TSAITONG-KAXTONG 18:22 - OTSAO BAIBEL (BSI)

²² Ajepae Jowanpa mün ma akax ikoxle ija kax changle ngaikya chitüi thüiningle ija zangwün a Jowanpa tokhange hüikya kaxho münchang. Ija a ajepae chix mong tokya alaile wünkya zangwün changle, iningkya mix thua hünzom zale ngo angkya oli jao münchang.

TSAITONG-KAXTONG 18:22 ပူးပေါင်းရင်းမြစ်များ

TSAITONG-KAXTONG 18:20

Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

2 WANGHOMBU 20:1

Ipongma wanghompa Hezekiah tüle kakle ziüi khakha tüikya. Amoz sasün ajepa Isaia chix wai ang nguilaxle thüi: “Nange pangnu jali khuakhomle tsuak angkya bama Jowanpae nang füi akaxle, chemthüikoxle nang a tamchatle kakmüi toxüile münchang, zik hanpakma achwonlax.”

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

ISAIA 41:22

Ikhama nguilax ilaxle chempang changüihex ija ajelax, ile chang koxle ija ile ngaikya zuma kwome awanüi. Khwalo ma ledaokya zangwün akhixle wünlaxkox, ilaxle kwom hama ija chem hanpak-hex apuale fahüi.

WANWÜNKAX 26:2

Othuak-ozome nang to, nang hato ija nguikoxle asule chichang thüiningle chem münthüi. Ibu a pile ahamkya zangzung chikoxkya osabu ningle changpu.

JONA 3:4

Jona ija tingnu akaile le ang süt, ilaxle nyixta tungta le ahamle chang füima, chixe khuapu: “Nyix punyi mong ma Ninewi a amütüi!”

TSAITONG-KAXTONG 18:21

“Ajepa kax Jowanpa tokhange hüikya chichang hia changpuix ija chemle awan ang thoüi, ija bama hünzom ang khosam tüikoxlax.

1 WANGHOMBU 22:28

Mikaiah-e akhong: “Nang müimüi-zangngaile jangchat thüiningle Jowanpa ku füi chiakaxkya ang changüi.” Anaole chuwüi chixe thüi: “Kue chem akaxpuix ija to pangnusae apale koplax.”

1 SAMUEL 3:19

Ile Samuel tsongle hüikya zuma, Jowanpa a chix füi tüile ngokya ilaxle Samuel-e akaxkax pangwüi changle ngai ang kox.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.