TSAITONG-KAXTONG 17:17 - OTSAO BAIBEL (BSI)

¹⁷ Wanghompa ang kakonu obiobi tüi angkya oli le münchangüi, chemthüikoxle ile tüikyae chix Jowanpa hato tok ahole atsaile pao ang tsuaküi; ilaxle ma alüile hun hia khop füi alua-awangkya mix ang chizingüi.

TSAITONG-KAXTONG 17:17 ပူးပေါင်းရင်းမြစ်များ

NEHEMIA 13:26

Kue hwom ang thüipu: “Wanghompa Solomon ang ochax lyen ang tomkya a mixnok shekobu changkya changpu. Chix tuita owawa mixnok wanghom hwom füichu süchongkya wanghom tuita changkya. Zang-e chix to mongkün ilaxle Israel pangwüi thakma apün angkya wanghom ang achangpu, ikoxlechu chix ija ochax to dütpu.

MATHI 19:5

Ija khoma ‘lüka tuitae hopa hia honu nyi dantoxlaxle ma kakonu füi notomüi ilaxle hokhi anyi a tuita ang achangüi’, le thüikya Otsao Lai kax hünzome ele maano hia?

MÜNCHUAK-TSAI 62:10

Changnong-pünthomkya to nang mongong taxthom; ahux-alop laxle tütali olüi kopüile taxthüt; nang okop-olwot ma tüle ahak-achakle tüikoxlechu, ibu to taxong.

PONGWANG LAIPEX 2:24

Idaile khünake manu-mapa danle toxüi ilaxle hokhi a müitom tuita ang achangüi.

MALAKI 2:15

Zang-e nang she füi chasa hia tsangtsa pangnyi ma müitom tuita ang münzingdai hia? Ija ma chix mongtex chem changkya dai? Ija a hünzom Zang khünaknu ma su-sabu tüile chang angkya hanpak changkya. Idaile hünzom khama owaechu ma kako füikya tsaotsüt münamapox-ole thüilax.

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

1 TIMOTHI 6:9

Ikoxle ahak aluase tsukyabu thwontsing to dütüi üntoxle hwom fang to ajo angkya hia pün angkya hanpakma ongat hia amakya mongzokbu tsün ma amanle.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

1 WANGHOMBU 10:21

Solomon ti ling wansa pangwüi hun füi zingle tüikya, ilaxle Lebanon fao ma tüikya Homnu angkya tiklak pangwüi hun füi zingkyakya wüi changkya. Khop a ojao chiawon, chemthüikoxle Solomon din to khop a wünlixle chitwon

2 SAMUEL 5:13

Hebron angkya Jerusalem to achexle changkya füima Dawid-e danucha hwom hia kako mamabu chuwüi lax, ilaxle chix sasün hwom sheko hia lükabu chatle chuwüi pux-paile chang.

2 SAMUEL 12:11

Kue tsaosaxpu, nang homkha angkya tütapue nang hato tingtui apüi angkya changle. Kue nang kakobu nang chak angkya pale paolaxle mix ang koxle changkya zuma nange ija nang mik füi ngün ang kopüi; ilaxle khünak ibue zangngai zezele hwom füi chinunchakkaile changüi.

1 WANGHOMBU 10:27

Chixe apün-awangle changpongma, Jerusalem ma, khopjan hia hun a long bütale nok chak towüi tüile ngo, ilaxle Judah haxnu chitong to tüikya Saikomor pün lailaile sedar pünchu huanuma tüikya.

2 PUKAX-PANGAO 1:15

Chixe apünle changpongma, Jerusalem ma khop hia hun, ibu a tütakhahex chithüile long ningle tüikya, ilaxle sedar pünbu a zangjang saikomor pünbu ningle okhonguile tüikya.

2 PUKAX-PANGAO 11:21

Pangnu athüt koxle Rehoboam ang kakonu hwom 18 tüikya, danucha hwom 60 tüikya, ilaxle chix a sasün hwom 28 ilaxle sacha hwom 60 hopa changkya. Chixe mama wangcha hia danuchabu to nüile Makah to mongkün.

WANWÜNKAX 31:3

Nange nang janzüi atu-amaikya ma taxashix ilaxle nang ngun-syen pangwüi sheko hanpakma taxashix; ibue wanghombu amütdaoa.

1 PUKAX-PANGAO 14:3

Ikhato, Jerusalem ma Dawid-e sheko obi-obi lax ilaxle chix sasün hia sacha hwom huanuma puxpaile chang.