TSAITONG-KAXTONG 18:12 - OTSAO BAIBEL (BSI)

¹² Iningkya nushix-dongkya mwot mokkyabu thua Jowanpa hünzom Zang anule, ija khoma hünzom hüikya füi tomle ibu mixjat-mixlibu Jowanpae ija haxtok angkya jwonle apao angkya changle.

TSAITONG-KAXTONG 18:12 ပူးပေါင်းရင်းမြစ်များ

LIWI 18:24

Iningkyabu mwot oli tuita ningkya olom makhangechu nang tuita chitsao ang taxachang. Songsaribue iningkya mwotlom makhange hwom alüile chitsaokya ang achangle. Ibu songsaribu a hünzom thoma ija haxtok ma bangkyabu tamchu hünzom ngui ang angkya thoto Jowanpa-e jwonle apaokyabu changle.

TSAITONG-KAXTONG 9:4

“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.

LIWI 18:25

Hwom mwot-kat makhange ija haxtok a chitsaokya ang achangle. Ikhoma Jowanpae haxtok to thuakzomle ilaxle ikhama ngokya khünakbu pongle chikopkya ang achangle.

TSAITONG-KAXTONG 14:27

“Hünzom tingnu ma tüile ngokya Liwi hwom taxalak; hwom ang ma tingtok le chemchu müntüi.

EZEKEL 31:11

ikhoma kue ija awütdaoa, mixnok wangpa tuitae ija naxlaxkox. Ija pün ang ma ochax khoma ijae chem kopse hex, ija wanghompae naxkox.

TSAITONG-KAXTONG 9:5

Hünzom a tüle müi tamchu chem supuix ijaja mokle tüikya khoma Jowanpae ija haxtok hünzom ang kop ang tom angkya münchang. Hwom a chichang-chizangle tüikya ochax khünakbu changle tamchu Jowanpae hünzom putong Abraham, Isak hia Jakop hwom füikya chix tsaotsüt otia ma thomse tsukya khoma khünak ibu jwonle apao ang thüipu.

TSAITONG-KAXTONG 22:5

“Shekobue lükabu nyi-za lax angkya olom müntüi, ija ningle lükabuechu shekobu nyi-za lax angkya olom müntüi. Jowanpa hünzom Zang-e iningkya khünak thua anule.

2 WANGHOMBU 23:24

Nguakho Hilkiah-e Zangshwom-Hom ma atakkya laipex ma zale tüikya wanlom to angkya tsaitsuak kaxtsuakle chang angkya hanpakma wanghompa Josiah-e Jerusalem hia Judah haxtok angkya jenu-shipabu hia chajik-muashem tamchu kako baozangbu pangwüi, chapabu, tamchu songsari baozang to shwomkya tuina pangwüi awüt.