TSAITONG-KAXTONG 18:10 - OTSAO BAIBEL (BSI)

¹⁰ Ibu tö-tsap ma tüikya wünkha to hünzome masu-masabu zokle ashunle taxchang; hünzome khünakbu ang o-nan, jenu-shipa

TSAITONG-KAXTONG 18:10 ပူးပေါင်းရင်းမြစ်များ

LIWI 19:31

“Lwompu hwom füi apongkyabu hato tsaitik-kaxshole chang ang taxpao. Hünzome ile jangmok thüiningle zanglom ma chitsaokya ang changüi. Ku a Jowanpa hünzom Zang changle.

LIWI 19:26

“Aji tüingale müi taxsax. Hing füi khun-khekya mwot otuechu taxmok.

LAIPAO 22:18

“Chajik-muashem hing twonkya sheko jangtüi, ija mixcha a langdao.

WANGSHEMBU MWOT 19:19

Khunhing twonle ngokya khünakbuechu wüi ma laipexbu apüi ilaxle noknue ngünle ibu zokle ashun. Hwome zokkya lai ibu otha athüt koxle jat punyi bün tha bang.

ISAIA 47:13

Nange ipongpong hwon-nwot jaono kople ngokox ngaxchu zong chitüi. Nang tsingpa manpabue nguilaxle nang kho naxsün koxmi — lyettsibu hanpakma olom tole ngokyabue a, zangdingkho tokya odang-odang ahan ang thokyabue a ilaxle lyetjang foto ibu nang hama wünle ngokyabue a Chem changle hüi angkya tüipuix.

TSAITONG-KAXTONG 12:31

Jowanpa hünzom Zang to hünzome ibu noke hwom baozangbu to shwomkya lailaile taxshwom, chemthüikoxle ibue hwom baozangbu to shwomle changpongma Jowanpa ang nushix dongkya olom pangwüi twonle. Hwome hwom tö-tsap angkya wün ma masu-masabu ngaxchu tö ang koxle zokle ashunle.

2 PUKAX-PANGAO 33:6

Hinnom Haxsha ma chixe chix sasün hwom tö ang koxle zokle ashun. Chixe o-nan hule ilaxle jenu-shipabu füi tik-to le chang. Chixe Jowanpa zongto huanuma wüi ochax lyenle Jowanpa ang mongtsik adün.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

1 PUKAX-PANGAO 10:13

Chixe Jowanpa to mongong chithomkya khoma Sol mik max angkya atak. Chixe Jowanpa kaxtombu kax ma chilaxle tüi ilaxle lwompubu ma tsaitik-kaxshole chang.

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.

2 WANGHOMBU 17:17

Hwome songsari baozangbu to shwom ang masu-masabu zokle ashunle tö kox; hwome chajik-muashem, opa-nanpa, ibu füi tsaitik-kaxshole chang, ilaxle Jowanpa ma chem chimüipuix ijaja mok ang hwome mongkox, ile hwome Jowanpa ang mongtsik adün.

2 WANGHOMBU 16:3

chixe Israel nok wanghombu man to. Israel noke hwom haxtok alople changpongma, Jowanpae jwonle apaokya khünakbue mokkya, nushixdongle baozang to shwomkya olom tole, chixe chix sasün tuita zokle ashunkya tö hanpak ang chapa ang kox.

1 SAMUEL 28:9

Ija mixchanue lan: “Wanghompa Sol-e mowan-mixbu hia lumju mixbu Israel haxtok toxlaxle pao angkya kax koxkya nange awan ngopu, jangchangba ku mik naxmax ang ile chemkhoma tsünpu?”

1 SAMUEL 28:7

Ifüima Sol-e chix nguakax-wangkhobu ang kaxkoxle thüi: “Lumjunu tüikya lomle atak-hüi, ku she hato nguilaxle she ma tsaitik-kaxshole ano ang.” Hwome lan: “Endor ma tuita tütüile.”

1 SAMUEL 28:3

Athax Samuel nang zidao, ilaxle Israel khünaknu pangwüi chix mangtsa ilaxle chix tingsho Ramah ma akhün. Sol-e mowan-mixbu hia osho-wanmixbu pangwüi Israel haxtok toxlaxle pao angkya kax kox.

GALATIA 5:20

chapa shwomkya; khunkya; achax-azankya; anu-ahaikya; tuwuk-lajat; miktsak-khangsyen; küntsik-mongma; atsi-alakya; jenu-shipa;

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

WANGSHEMBU MWOT 8:9

Ija tingnu ma Simon le amünkya mixsün tuita tüikya. Onox ma chixe Samaria angkya khünaknu chix chajik-muashem makhange azale thom. Chixe alüile achuakle wün.

PONGWANG LAIPEX 44:5

Hünzome ku hopunu khop wansa chem ang ahuxle paopu? Ija a chix ti ling wansa jao changpu tamchu ija wansa a chixe nantak ang chuwüi twonpu. Hünzom a müimama lejao thaidaoa!’”

LIWI 20:6

“Owawae lwompubu füi apongle ngokyabu hato tsaitik-kaxsho ang paole jangchang, ku chix zan to kaüi ilaxle chix a ku khünak ang münlax.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

1 SAMUEL 28:8

Ikhoma Sol atsingle mix ang achang, zapua mama laxlaxle zangnak füima chix khünak anyi koplaxle ija mixchanu füi apong ang pao. Chixe she ang thüi: “Ku hanpakma chempangle changüihexle chamua füi tikshole anohu. Ku mün nyakle apuakya khünak chasa nyakle anohu.”

2 WANGHOMBU 23:24

Nguakho Hilkiah-e Zangshwom-Hom ma atakkya laipex ma zale tüikya wanlom to angkya tsaitsuak kaxtsuakle chang angkya hanpakma wanghompa Josiah-e Jerusalem hia Judah haxtok angkya jenu-shipabu hia chajik-muashem tamchu kako baozangbu pangwüi, chapabu, tamchu songsari baozang to shwomkya tuina pangwüi awüt.

JEREMIA 27:9

Hünzom ajebu chichangba owawae wünmang makhange chichangba lwompu chasabu nyakle apüilaxle chichangba chajik-muashem mwot makhange jekax akax ang thole le wünlaxpuix, khünak ibu kax to taxapa. Hwom pangwüie hünzom ang Babilon nok wanghom chak to koxle chichang angkya akaxle.

JEREMIA 27:10

Hwome hünzom dyenle ngole ilaxle hünzom a hünzom haxtok füi atsaile tsailo nok to kople pao ang tom angkya changle. Kue hünzom jwonle apaoüi ilaxle hünzom a amütüi.

MIKA 5:12

Hünzome twonkya chajik-muashem zong kue amaüi ilaxle hünzom a aje-ahing chemchu chitüile dantoxüi.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

LAIPAO 22:17

Ikoxlechu naocha hopae chix ang chix sacha lax ang chitomba, ija mixsüne naocha hopa ang chix chaktwon mün tsang kox angkya wüi changle.

2 WANGHOMBU 17:15

Hwome chix kaxtombu kax ma münlaxpule angam, hwome hwom pupa hwom füi tsaole thomdaokya Jowanpa Tsaotsüt chithom ilaxle hwome Jowanpa kaxkhün ahai. Hwome chemjao chichangkya chapabu to shwom ilaxle hwom chemjao ang chiachang, ilaxle hwom tomzi nokbu zom-zang to, ilaxle man taxto-ole thüikya Jowanpa kaxtom kax ma chilaxle tüi.

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.