TSAITONG-KAXTONG 16:22 - OTSAO BAIBEL (BSI)

²² Ilaxle ija to shwom-to le chang ang tütali long küile taxchang, iningkyabu thua Jowanpa anule.

TSAITONG-KAXTONG 16:22 ပူးပေါင်းရင်းမြစ်များ

LIWI 26:1

Jowanpae thüi: “Chapa taxzing chichangba chapa ajongle hia long küile taxchang, chichangba shwom angkya hanpakma long makhange tütali taxzing. Ku a Jowanpa hünzom Zang changle.

LAIPAO 20:4

“Ding hia hax ma chichangba tinu mong tochu, zangfang ma hünzome ocha-omua hünzom lualua to tüta ningkyachu taxzing.

MIKNGÜN-OHÜN 2:15

Ilailaile athaxchu hünzom khama Nikola hwom hwon-nwot füito azuikya khünakbu tüihule.

MIKNGÜN-OHÜN 2:6

Nikola hwom mwot to kue anukya tukuxle nangechu anu angkya kax a tüile.

ZEKARIA 8:17

Tata zongto oma ang achang angkya mwot taxmok. Tsaotsütle othai mikngün kaxkhi taxfa. Atsekya, chisukya hia tata zan to kale changkya thua ku anule.”

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

TSAITONG-KAXTONG 12:31

Jowanpa hünzom Zang to hünzome ibu noke hwom baozangbu to shwomkya lailaile taxshwom, chemthüikoxle ibue hwom baozangbu to shwomle changpongma Jowanpa ang nushix dongkya olom pangwüi twonle. Hwome hwom tö-tsap angkya wün ma masu-masabu ngaxchu tö ang koxle zokle ashunle.

1 WANGHOMBU 14:23

Hwome baozangbu to shwom angkya onui zaile kox, ilaxle long-thong küi laxle haxkho hia pünnu-zuanu tong to shwom angkya hanpakma Asherah chapabu zaile alai.

LAIPAO 34:13

Itülüi, hwom tö-tsapbu pünle awütkox. Hwom saxkox thongbu amale awütkox ilaxle hwom baozang Asherah mua texle akhixkox.

TSAITONG-KAXTONG 4:16

ija a hünzome chapa tüta ningle chu: lüka ningle wüi changlax sheko ningle wüi changlax,

TSAITONG-KAXTONG 4:23

Jowanpa hünzom Zang-e hünzom füi Tsaotsüt tüidaokya hünzome chemtuechu taxalak. Hünzome ma hanpak ang chemchem chapa zingle chichang angkya bama chix kaxtom kax ma laxle tüilax,

TSAITONG-KAXTONG 4:25

“Hünzom chaxwan ma okuilole ngole hüidaokyabu chu tamchu su-sabu huanuma tüihuünbachu, hünzome ma hanpak ang tütali chapa zingüntoxle ochax kople taxchangünlax. Jowanpa miksho ma ija a ochax changpu, ilaxle ijae chix ang mongtsik adünüi.

2 WANGHOMBU 17:10

Haxhua pangnu khato wüi tamchu zangkhung atüitüi pünnu tong ma hwome long küi ilaxle baozangchanu Asherah chapabu zing.