TSAITONG-KAXTONG 18:9 - OTSAO BAIBEL (BSI)

⁹ “Chemtue Jowanpa hünzom Zang-e hünzom ang koxle ngokya haxtok to hünzom nguiüihex, ikhato tüile ngokya mixjat-mixli angkya nushixdongkya zanglom mwot-kat thüi anole taxchang.

TSAITONG-KAXTONG 18:9 ပူးပေါင်းရင်းမြစ်များ

LIWI 18:30

Ilaxle Jowanpae akax: “Ku kaxtom kax ma laxle tüilax ikoxle ija haxtok ma hünzom thoma bang angkya khünakbu ningle haxtok tamchu iningkya tütali mokkya makhange hünzome ma alüile chitsaokya ang taxachang. Ku a Jowanpa hünzom Zang changle.”

TSAITONG-KAXTONG 9:4

“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

2 WANGHOMBU 17:8

Chix khünakbu nguikya zuma Jowanpae jwonle apaokya khünakbu zomzang hwome lax, ilaxle Israel nok wanghome apüikya zomzangbu chu kop.

TSAITONG-KAXTONG 20:18

Hwom langdao, ikoxle hwome hwom baozangbu to shwomkya ningle nushix dongkya mwot pangwüi mok ang hünzom to jik-naikya müntüiüi.

2 WANGHOMBU 17:11

Ilaxle hwom chaxwan angkya Jowanpae jwonle apaokya songsari khünakbu hwon laxlaxle hwome tö-tsap pangnu khato wüi ongan müikya sobu zokle shwom. Hwome mokkya ochax mwot pangnusa füi hwome Jowanpa ang mongtsik adün,

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

2 PUKAX-PANGAO 36:14

Ito obo ang, Judah nok lompabu, zompu-zangpa hwom, ilaxle khünaknu, ibu hwom akhople tüikya khünakbu ningle chapabu to shwomkya olom tole ochax lyenle changkya khoma, Jowanpa, chix jaoe atsaole dankya Zangshwom-Hom chitsaokya ang achang.

JEREMIA 10:2

Chixe thüi: “Mixnokbu mantole taxchang; ding to ozangjang to ngünle ngokya olie hünzom mongthang ang taxtom, ija thoto mixnokbu abüt-aban daobalea.