TSAITONG-KAXTONG 18:13 - OTSAO BAIBEL (BSI)

¹³ Jowanpa to mongpak-fünthole mongong tüikya füi ngolax.”

TSAITONG-KAXTONG 18:13 ပူးပေါင်းရင်းမြစ်များ

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

PONGWANG LAIPEX 17:1

Chemtue Abram zanglao puli-aku changkya hex, Jowanpa chix hato ngai ilaxle akax: “Ku a Khüthak Zang changpu. Ku kax ma laxlax ilaxle chem supuix ija moklax.

PONGWANG LAIPEX 6:9

Ija a Noa pukax changle. Chix ang Shem, Ham üntoxle Jafet le sasün hwom azom tüikya. Chix tsündang khama thaikya chemchu chitüikya khünak mixmüi a Noa chix tata wüi changkya. Chix a Zang füi notom-tusüi ma ngole hüi.

FILIPI 3:12

Kue tholün daoa chichangba okhonguikya mix ang achangdaoale otuechu münala. Ikoxle Khrista-e oja ku chix hato kople tsuakdao laxpuix, ija hingho ataktsuak angkya hanpakma ku azongle wüi ngopu.

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

JOB LAIPEX 1:8

Jowanpae atüile thüi: “Nange ku dapa Job ngünhexcha? Chix ningle mongong füikya üntoxle müikya khünak chaxwannu ma owachu müntüi. Chixe ku to shwomle ilaxle tütali thaithaxle chimok angkya hanpakma chix khünzaile tüile.”

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

MIKNGÜN-OHÜN 3:2

Idaile zolax, üntoxle ija komkaile ziüi thoma chem nang ma tüipuix ija zongdong ang koxlax. Chemthüikoxle nange chem mokdaolaxpuix ija Zang miksho ma okho mangui le kue atakdaoa.

FILIPI 3:15

Chasa ma tsongdaokya kem pangnu ma wüi ija tutex tüi angkya changle. Ikoxlechu hünzom züizüi ma tutex mama lom to jangtüi thüiba, Zange ija hünzom ang tsaotha le awan ang tomüi.

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

1 WANGHOMBU 8:61

Anyixkya lailaile, hünzom, chix khünaknu pangwüi othuithuima, chix kaxtombu kax ma laxle Jowanpa kem Zang to mongong tüikya füi naxngo.”