TSAITONG-KAXTONG 18:20 - OTSAO BAIBEL (BSI)

²⁰ Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

TSAITONG-KAXTONG 18:20 ပူးပေါင်းရင်းမြစ်များ

JEREMIA 27:15

Ibu a chixe ahüikya münchang ilaxle ibue chix mün ma atsele zangwünkya changpule Jowanpa chix jaoe akaxle. Ikhoma chixe hünzom jwonle apaoüi, ilaxle hünzom lang ang tomüi, hünzom füi tomle hünzom hama kaxthai zangwün apüile ngokya ajebu chuwüi langüi.”

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

ZEKARIA 13:3

Ifüimachu owawae aje angkya wüi changle le zongpankya mix jangtüi, honu hia hopa nyie chix a mik max ang tom angkya wüi akax angkya changle, chemthüikoxle chixe Jowanpa kax akaxpu le thüilaxle othai kax taile. Chemtue chixe ajele ngopuix ipongma honu hia hopa nyie chix tople langüi.

EZEKEL 13:6

Hwom mikngün a othaibu changle, ilaxle hwome ajekya a othaibu changle. Hwome ku tokhange hüikya kaxho fapule akaxle, ikoxle hwom a kue ahüikya chichang. Ikoxlechu hwome hwom ajekax otsing ang achangle ngaiüile ongle!

JEREMIA 23:31

Ma zangwün akax üntoxle ibu a ku makhange kopkya zangwünbu changpule akaxkya ajebu zongtochu ku zanpa tuita changpu.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

1 WANGHOMBU 18:27

Tungto shene Elija-e hwom wanjaile thüi: “Süzongzongle jopkox, chix a Zang changle, owatsing chix a anyixningkya wünmang ngünle jipbashuile wüi ngoüntüi, chichangba mixwün towüi paoüntüi, chichangthüichu chix a jiple wüi ngoüntüi. Idaile hünzome chix jip a azwot angkya wüi changpu.”

2 PITAR 2:12

Ikoxlechu hwom hwon-je chitüikya mix ningkya khünakbu, jaopo ma hwom müibu ningle koplaxle lang angkya hanpakma puxpaikyabu; mae ngaxchu chitsing chiwankyabu to adix-adale tüile.

1 WANGHOMBU 18:40

Elija-e kaxkoxle thüi: “Bal ajebu pangwüi kopkox, hwom tuitachu paole azang ang taxkox.” Khünaknue hwom pangwüi kop, ilaxle Elija-e hwom Kishon shuanu to jo laxle hwom pangwüi langle awüt.

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

1 WANGHOMBU 18:19

Athax Israel khünak pangwüi ku füi Karmel Haxnu ma apong angkya kax laxkox. Bal ajepabu 450 tamchu baozangchanu Asherah ajepabu hwom 400, opang chima wangcha Jezebel sele tüilaxpuix, hwom pangwüi apüihüi.”

TSAITONG-KAXTONG 17:12

Ikoxle opupue ikhama asukya kaxfünpa chichangba nguapa kax ma chilaxle jangtüi, chix a mik max ang tomüi; ile hünzome ija haxshix mwotli Israel nok tu angkya awüt ang thoüi.

TSAITONG-KAXTONG 18:21

“Ajepa kax Jowanpa tokhange hüikya chichang hia changpuix ija chemle awan ang thoüi, ija bama hünzom ang khosam tüikoxlax.

TSAITONG-KAXTONG 18:22

Ajepae Jowanpa mün ma akax ikoxle ija kax changle ngaikya chitüi thüiningle ija zangwün a Jowanpa tokhange hüikya kaxho münchang. Ija a ajepae chix mong tokya alaile wünkya zangwün changle, iningkya mix thua hünzom zale ngo angkya oli jao münchang.

JEREMIA 23:30

Ta-ta zangwün koplaxle ibu ku kaxho changpule apukkya ajebu zongto ku a zanpa tuita changle.

JEREMIA 26:11

Ipongma nguapabu hia ajebue onok lompabu füi akaxle thüi: “Ija khünak mik amüt ang asupu chemthüikoxle chixe kem tingnu zongto omale akaxdaoa. Hünzome chix kax ma na füi jao atatle laxdaoa.”

TSAITONG-KAXTONG 13:6

“Hünzome tamchu hünzom putong hwome otuechu shwom-to le chichangkya mama baozangbu to shwom angkya hanpakma huxsa ma zuile hüntüi-hünnao hwom, hünsu-hünsa hwom, hünzome mongkünkya kakobu, hünzom üipa-zuikhui, ibue hünzom jikle pao ang tsuak.

KAXFÜNPA-HWOM 2:15

Hwom chemtukuxle zan to kapuix, Jowanpa a hwom zongto zan ang bang, chemthüikoxle ile chang angkya kaiwüi akaxle apua thomdaokya tüikoxle. Ikhoma hwom a tüle khosam ma ngo.

1 WANGHOMBU 13:19

Ikhoma Judah nok tokya ajepa ija azupa füi tomle chix hom to ngui ilaxle chix füi tomle fongsax.

ZEKARIA 13:2

Hepongma kue chaxwan angkya chapabu mün jaojao apaoüi, ilaxle owaechu ibu texle atak ang müntom. Owawae aje changpule akaxkyabu kue amütüi ilaxle chapa to shwomse le tsukya mong kue apaoüi.