TSAITONG-KAXTONG 17:20 - OTSAO BAIBEL (BSI)

²⁰ Ijae chix, hozui Israel khünakbu füi ataxle müikya mix tuita le tex ang müntomüi tamchu Jowanpa kaxtom kax ma chilaxle nong-tsax to pao ang chitomle abax thomüi. Ile chang koxle chixe zanglao obiobi apün-awangle ngoüi ilaxle chix sixlibue Israel haxtok tsünthom tok to tsünthomle apün-awangle changüi.

TSAITONG-KAXTONG 17:20 ပူးပေါင်းရင်းမြစ်များ

1 WANGHOMBU 15:5

Hit nok Uriah bama thaikya boboma Dawid-e pangnu lom ma chix mong amüile chix kaxtombu kax ma laxle mok.

TSAITONG-KAXTONG 5:32

“Israel khünaknu, Jowanpa hünzom Zang-e hünzom ang kaxtom koxpupu pangwüi mok ang-o thüilax. Chix wanlombu kha angkya tuita ahaikya taxtüi.

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.

2 KORIN 12:7

Ikoxlechu ohünotün jali kue ngünhu daokyabu bama mongngam tüi angkya chikoxle ku abax angkya hanpakma, ku ang tsangtsa ma tsütle kakkya okak tuita fale thomle. Ku to fit ang üntoxle ku ngam ang chikoxle abax ang, ijae bao mwottsan mix tuita ningle mokle.

HABAKUK 2:4

Ilaxle kaxho a ija changle: ‘Opang ochax changlaxpuix ozün ma münngoüi, ikoxlechu opang otsao changlaxpuix hwom ngoüi büthüikoxle hwome Zang to hwom mongong thom.’”

HWON-NWOT-JAONO 8:13

ikoxlechu ochax khünakbu zongto ija omüi ang münchang. Hwom tsün a zangkhung chaxba tuita ningle ilaxle hwom tsünzün ma wüi zile paoüi, chemthüikoxle hwome Zang kax ma chilaxle tüikoxle.”

WANWÜNKAX 27:24

chemthüikoxle tuina a othuithuima ngo angkya oli münchang. Onok-chaxwan ngaxchu tamchimaxle ngo ang müntho.

WANWÜNKAX 10:27

Jowanpa kax ma laxle tüilax, jangchangba nang tsünlole ngoüi. Chichangchizangkya khünakbu a hwom hanpak manguiba zile.

MÜNCHUAK-TSAI 132:12

Nangsu-nangsabue ku füikya Tsaotsüt otya ma thomle jangchang ilaxle kue hwom ang koxkya kaxtombu kax ma laxle jangchang, hwom su-sa hwom chuwüi othuithuima wanghom ang nang tüntong ma thungle ngo ang kopüi.”

MÜNCHUAK-TSAI 19:11

Ibue, ku, nang dapa ang tsing-wankya koxle; Ibu kax ma laxle tüikya khoma ku to mohimanle.

2 PUKAX-PANGAO 34:27

ilaxle kue Jerusalem hia ima tüikya khünaknu sikngün apong ang tom angkya azale changkya kax atat pongma, nang nyizabu akyetle tamchu sople, mong puinaikya füi ku tunthoma mongchatle changdaoa. Kue nang zangjop atatle laxdaoa,

2 PUKAX-PANGAO 33:23

Ikoxlechu chix a, hopa lailaile Jowanpa hato mongchatle chihüi, ikoxle hopa to kaile chix tuita ochax khünak ang achangle pao.

2 PUKAX-PANGAO 33:19

Wanghompa zangjop hia ija to lankya Zang kaxlan, ilaxle chix künlop-monglüile changüi thoto chixe ochax lyenle: chichang-chizang mokkya changkya pukax, songsari baozangbu to shwomkya onuibu, chixe zaile alaikya baozangchanu Asherah muabu ilaxle chixe shwomle ngokya chapabu: ibu pangwüi bama Ajebu Pukax laipex ma tüile.

2 PUKAX-PANGAO 33:12

Chix sikngün khato ngopongma chix puinaile chang, Jowanpa, chix Zang hato mongchat, ilaxle chix ma chingcha ju.

2 PUKAX-PANGAO 26:16

Ikoxlechu chemtue chix tüle tsak-zongle changpuix, Uzziah a mongngam füikya mix ang achangle pao, ijae chix athomle adüt. Zangshwom-Hom to ongan müikya so zokle tö koxkya tö-tsap ma chixe ongan müikya so zokle changkya khoma, chixe Jowanpa, chix Zang akhu ang tom.

2 PUKAX-PANGAO 25:19

Amaziah, athax ang a Edom nok to lüttsuakpule angamle tsaichong-kaxbongle changtüi, ikoxlechu kue nang ang ojongtochu chipaole hom ma nui angkya kax koxpu. Nang hia nang khünaknu hato thama apüi lan angkya tingtui omalax ang adünle ngolaxpu?”

2 WANGHOMBU 14:10

Athax Amaziah, nange Edom nok to lütlaxpusa le nang ang mong ngamtüi. Kopdaokya nang münchong füi mongtexsha le hom ma ngodao. Nang tamchu nang khünaknu haha towüi thama apong ang ngün-ngangale büthüi angkya tingtui lomle ngopu?”

2 WANGHOMBU 10:30

Jowanpae Jehu ang thüi: “Nange Ahap hwom sixli to ku mongtex ma shale hwondaoa. Ikhoma, kue nang füi tsaosaxle thüipu, nangsix-nangli hwom a Israel haxtok ma tsünthom ali kople apün-awangle ngo ang tomüi.”

1 WANGHOMBU 11:36

ikoxlechu kue Solomon sasün ang homjen tuita tüi ang tomüi, ile changkoxle tix wüi, kue ku to shwom angkya hanpakma zünle kopkya tingnu Jerusalem makhange ku dapa sixlie apünle ngo ang kopüi.

1 WANGHOMBU 11:34

Ikoxlechu Solomon chak angkya wangting kue komkaile münpao, ilaxle chix ozün ma ngokya kople kue chix ang apünle wüi ngo ang tomüi. Kue zünle kopkya Dawid, owae ku wanlom hia kaxtombu kax ma laxle tüidaopuix, chix khokho ma kue ile moküi.

1 SAMUEL 15:23

Chix zongto chichangle tüikya a tuita chajik-muashem mwot thatha ma amakya changpu, ilaxle ija a kaxma ma alanle chapa to shwomle changkya tukuxkya oma mwot changpu. Nange Jowanpa kaxtom kax ma chilaxle tekya khoma chixe nang a wanghom ang chilaxle awütdaoa.”

TSAITONG-KAXTONG 17:11

Hwom tsaifün-kaxfün pongle laxüi ilaxle hwome adangle fapupu moküi.

TSAITONG-KAXTONG 12:32

“Kue hünzom ang kaxtom fapupu pangwüi moklax; ija to janbo taxtüi chichangba ijakha angkya oli tuita chu awütle taxchang.

TSAITONG-KAXTONG 12:28

Kue chempang kaxtom fale changdaopuix ibu pangwüi kax ma laxle tüilax, ikoxle othuithuima hünzom hia hünzom su-sabu kuimüi-zangmale ngo ang kopüi, chemthüikoxle hünzome Jowanpa hünzom Zang zongto müikyakya hia sukyakya mokle ngo angkya changle.

TSAITONG-KAXTONG 12:25

Hünzome ija kaxtom kax ma laxle jangtüi thüiningle, Jowanpa ang mongmüikya tüiüi, ilaxle hünzom hia hünzom su-sabu pangwüi kuimüi zangmale ngoüi.

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

TSAITONG-KAXTONG 4:2

Kue hünzom ang fakya kaxtom boma janbo taxtüi ilaxle ikha angkya tütalichu awütle taxchang. Kue hünzom ang fadaokya Jowanpa hünzom Zang kaxtombu kax ma laxle tüilax.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

MÜNCHUAK-TSAI 119:102

Nange adangle fakyabu kue chiahai, chemthüikoxle nang jaojao ku nwotmix changle.

1 SAMUEL 10:25

Samuel-e khünaknu hama wanghom chifün hia mwottho bama akhixle wünle kox, ilaxle ibu a lai ma zale kop. Ifüima chixe ibu a Otsao Nui ma athünle thom. Ifüima chixe khünaknu pangwüi mahom-mahaxhax to fanle pao ang tom.

2 SAMUEL 22:23

Kue chix wanlombu pangwüi tole hüi; kue chix kaxtombu kax ma chilaxle chitüitox.

1 WANGHOMBU 2:3

ilaxle Jowanpa nang Zang-e chem mok angkya kaxtom koxpuix ija moklax. Mosa Wanlom ma zale tüikya ningle chix wanlombu hia chix kaxtombu pangwüi kax ma laxle tüilax, ile changkox tix nang apaopao khato nange chem mokpuix ibu pangwüi ma nang ahak-aluale tüiüi.

1 WANGHOMBU 15:3

Chixe chuwüi hopa lailaile ochax lyen ikoxle hopu Dawid lailaile chix Zang Jowanpa kax ma laxle chitüi.