TSAITONG-KAXTONG 17:2 - OTSAO BAIBEL (BSI)

² “Thütba hünzom tingnu tuita ma züita khünake, lüka wüi changlax sheko wüi changlax, Jowanpa füi alünle tamchu Tsaotsüt amale,

TSAITONG-KAXTONG 17:2 ပူးပေါင်းရင်းမြစ်များ

HOSIA 8:1

Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

KAXFÜNPA-HWOM 2:20

Ipongma Israel nok füi Jowanpa ang mongtsik ngai angkya lai ilaxle thüi: “Ija jatlibue, kue hwom pupabu ang thomlax-ole kaxtom koxkya Tsaotsüt amadaoa. Hwome ku kax ma laxle chitüikya khoma,

HOSIA 6:7

“Ikoxlechu hwom Adam ma, ija haxtok to nguikya füi tomle hwome ku füi zingle thomkya tsaotsüt ama.

2 WANGHOMBU 18:12

Israel noke Jowanpa, hwom Zang kax ma chilax üntoxle hwom füikya Jowanpa Tsaotsüt ama tamchu Jowan dapa Mosa makhange hwom ang koxkya wanlombu kax ma chilaxle tüikya khoma Samaria a nguak angkya lai. Hwome chiapa tamchu kax ma chilax.

JIHUSUA 23:16

Jowanpa hünzom Zang-e hünzom ang koxkya kaxtom hünzome chithom ilaxle hünzome mama baozangbu thothale hia ibu to shwomle jangchang, izuma chix mongtsik füi chixe hünzom to sikangünüi, ilaxle chixe hünzom ang fakya ipong müikya kaxtom ma hünzome tuita ota chitoxle chixe chwonle wüi amütüi.”

JIHUSUA 7:15

Kue taxlax-ole thüikya tütali owama bangpuix, chix a kako-homkha hia chix tuina pangnusa füi afomle zokle ashunüi, chemthüikoxle chixe Israel nok hato müimamakya thajao apüidaoa ilaxle ku Tsaotsüt amale changdaoa.”

JIHUSUA 7:11

Israel noke ochax lyenle changdaoa! Kue hwom ang fakya kaxtom kax ma chilaxle, hwom ang amütdao-o e thüikya mwot-kat tütali hwome tüidaoa. Hwome ibu ahux, ibu bama kaxthai akax, ilaxle ibu matüi mana füi tomle thomdaoa.

TSAITONG-KAXTONG 17:5

ija khünak a tingnu panfang to paolaxle long füi thuple langdao.

EZEKEL 16:38

Chinunchakkai mwot hia mik amütkya mwot bama kue nang ahaiüi, ilaxle ku küntsik-mongma makhange kue sikangünle nang langüi.

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

TSAITONG-KAXTONG 31:20

Kue hwom putong hwom füi tsaotsüt daokya ningle kue hwom ang ija ahak-aluale tamchu haxzaoe awangle tüikya haxtok to apüiüi. Ikhato hwom ang hwome alomlom sütli tüiüi ilaxle hwom mongtex ma shale ngo ang kopüi. Ikoxle hwom a mixnok baozangbu to sho ang anongle paoüi. Hwome ku awütüi ilaxle ku füikya Tsaotsüt amaüi.

TSAITONG-KAXTONG 29:25

Ikoxle kaxlan a ile changüi, ‘Chixe hwom Ijip nok tokya alaile changpongma, Zang-e hwompu-hwompa hwom füi tsaotsüt tsaotsütkya Jowanpa khünakbue amale awüt.

TSAITONG-KAXTONG 29:18

Anyix ikhama ajongle tüikya sheko, lüka, kako-homkha, chichangba homjen opupuchu, mixnok baozangbu to shwom ang paoüima, Jowanpa kem Zang hato tok chiaho angkya münchangpuole mongzangwünle tsuaklax. Ile jangchang thüiningle ija a khaxkya hia zik-hing füikya püntsing jukya tuita ang achangüi.

TSAITONG-KAXTONG 4:23

Jowanpa hünzom Zang-e hünzom füi Tsaotsüt tüidaokya hünzome chemtuechu taxalak. Hünzome ma hanpak ang chemchem chapa zingle chichang angkya bama chix kaxtom kax ma laxle tüilax,

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

LIWI 26:15

Hünzome ku wanlombu hia kaxtombu kax ma münlaxle jangtsak ilaxle kue hünzom füi tsaotsütkya Tsaotsüt amale jangchang,

IBRI 10:28

Tütapu changkoxchu Mosa Wanlom kax ma chilaxle tüikya mix, mixhuak anyi chichangba ifüi süluile kaxkhi lax üntoxle kaxfünkya zuma thaile jangchang thüiningle chingcha ojao chitüi le langle.

LAIPAO 22:20

“Jowanpa ku boma owawa ang tö koxkya mix jangtüi, chix thajaole wünhai ang tomkox.

2 WANGHOMBU 21:3

Hopa Hezekiah-e pünle ama daokya songsari baozang to shwomkya onuibu chixe azünle zing; wanghompa Ahap lailaile chixechu Bal to shwom angkya tö-tsap zingle alai ilaxle baozangchanu Asherah chapabu zingle lai. Manasseh-e lyettsibu to chuwüi shwom.

JOB LAIPEX 31:28

Iningkya ochax to mikamütle sikangün angkya wüi; ijae Khüthak Zang thajao-wünhaile.

JEREMIA 34:18

Judah hia Jerusalem angkya alixachongbu, wanghom homlo angkya okax-okhobu, zompu-zangpabu, ilaxle lompa hwom pangnu, ibu füi tomle, maihupong anyi langlaxle anyi ang achangle asexle thomkya anyi oba makhange le le ku füi tsaosax. Ikoxle hwome ija tsaosüt ama ilaxle ija wanlom chithom. Ikhoma hwome maihupong to chemle hwonpuix ija lailaile kue hwom to hwon angkya changle.

LAIPAO 22:19

“Khünak owawae müi füi nganguile jangchang, ija khünak a langdao.

LIWI 20:2

Israel khünaknu füi ija akax angkya kaxkox: “Hünzom wüi changlax chichangba hünzom khato ngole hüikya mixnok wüi changlax, owae masu-masabu Molek baozang shwom ang koxle changüihex, ija mixsün a noknue long füi thuple lang angkya changpu.

KAXFÜNPA-HWOM 6:31

Ikoxlechu chix zan to kakyabu füi Joash-e akax: “Hünzom Bal hanpak ang ajongpuix nyi? Hünzome chix khosele changpuix nyi? Chix hanpakma ajongkya mix a zangngai thoma wüi mik amütle bangüi. Bal a zang tuita jangchang, chixe ija khünak kho naxsünkox, chemthüikoxle dakle atsunkya a chix tö-tsap changle.”