TSAITONG-KAXTONG 16:3 - OTSAO BAIBEL (BSI)

³ Chemtue hünzome ija Kaitox Pangpwon saxle changüihex, twonkhax awon zingkya ankhao taxsax, chemthüikoxle nyix-anüt mong ma hünzome an a twonkhax chiawon homle zingkya tix sax angkya changle. Hünzome ipongpong nonokhaile Ijip nok dantox pongma ngaxchu ile wüi mokpu. Iningkya an saxlax, ija ang sikngün an le nyaküi: ikoxtix hünzome hünzom mazi tanto hünzom Ijip nok angkya laile paokya nyix tamchu ija sikngün ashukle ngole hüikya haxtok chialaküi.

TSAITONG-KAXTONG 16:3 ပူးပေါင်းရင်းမြစ်များ

LAIPAO 12:39

Ijip nok tokya hwome kopkya an hinghobu akhaole atsan. Hwom Ijip nok tokya allele jwonle apaokya chang koxle sütling hia anbu zingle achwon angkya chakba chikop.

LAIPAO 34:18

“Twonkhax chiawonkya Anthut Pangpwon thomlax. Kue hünzom ang kaxtom koxdaokya ningle, abih lyet ma twonkhax chiawonkya an nyix anüt saxlax, chemthüikoxle hünzome Ijip nok dantoxkya a ija lyetkua ma changle.

KAXHO MÜIKYA LUK 22:19

Üntoxle chixe ankhao kop, Zang achuak laxle ija ashik, üntoxle hwom ang koxle thüi: “Ija a hünzom hanpakma fakya ku tsangtsa changle. Ku texle atak angkya hanpakma ile moklax.”

HUAKE LAIPEX 9:11

lyetjang tuita füima ija nui ang tsuaküi, ija a anyi-lükya lyetnu kua ma nyixbün ali lükya to hansong ma chang ang tsuak. Ija a twonkhax chiawonkya an hia khaxkya fumchak füi pua angkya changle.

LAIPAO 12:8

Eja ja hwome müi songle atsan ilaxle khaxkhaxkya suihing-laihing hia twonkhax chiawonkya an füi ija müi sax angkya changle.

1 THESALONIKA 1:6

Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

1 KORIN 5:8

Idaile chichang-chizangkya hia ochax füikya ozang twonkhax chiawon angkya, tsaothakya hia otsingtsing an tsaotsao füi keme pangpwon saxhax.

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

MÜNCHUAK-TSAI 127:2

Kaile zo ilaxle shenle jiple ozün ma ngo angkya bama, azongle mwot mokle ngokya a obato. Chemthüikoxle chixe mongkünkyabu ang Jowanpa, hwom jiple ngopongma koxle.

MÜNCHUAK-TSAI 111:4

Jowanpa chix ohünotün mwotbu keme alakle asam ang müntom;

MÜNCHUAK-TSAI 102:9

Nang mongtsik hia shixkya khoma, labu a ku süt ang lax, ilaxle ku mikfibu a ku grepti-ju füi awon. Nange ku tswonle kop ilaxle tswonle awüt.

1 WANGHOMBU 22:27

Ija mixsün a kun to sho angkya tamchu ku müimüi-zangngaile machat tanto an hia ti hidaopong koxle ozün ma thom angkya hwom füi akaxkox.”

HUAKE LAIPEX 28:17

Nyixbün aga lükya to Zanglom Pangpwon owang wangkya nyix anüt kople nuiüi. Ibaba ma twonkhax chiawon homtoxle zingkya ankhao zaza saxüi.

LIWI 23:6

Nyixbün-aga lükya to twonkhax chiawonkya anthut pangpwon owang wangüi, ilaxle hanpak nyix anüt mong ma hünzome twonkhax awonle zingkya an münsax angkya changpu.

LAIPAO 12:11

Hünzome ija müi nonokhaile sax angkya changpu, chemthüikoxle hünzome achexüima zapua lax angkya changle. Nange cha ma chisox sox angkya ilaxle chak ma kiathox twon angkya changle. Ija a Jowan, ku achuak-achenkya Kaitox Pangpwon changle.

LAIPAO 12:17

Ija pangpwon thomlax, chemthüikoxle ija nyixkha kue hünzom Ijip nok chak tokya alaikya changpu, ikhoma athax füichima ija nyix a pangpwon hanpak tuita changpule mokle nuilax.

TSAITONG-KAXTONG 4:9

Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

TSAITONG-KAXTONG 16:2

Jowanpa hünzom Zang ang münchong fale achuak-achen angkya hanpakma jongtakha zangshwomnui to paolax ilaxle ikhato hünzome Kaitox Pangpwon hanpak ang chun chichangba maihu ibu langlax.

ISAIA 52:12

Izuma hünzom a khong to paoüi münchang; hünzom a paole azang ang münazongüi. Jowanpa hünzom Zang-e azuiüi ilaxle pangnu chikao tokhange hünzom kho-awaüi.

JIHUSUA 4:7

Jowanpa Tsaotsüt Suak-e Jordan shuanu ata pongma Jowanpae jenle ngokya Jordan shuanu zak ang tomkya manwan changpu; idaile longtom ibue Israel khünak a Jowanpae mokdaokya ija mwot texle atak ang tompu, le hwom hama wünle koxüi.”