TSAITONG-KAXTONG 2:14 - OTSAO BAIBEL (BSI)

¹⁴ Ija a keme Kadesh Barnia danle toxkya füikya zanglao tsübün achyet nguile changpongma chang. Jowanpae ile chang angkya hex-ole akaxkya jaojaole ipongma tüikya tsünthom kha angkya mixtsak naomüibu komle zile paodaoa.

TSAITONG-KAXTONG 2:14 ပူးပေါင်းရင်းမြစ်များ

EZEKEL 20:15

Ikhoma kue hwom a, tüle ahak-aluale tamchu haxzaoe awangle tüikya, zangfang ma sümüipupa haxtok to hwom apüi angkya kue tsaosaxle changdaokya ningle kue ija hwom ang koxle thomkya haxtok to hwom münapüile sak-hax to tüipongma wüi tsaotsüt.

MÜNCHUAK-TSAI 95:11

Ku ang mongtsik ilaxle otsingtomtata ma tsaotsüt: ‘Ojong khato kue hünzom ang nazak koxse hex ija haxtok to hünzom a chemtuechu ngui ang müntom.’”

MÜNCHUAK-TSAI 106:26

Ikhoma chixe hwom ang sak-hax to hwom mik max ang tom angkya bama kaxshing kople tsaosax;

TSAITONG-KAXTONG 1:19

“Kwome kem Jowanpae kwom ang kaxtom fakyakya mokpu. Keme Sinai Haxnu dantoxlaxle tüpong chongkya tamchu za-adünkya sak-hax, Amor nok haxhua chito lepu. Chemtue keme Kadesh Barnia aloppuix,

TSAITONG-KAXTONG 1:2

Haxhua nok Edom lomnu makhange lele Sinai Haxnu alop ang nyixbün ata lax.)

HUAKE LAIPEX 13:26

Mosa, Arun tamchu Paran faonu mong tokya Kadesh ma tüikya Israel khünaknu hato chat. Hwome ma mik füi ngünle toxkyabu kaxwün wang tamchu hwome apüikya pünziakbu hwom hato aho.

JUD LAIZA 1:5

Hünzome ibu bakle tsingle ngole, ikoxlechu: tam a Jowanpa-e Israel khünakbu Ijip nok chak tokya khosün, ikoxlechu ofüima, chixe opange chiongpuix hwom amüt, ija bama kue hünzom mongto texle atak ang tomse tsule.

1 KORIN 10:5

Ibachu hwom sülui tukux füi Zang mong chimüi; idaile hwom mangbu faokha to chiakle asam.

MÜNCHUAK-TSAI 90:9

Nang mongtsike kwom tsün amoxle; huxsa ma zangwünkya lailaile ija samle pao.

MÜNCHUAK-TSAI 90:3

Kwom chem changkya hex ija hato chatle chat angkya nange kwom füi akax; nange kwom tamchatle haxbu ang achang.

TSAITONG-KAXTONG 1:46

“Ikhoma, kem Kadesh ma okuilole athongle ngo füima,

HUAKE LAIPEX 32:11

‘Kue tsaopu, hwome ku kax ma laxle chitüikya khoma, hwom Ijip nok tokya hüikyabu, zangtsa makhange thakchichi owaechu, kue Abraham, Isak hia Jakop hwom ang koxle thomkya ija haxtok to ngui ang müntom.’

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

TSAITONG-KAXTONG 2:13

“Ifüima Jowanpae kem füi akaxkya lailaile keme Zered haxsha ta.

TSAITONG-KAXTONG 2:16

“Hwom pangwüi zile tsuak füima,

JIHUSUA 5:4

Chemtue Israel khünakbue Ijip nok dantoxpuix, lükabu hwom pangwüi ang Khwonzüt-Zom zing tsuaklaxle tüikya. Ikoxlechu khünaknue zanglao punyi sak-hax faonu akaile aham, ipongma lüka naosom owa angchu Khwonzüt-Zom zingle chikox. Ikoxlechu, ija hanpak oshuk chito, hwome Ijip toxpongma zankat sangle tüikyabu, hwome Jowanpa kax ma chilaxle tüikya khoma pangwüi zile paodaoa. Chixe tsaotsütdaokya lailaile, hwom putong hwom ang tsaokya, tüle ahak-aluale tamchu haxzaoe awangle tüikya haxtok hwome ngün ang chikox.

JIHUSUA 24:7

Ikoxlechu hünzom putong hwome Tütsak Tinu alopkya füi tomle hwome ku hato akhongle changpu, ilaxle Ijip nok hia hwom nyi bama kue zangnak alai, kue ija tinu Ijip nok ding to thuple hüi ang tom ilaxle hwom a ti ma khangle zi ang tom. Kue Ijip nok to chemle mokdaopuix hünzome awan ngopu. “‘Hünzom sak-hax to okuilole ngohom.

MÜNCHUAK-TSAI 90:15

Kwom tsün ma sikngün apongle ngokya tukma, nange kwom ang chemtukux mongtsik koxdaopuix athaxpi itukuxle mongmüi fahüi.

HUAKE LAIPEX 1:1

Israel khünaknue Ijip nok dantox füima anyi lükya zanglao ma lyetnu kua anyi to pongwang nyixkha, Sinai faonu mongto chix ngokya Nyihom ma Mosa füi Jowanpa akax. Chixe thüi: