TSAITONG-KAXTONG 17:3 - OTSAO BAIBEL (BSI)

³ mama baozangbu to shwom tamchu ibu thotha chichangba lyetnu-zanghan hia lyettsibu to shwomle, Jowanpa kaxtom füi opüima ochax lyenkya hünzome atatle.

TSAITONG-KAXTONG 17:3 ပူးပေါင်းရင်းမြစ်များ

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

JEREMIA 19:5

ilaxle hwom naosombu wün ma zokle tö ang kox angkya hanpakma hwome Bal ang tö-tsapbu zingle koxle. Ijaningle mok angkya otuechu kue hwom ang kaxtom chifa; ijaningkya bama ku mongkho ma ngaxchu chidong.

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

EZEKEL 8:16

Ikhoma chixe ku Zangshwom-Hom angkya nuithong to dün. Ekhato otsao nui to dongüi fülom ma, tö-tsap hia nya-o nyi bama, khünak tsaba-aga tukux tüikya. Hwome hwom tok a otsao nui chito aho ilaxle handün chito hule, zanghan chidün to shwomle chikux thongle akhux ngokya.

JEREMIA 8:2

Ibu afoxlaxle akhünle changse lüito, hwom za-tuabu a chaxwantok ma shale haxzao ang changüi. Hwom za-tuabu a, ibu khünakbue mongkünle tamchu shwom-tole tamchu tsaitik-kaxshole ngokya zanghannu, lyetnu hia lyettsibu tuntho to chiakle changüi.

2 WANGHOMBU 21:3

Hopa Hezekiah-e pünle ama daokya songsari baozang to shwomkya onuibu chixe azünle zing; wanghompa Ahap lailaile chixechu Bal to shwom angkya tö-tsap zingle alai ilaxle baozangchanu Asherah chapabu zingle lai. Manasseh-e lyettsibu to chuwüi shwom.

PONGWANG LAIPEX 2:1

Ile haxtsa-zangfang zingkya mwot tsuakle hüi.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

TSAITONG-KAXTONG 17:4

Hünzome iningkya zangwün atatle jangchang thüiningle ija bama otua müile lomlax. Ija zangwün otsing tomtata ang chang ilaxle Israel khama iningkya ochax mwot mokle changdaongünale awan ang kople jangchang,

TSAITONG-KAXTONG 11:16

Hünzome ma alüile, Jowanpa ha angkya, mama baozang to shwom-to le chang ang pao ang taxtom.

JIHUSUA 23:16

Jowanpa hünzom Zang-e hünzom ang koxkya kaxtom hünzome chithom ilaxle hünzome mama baozangbu thothale hia ibu to shwomle jangchang, izuma chix mongtsik füi chixe hünzom to sikangünüi, ilaxle chixe hünzom ang fakya ipong müikya kaxtom ma hünzome tuita ota chitoxle chixe chwonle wüi amütüi.”