TSAITONG-KAXTONG 17:9 - OTSAO BAIBEL (BSI)

⁹ ilaxle hünzom zangwün ikhama tüile asukya zompu-zangpa Liwi hwom hia kaxfünpa hwom chak to laxkox, hwome ija bama tsaifün-kaxfünle naxfa.

TSAITONG-KAXTONG 17:9 ပူးပေါင်းရင်းမြစ်များ

EZEKEL 44:24

Chemtue ala-ashakya zangwün laiüihex, wanlom ma tüikya ningle ija zangwün a nguapabue fün-wünle kox angkya changpu. Zanglom pangpwonbu hwom ku wanlombu ma chemle tüipuix ile thom angkya changpu, ilaxle hwom Sabath a atsaole thom angkya changpu.

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

HAGAI 2:11

Chixe thüi: “Ija kax atüikya bama zompu-zangpabue chemle lanüihex, hwom ma atüile anohu:

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

LAIPAO 22:8

Ikoxle ahuxmix chikoptsuakle jangchang, ija thanu-juapa thomkya khünak zangshwomnui to apüiüi ilaxle ija mixkux tuina chixe ahuxkya münchangle tsaotsüt ang tomüi.

TSAITONG-KAXTONG 17:10

Ibue hwom tsaishuk-kaxshuk shule faüi ikoxle hünzome hwome chemle akaxpuix ile mok angkya oli changüi.

TSAITONG-KAXTONG 21:5

Ikhato zompu-zangpa Liwi hwom chuwüi ngui angkya changpu, chemthüikoxle tütali ohyet-otsi zangwün laikya pangwüi hwome tix abax ang tho angkya changle. Jowanpa hünzom Zang-e hwom a chix thotha ang tamchu chix mün ma mohiman kaxzakdün ang kamle kopdaoa.

ZEKARIA 3:7

“Nange ku wanlombu kax ma laxle kue nang ang koxkya mwotkat müile mokle jangchang thüiningle, kue nang a ku Zangshwom-Hom hia ija khwa to hume angkya mix ang achangle ngo ang tomüi. Chemle kue ku zui ma ngokya kaxtaimixbu zangjop atatle changpuix ija lailaile kue nang zangjopbu chu atatüi.

LAIPAO 18:16

Chemtue mixhuak anyi bama tsai-kax laile changüihex, hwom ku hato nguiüi, ilaxle opupu supuix ija kue tix fünle faüi. Jowanpa kaxtombu hia wanlombu hwom hama kue tix apuale koxüi.”

TSAITONG-KAXTONG 16:18

“Jowanpa hünzom Zang-e hünzom ang koxkya tingnubu ma kaxfün mixbu tamchu mama okax-okho hwom kamlax. Hwom khünaknu to masüi-mixlüikya chitüikya kaxfün fale apünüi.

TSAITONG-KAXTONG 25:1

“Thütba Israel khünak mixsün anyi tütali ma alakya bama zangwün khwa to pao, ilaxle tuita a sule ata mix a thaile le kaxfün tsuak.

TSAITONG-KAXTONG 33:10

Hwome nang Wanlom kax ma laxle tüi angkya anole koxüi; Hwome nang tö-tsap ding ma töbu koxüi.

1 PUKAX-PANGAO 26:29

Izhar susa hwom khama, Kenaniah hia chix sasün hwom ang ibu to apün-awangle hume angkya mwot kox: Hwome mokkya pangwüi chakza ma thom angkya ilaxle Israel khünakbu ala-ashale changkya pangwüi hwome nuazingle kox angkya.

ZEKARIA 7:3

Ilaxle nguapang hwom hia ajebu ma ija kax atüi ang tom: “Kwome zanglao obibi hex mokle hüidaokya ningle, Zangshwom-Hom atsunle amakya bama atsaole zangjop sopkya hanpak laxle hüikya kwome thuithuile mokle le angkya hia chemle changüi?”