TSAITONG-KAXTONG 17:8 - OTSAO BAIBEL (BSI)

⁸ “Züizüi zangwün a tingpu kaxfünmixbue fün-wün ang chithole chu tüiüi, thütba: tingtok ba angkya zangwün. Chemtue iningkyabu zangwün tsaitsat-kaxtsale changüihex, Jowanpa hünzom Zang-e chix to shwom-to le chang angkya onui jongtakha zünle thomkya khato nguikox;

TSAITONG-KAXTONG 17:8 ပူးပေါင်းရင်းမြစ်များ

TSAITONG-KAXTONG 12:5

Hünzom haxtok pangnu khama, ikhato pangwüi nguilaxle chix shwom angkya hanpakma Zang-e onui tuita zünle kopüi.

HAGAI 2:11

Chixe thüi: “Ija kax atüikya bama zompu-zangpabue chemle lanüihex, hwom ma atüile anohu:

TSAITONG-KAXTONG 1:17

Nang kaxfün ma süi-chapkya taxtüi; pangwüi ang kaxfün otyatya wüi laxkox, chix tütapu wüi changle ngolax. Owa thuachu taxza, chemthüikoxle nang kaxfün a Jowanpa tokhange hüikya changle. Tütali zangwün nang zongto sütsakle jangchang, ija zangwün ku hato apüihüi, ija kue tsuakle faüi.’

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

TSAITONG-KAXTONG 19:17

hokhi pangnyi wüi zangshwomnui to sele apüiüi ilaxle ipongma onui ma asukya nguapa hia kaxfün mixbue kaxfün fa ang tomüi.

TSAITONG-KAXTONG 19:4

Ikoxle khünak tuita chix zongto makya chemchu chitüi ikoxle chakchax-jansaxle owawa mik amütle jangchang, chix a ija tingnu to paole azang ang tsuaküi.

HUAKE LAIPEX 35:16

“Ikoxle owawae mix mik amüt ang jan, long hia pün, iningkyabu jangtwon, chix a ija mikmüt bama thaipu, ilaxle chix mik chuwüi max ang tomüi.

HUAKE LAIPEX 35:11

hünzome pünpao zaknui tingnubu zünle kop angkya changle; khünak tuitae chakchax-jansax ma owawa mik amütle jangchang, ija khünak ikhato paole azangüi.

LAIPAO 22:2

Chixe ahux daokya tsang chixe thom angkya wüi changpu. Chix ma ija tsangthom ang chemchu chitüile jangchang, chixe ija tsangthom ang ma alüile hang angkya changpu. Ahuxkya müi: maihu, mantsak chichangba tütawüi changlax, chix chak ma ozün ma wüi bangle jangchang, chixe tom tuita mün to tom anyi koxle tsangthomüi. Ahuxmix tuitae hom daple dongkya loplaxle chix langle jangchang. Ija ahuxmix langkya khünak a mix mik amütkya thaipale münchangüi. Ikoxlechu ija a anyixningkya zangngai mik ma jangchang, chix a mix mik amütkya mütkopmix jaojao.

LAIPAO 21:28

“Owawa to maihu tuitae thule langkya jangtüi, ija maihu to longfüi thuple lang angkya changpu, ilaxle ija omüi chisaxüi, ikoxlechu hopupa to chemchu chithüiüi.

LAIPAO 21:22

“Züizüi khünak ahe-atsile changkyae naowok füikya mixcha to honghe ilaxle she angkya nao pao ang tom, ikoxlechu she to mama khama honghe changkya a chitüi, ile jangchang, ija mixcha kakopae thathople koxkya to kaxfün mixbue asuüile zangwün tsuakkya füima, chakmokpa a itukux ma tsangüi.

LAIPAO 21:20

“Khünak tuitae sansüi füi chix da to fit; da a sheko wüi changlax lüka wüi changlax, fitkya khama thüile zile jangchang, ija khünak ang sikangün angkya changle.

LAIPAO 18:26

Hwome khünakbu hanpakma othuithuima kaxfün mixbu ningle mok. Muakya zangwünbu hwom lailai to azutle lax ikoxle hwome chithünkya zangwün a Mosa hato apüi.

LAIPAO 18:15

Mosa-e lan: “Ija kue ile mok angkya wüi laile, chemthüikoxle Jowanpa mongtex lom ang khünaknu ku hato nguile.

LAIPAO 22:8

Ikoxle ahuxmix chikoptsuakle jangchang, ija thanu-juapa thomkya khünak zangshwomnui to apüiüi ilaxle ija mixkux tuina chixe ahuxkya münchangle tsaotsüt ang tomüi.

TSAITONG-KAXTONG 12:11

Jowanpae chix to shwom angkya onui tuita wüi zünüi, ilaxle hünzome ang kue kaxtom fale changdaokya ningle, hünzom töbu pangwüi ikhato apüi angkya changpu; zokle ashunkya tö, müi langle tö koxkyabu, hünzom bünfong ilaxle hünzom chak angkya tö ilaxle hünzome Jowanpa ang koxüihex-ole tsaosaxdaokya mama hinghobu pangwüi apüi angkya changpu.

TSAITONG-KAXTONG 25:1

“Thütba Israel khünak mixsün anyi tütali ma alakya bama zangwün khwa to pao, ilaxle tuita a sule ata mix a thaile le kaxfün tsuak.

EZEKEL 44:24

Chemtue ala-ashakya zangwün laiüihex, wanlom ma tüikya ningle ija zangwün a nguapabue fün-wünle kox angkya changpu. Zanglom pangpwonbu hwom ku wanlombu ma chemle tüipuix ile thom angkya changpu, ilaxle hwom Sabath a atsaole thom angkya changpu.

TSAITONG-KAXTONG 12:14

Jowanpae, hünzom tütapu homjen haxtok ma wüi changlax, onui tuita zünle kopüi ilaxle hünzome ikhama hünzom töbu apüile kox angkya changpu; hünzom zokle ashunle tö kox angkya tamchu kue fakya kaxtombu kax ma laxle mok angkya ikha tix changpu.

TSAITONG-KAXTONG 21:5

Ikhato zompu-zangpa Liwi hwom chuwüi ngui angkya changpu, chemthüikoxle tütali ohyet-otsi zangwün laikya pangwüi hwome tix abax ang tho angkya changle. Jowanpa hünzom Zang-e hwom a chix thotha ang tamchu chix mün ma mohiman kaxzakdün ang kamle kopdaoa.

2 SAMUEL 15:2

Chix kaiwüi zo ilaxle laile tingnu pan lomnu ma ajong. Chemtue otsai-okax koplaxle, wanghompa-e fünwünle naxfale ikhato owawa nguile changpuix, Absalom-e ija khünak selaxle chix ojong tokya nguipuixle atüi. Ija khünake chix homjen apuale fakya füima,

1 PUKAX-PANGAO 26:29

Izhar susa hwom khama, Kenaniah hia chix sasün hwom ang ibu to apün-awangle hume angkya mwot kox: Hwome mokkya pangwüi chakza ma thom angkya ilaxle Israel khünakbu ala-ashale changkya pangwüi hwome nuazingle kox angkya.