TSAITONG-KAXTONG 17:15 - OTSAO BAIBEL (BSI)

¹⁵ hünzome wanghom ang zünkya mixsün a Jowanpae kamle thomkya mixsün chang angkya oli. Chix a hünzom kha angkya nokpu tuita chang angkya oli; hünzome wanghom ang püntüi chizingüi.

TSAITONG-KAXTONG 17:15 ပူးပေါင်းရင်းမြစ်များ

JEREMIA 30:21

Hwom thak ma apün ang hwomkha angkya wüi ngaiüi, hwom wanghom ang hwomkha angkya ngaiüi. Kue sepongma chix ku hato hüiüi, chemthüikoxle chinyakkya mix ku hato owa mongchongle hüiüi? Hwom a ku khünaknu ang changüi, ilaxle ku a hwom Zang ang changüi. Ku, Jowanpae ija akaxdaoa.”

1 PUKAX-PANGAO 22:10

Ku hanpakma Zangshwom-Hom chixe zaile alaiüi. Chix a ku sasün ang changüi, ilaxle ku a chix hopa ang changüi. Israel haxtok angkya chix wangting münachexüi.’”

1 PUKAX-PANGAO 12:23

Dawid Hebron to ngopongma, Sol man ma chix wanghom ang achang angkya to asun ang, zankat thüi anole tsuakdaokya süpahibu chix füito huanuma hak, ibu a Jowanpa kaxtom tüikya ningle chang. Hwom khünak huak a ibibile tüikya: Judah: Di hia pax füi akhyep-adi laxle zankat tsuakle changdaokyabu khünak huak 6800 tüikya; Simeon: Zankat tsuakdaokya khünakbu 7,100 tüikya; Liwi: 4,600 khünak; Jehoiada füito azuikya, Arun sixli hwom: 3,700 khünak; Zadok, azan naomüi hwom: 22 lompabu; Benjamin (Sol homjen angkya): 3, 000 khünaknu (Benjamin khünakbu süchong tukux a Sol füito ngo); Efraim: 20,800 khünak, hwom saxthom hwom khama ataxkyabu; Hannop Manasseh: 18, 000 khünaknu paolaxle Dawid wanghompa ang achang ang zünle kopkyabu; Isakar: 200 lompabu, hwome azui laxle tüikya khünakbu füi (lompa ibue Israel noke chem moküihex tamchu ija chemtue moküihex müile awan ngo); Zebulun: 50, 000 khünaknu, chang-pax pangwüi twon ang awankyabu, mongong füi azan ang achwonle tüikyabu; Neptali: 1, 000 lompabu, hwom füi tomle di hia pax füi akhyep-adi laxle tüikya 37, 000 khünaknu; Dan: 28,600 khünak zankat mandaokyabu; Ashar: 40, 000 khünaknu azan ang achwon laxle ngokyabu; Jordan zongma handünchi angkya homjenbu—Reuben, Gad, hia Handün Manasseh: 120, 000 khünaknu chang-pax pangwüi twon ang ano daokyabu.

1 SAMUEL 10:24

Samuel-e khünaknu ang thüi: “Jowanpae zünle kopkya mixsün ima tüile! Chix lailaikya mixsün kem khama owachu müntüi.” Khünaknu pangwüi akhong: “Wanghompa tsünlo-khothole naxngo!”

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

MÜNCHUAK-TSAI 2:2

Hwom wanghombue alünle ajong, pünpa-chongwangbue Jowanpa zan to ka, chixe zünle thomkya wanghom zongto opüipüi mok.

2 SAMUEL 5:2

Ami kwom wanghompa ang Sol pongma Israel nok zankat lom nange azuile hüipu ilaxle nange chix khünaknu azüi angkya tamchu hwom thakma apün-awang angkya Jowanpae nang füi tsaole thompu.”

MATHI 22:17

Jangchangba Kaisar ang süi fa angkya kwom wanlom zongto opüi ang chang an toxcha? Nange chemle thüiüi?”

1 PUKAX-PANGAO 28:5

Chixe ku ang sasün hwom müimamale koxle, hwomkha angkya chixe Jowanpa wangting Israel nok thakma apün angkya Solomon kamle.

1 SAMUEL 8:5

Hwome chix ang thüi: “Hulax, nang a azuün ikoxle hünsa hwome nang mwotlom tole chimok, idaile kwom to apün-ada angkya wanghom tuita kamle toxhüi; kwom chuwüi mixnokbu lailaile wanghom laxlaxle ngo ang.”

1 SAMUEL 16:3

Ija tö koxkya khato Jesse selax, ifüima chemle moküihex kue nang hama apuale faüi.”

2 SAMUEL 5:1

Ifüima Israel homjen pangwüi Hebron to nguilaxle Dawid ang thüi: “Kwom a nang hak tamchu nang aji changpu.

MÜNCHUAK-TSAI 89:20

Chix to münga füi lilaxle ku dapa Dawid kue wanghom ang zingdaoa.