TSAITONG-KAXTONG 17:12 - OTSAO BAIBEL (BSI)

¹² Ikoxle opupue ikhama asukya kaxfünpa chichangba nguapa kax ma chilaxle jangtüi, chix a mik max ang tomüi; ile hünzome ija haxshix mwotli Israel nok tu angkya awüt ang thoüi.

TSAITONG-KAXTONG 17:12 ပူးပေါင်းရင်းမြစ်များ

TSAITONG-KAXTONG 13:5

Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

HUAKE LAIPEX 15:30

Ikoxlechu, nokpu Israel khünak wüi changlax chichangba hwom khato ngole hüikya mixnokpa wüi changlax, chaktung ma ochax lyenle jangchang thüiningle, mongtsutsule chixe Jowanpa zongto thaile changdaokya hanpakma, chix a mik max ang tom angkya wüi changle,

1 TIMOTHI 5:20

Ochax lyenkyabu pangnu to tu ma sakox, ikoxle mamabuchu wüi zaüi.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

HOSIA 4:4

Jowanpae thüi: “Owaechu khünaknu ma tsaitox-kaxfekya tamchu samakya taxtüi: ku kaxthup-ngaotün a nguapabu hanpakma changpu.

IZRA 10:8

Ija kaxho a khünaknu lompabu kaxtom ma apuk. Nyix azom mong ma owawa chinguile jangthai, hwom tuinabu komkaile tsuiüi ilaxle hwome noktu angkya hwom nokpu chifün max ang tomüi.

TSAITONG-KAXTONG 18:7

chixe chuwüi ikhama bangkya mama zompu-zangpa Liwi hwom lailaile Jowanpa chix Zang thothale chang ang tsuaküi.

TSAITONG-KAXTONG 18:5

Hünzom jat-li kha angkya Jowanpae Liwi homjen a jento zom mwot mokle chix thotha angkya hanpakma zünle kopkya changpu.

TSAITONG-KAXTONG 17:7

Mikngün kax ngaikya khünakbue pongwang ma thupüi, ifüima ija khünak to noknue longfüi thupüi; ija ningle hünzom a haxshix mwot füi atsaile ngo ang kopüi.

TSAITONG-KAXTONG 10:8

Ipongma Jowanpae Tsaotsüt Suak to hu angkya Liwi homjen zünle, zompu-zangpabu mwot mokle chix thotha angkya ilaxle chix mün ma kaxzakdünle shozex angkya kox. Ilaxle ibu a hwome mok angkya hwom mwotbu changle.

1 THESALONIKA 4:2

Chemthüikoxle Jowanpa Jisu zong makhange kwome hünzom ang adangle fakya hünzome awanle ngopu.

JUHAN 20:23

Hünzome opang ang ochax thailak koxüi hex ibu ang ochax thailak tüiüi; ikoxle opang ochax hünzome thailak chifale dantox üihex, hwom ang thailak müntüiüi.”

JUHAN 12:48

Owae ku pongle chikop laxpuix, tamchu ku kax ma chilaxle tüilaxpuix, chix hanpakma kaxfün angkya tuita tüile; kue akax daokya kax, oshuk nyix, chix hanpakma kaxfünpa ang achang angkya changle.

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

MATHI 10:14

Üntoxle owa kakoe chichangba tingshoe hünzom pongle chikop tamchu hünzom kax to na chitha le tüiüi hex, ikha dantoxdao ilaxle hünzom cha angkya labu ngaxchu hongle toxkox.

WANWÜNKAX 21:11

Chichangchizangkya khünak tuitae chemtue sikngün apongpuix, ojao tutex chitüile ngokya khünak tuitae ngaxchu oli tuita awan ang kople. Chix hama chem anwot-anole koxpuix ija makhange jetüi-hwonlangkya mixe tsing-wankya kople.

MÜNCHUAK-TSAI 19:13

Anaole chu chaktung ochaxbu chak tokya ku azünhüi; ibue ku thakma apün ang taxkox. Ile chang füima ku nguiwangkya tuita ang achangüi ilaxle ochax haxshix chak tokya ku khangkho zangngaile changüi.

TSAITONG-KAXTONG 18:20

Ikoxle kue chiwünkya kax ajepa owawae ku mün lünlaxle wünle jangchang, ija khoma kue chix mik max ang tomüi; iningkya mama baozangbu mün ma zangwünkya aje mamabu chuwüi mik max ang tomüi.’

TSAITONG-KAXTONG 13:11

Ifüima chempangle changpuix ija bama Israel khünak noknue atat ang kopüi; hwom chazale changüi ilaxle iningkya haxshix mwot owaechu chimoküi.

1 KORIN 5:13

Otsao Lai ma akaxkya ningle: “Chitsaokya khünak hünzom othom kha angkya apaodao.”

TSAITONG-KAXTONG 1:43

Jowanpae akaxkya kax kue hünzom hama wünpu ikoxle hünzome ojao na chitha. Chix füi alünle hünzom ajongpu, ilaxle hünzom mongngam füi haxhua nok to tingtak ang dongpu.

TSAITONG-KAXTONG 17:13

Ifüima ija zangwün pangnusae atatüi ilaxle noknusa wüi zaüi, ilaxle iningle mok ang owa angchu mong chichongüi.

KAXFÜNPA-HWOM 20:13

Athax hünzome Gibeah nok angkya ibu laothuabu alaile kwom chak to danhüi. Israel tu angkya iningkya ochax mwot atsai ang tom angkya hanpakma hwom a mik max ang tom angkya wüi changpu.” Ikoxlechu mamabue Israel noke wünkya zangwün to Benjamin khünakbue ojao na chitha.

1 SAMUEL 3:13

Kue iwüiole chix füi akaxdaoa. Kue oshuk alople hwom homkha to sikangün angkya changle chemthüikoxle sasün hwome ku bama tsaima-kaxshix komle akaxdaoa. Hwome ibu ile mokle ngokya Eli-e awan ngopu, ikoxlechu chixe hwom to münte.

ZEKARIA 3:7

“Nange ku wanlombu kax ma laxle kue nang ang koxkya mwotkat müile mokle jangchang thüiningle, kue nang a ku Zangshwom-Hom hia ija khwa to hume angkya mix ang achangle ngo ang tomüi. Chemle kue ku zui ma ngokya kaxtaimixbu zangjop atatle changpuix ija lailaile kue nang zangjopbu chu atatüi.

HUAKE LAIPEX 15:31

chemthüikoxle chixe Jowanpa kax ma chilaxle tüi tamchu chaktung ma wanlom tuita lyenle ama. Chix mik maxkya bama owamachu tsaitox-kaxfe angkya müntüi.

TSAITONG-KAXTONG 13:6

“Hünzome tamchu hünzom putong hwome otuechu shwom-to le chichangkya mama baozangbu to shwom angkya hanpakma huxsa ma zuile hüntüi-hünnao hwom, hünsu-hünsa hwom, hünzome mongkünkya kakobu, hünzom üipa-zuikhui, ibue hünzom jikle pao ang tsuak.

JIHUSUA 1:18

Owae nange apün-adakya to atüi-atuale changüihex chichangba nang kaxtom tütali kax ma chilaxle abaüihex, chix a mik max ang tomüi. Mongzangwünle tsuaklax tamchu mongong thomlax!”