TSAITONG-KAXTONG 17:1 - OTSAO BAIBEL (BSI)

¹ “Hünzome Jowanpa hünzom Zang ang hünzom osu-maihu hia chunbu, makman füikya tö koxle taxchang; Jowanpa a ija ningkya thua anule.

TSAITONG-KAXTONG 17:1 ပူးပေါင်းရင်းမြစ်များ

TSAITONG-KAXTONG 15:21

Ikoxle ibu müi to chemchemle jangchang, ibu faishokle, omik aduakle, chichangba chisu-chimüikya tütali janman tüile jangchang thüiningle, hünzome ibu a Jowanpa hünzom Zang ang tö kox ang taxlax.

MALAKI 1:8

Nange ku ang tö kox ang apüi pongma, omik madaokya, okak füikya, ocha faikya, iningkyabu müi apüi pongma, nange ile mokkya ojao thaikya chitüikhato le thütpia? Nange iningkya müi tuita gowarnor hato apüile koxnohu! Ikhoma nang füi chix ang mongzom müikya tüi ang cha chichangba nange jukya chixe kox mokle kox ang cha?”

TSAITONG-KAXTONG 23:18

Anaole chu tuita tsaotsüt tsangthom hanpak ang iningle ma tsangtsa hang laxle kopkya ngun-jan Jowanpa hünzom Zang hom to chiapüiüi. Jowanpae zangshwom-hom ma tsangtsa hangle ngokya thua anule.

TSAITONG-KAXTONG 24:4

Iningkya pangnyi zangwün ma wüi, pongwang angkya she kakopae she tamchatle lax ang müntsuak; chixe she a chitsaokya ang laxüi. Chixe she tamchatle laxle jangchang, ija a Jowanpa zongto thaikya ang changüi. Jowanpae hünzom ang kox angkya haxtok to hünzome iningkya huanu ochax mwot chimoküi.

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

WANWÜNKAX 11:1

Tuakthüt müile chitwonkya khünakbu thua Jowanpa anule. Chix a tuakthüt otya ma thomkyabu füi mongmüile.

WANWÜNKAX 6:16

Jowanpae adu ang chithole anukya a oli anüt tüile: Mongngam mik-hu-thünza, atsekya le, chemngax chichangkyabu mik-amütkya chak, chichangchizang mwottho zingle alaikya khangka, chichang-chizangkya mwot mok ang momle zikkya cha, tuita füima tuitale mikngün kaxngai othai koxkya, ilaxle zuikhui bato tucheile amakya.

TSAITONG-KAXTONG 25:16

Mixdyen-mixnganle tüikya khünak thua Jowanpa anule.

LAIPAO 12:5

Hünzome chun hia zwon nyi tütapu lang ang tsuak, ikoxlechu ija a zanglao tuita nguilankya tamchu ofwot chemchu chitüikya chang angkya oli.

PONGWANG LAIPEX 41:19

Ifüimachu maihu hunubu mama anüt lai. Ibu a zazatuale tüikya. Ibu ningle maxmaxshukya maihu kue Ijip haxtok ma otuechu mangün.

WANWÜNKAX 20:10

Tuak hia mama othüt müile chitwonkya khünakbu füi Jowanpa anukya tüile.

LIWI 1:3

Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.

HUAKE LAIPEX 29:8

Jowanpa zongto ongan müikya tuita, zokle ashunkya tö ang ibibile laxkox: maihupong tuita, chun ola tuita ilaxle zanglao pongkya chun hosa olala anüt, ojao ofwot chitüikya apüile laxkox.

TSAITONG-KAXTONG 7:25

Hwom chapabu zokle ashundao. Hwom ma tüikya hun hia khopbu to osingkya taxtüi, ilaxle ibu hünzome makux ang taxlax. Hünzome ile jangmok ija a hünzom zongto tuita thama ang changüi, chemthüikoxle Jowanpae chapa to shwomkya thua anule.