 11:26

Zanglao 300 hanpakma Israel noke Heshbon hia Aroar, iboma chuwüi ibu akhople tüikya tinglongbu kople thom, iboma Arnon Shuanu kax achole tüikya tingnubu pangwüi kople thom. Hünzome ibu pangwüi ipongkhae büthüikoxle achatle chilax laxpu?

2 SAMUEL 24:5

Hwome Jordan shuanu tale le ilaxle Aroar zongma shuathongchi ma pomzaile athong. Ija a Gad haxsüt angkya haxsha osungkha ma tüikya tingnu tuita changkya. Ikha angkya hwom shuakux chito Jazar to dong,

2 WANGHOMBU 10:33

Ikhama Jordan shuanu zongma handünchi kao haxtok Arnon shuanu angkya Aroar tinglong shuathong chikao alople: Gad, Reuben hia Handünchi Manasseh hwom ngokya Gilid hia Bashan haxsüt pangwüi wom.

JIHUSUA 21:44

Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.