TSAITONG-KAXTONG 2:34 - OTSAO BAIBEL (BSI)

³⁴ Ifüi tomle keme tingnubu pangwüi koplaxle ibu amüt, ilaxle khünak pangwüi, mixnu-naosa, mixmüi chemchu chisüile, komkaile langle awütpu. Keme owachu ozün ma chitox.

TSAITONG-KAXTONG 2:34 ပူးပေါင်းရင်းမြစ်များ

1 SAMUEL 15:3

Paokox ilaxle Amalek nok tingtakkya ningle tingtakle hwom ma atüitüi pangwüi langdao; mixnu-naosa, sheko-lüka tamchu naosa le chemchu chisüile langdao; tsom-pom: maihu, chun, ut hia mantsak, ibu pangwüi langdao.”

TSAITONG-KAXTONG 7:2

Chemtue Jowanpa hünzom Zang-e ibu hünzom chak to koxle changüihex tamchu ongai hünzome hwom to lütle changüihex, ipongma hünzome hwom pangwüi mik amüt angkya changle. Hwom füi tomsax-tommok angkya tsaotsüt taxtüi chichangba chingcha ahole taxchang.

TSAITONG-KAXTONG 3:6

Heshbon angkya wanghompa Sihon tingnubu to chemle hwonpuix, ija lailaile ibu tingnubu chuwüi keme ama ilaxle mixnu naosa, lüka mixmüi pangwüi langle awüt.

JIHUSUA 11:14

Israel khünaknue ibu tingnubu angkya thalix tuina hia tsom-pombu hwom hanpak ang pangwüi tüi. Ikoxlechu khünak-nak a pangwüi lang; owachu ozün ma chitox.

JIHUSUA 7:11

Israel noke ochax lyenle changdaoa! Kue hwom ang fakya kaxtom kax ma chilaxle, hwom ang amütdao-o e thüikya mwot-kat tütali hwome tüidaoa. Hwome ibu ahux, ibu bama kaxthai akax, ilaxle ibu matüi mana füi tomle thomdaoa.

TSAITONG-KAXTONG 7:26

Chapa ijabu tüta ningkyachu hünzome ma hom to taxapüi, ile jangchang thüiningle hwom hato hüihaxkux thuakzom bakle hünzom hato hüiüi. Hünzome chapa ibu to wünhaile tamchu anule changlax, chemthüikoxle ibu a Jowanpa othuak-ozom ma tüile.

JIHUSUA 9:24

Hwome lan: “Alixachong, changle, kwome ile mokdao ngüna, ikoxle ija a, Jowanpa hünzom Zang-e chix dapa Mosa füi kaxtom koxle, hünzom ang ibibi haxtok komkaile koxdaoa ilaxle hünzom nguile hüikya zuma ikhato ngole tüikya khünaknu pangwüi langle awüt angkya kaxzing atatkya khoma kwome ile mokpu. Chemthüikoxle kwom hünzom thua tüle zalaxle tamchu kwome ma mik max angkya thua zalaxle ile mokdaoa.

JIHUSUA 6:21

Hwome ma changlobu füi tingnu ma atüitüi komle, sheko, lüka, taiko, naosom pangwüi lang. Hwome osu-maihu, chun hia zwonbu chu pangwüi lang.

JIHUSUA 10:28

Ija nyix Jihusua-e Mekkedah nok tingtakle ija nok wanghompa kop. Tingnu mong ma chixe pangwüi mik amüt; owachu ozün ma danle chitox. Jeriko wanghompa to chixe chemle hwonpuix ija lailaile Mekkedah wanghompa to chuwüi hwon.

JIHUSUA 10:40

Jihusua-e haxtok pangwüi lütle kop. Chixe haxhua nok wanghombu pangwüi to lüt, ilaxle handünchi haxsha nok, hannopchi haxnu chithong ma tüikya nok ilaxle shuathongchi ma haxkozan to tüikya onok, ibu pangwüi to chixe lüt. Chixe owachu danle chitox; pangwüi langle awüt. Ile chang angkya a Jowanpa Israel nok Zang kaxtom chang koxpu.