TSAITONG-KAXTONG 16:19 - OTSAO BAIBEL (BSI)

¹⁹ Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

TSAITONG-KAXTONG 16:19 ပူးပေါင်းရင်းမြစ်များ

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

LAIPAO 23:2

Hwome thaikya mokpongma tamchu sukya kaxfün tupangpün ang thaikya zangwün apüile changpongma, nang a ibu füito azuile taxchang.

WANWÜNKAX 17:23

Chichangchizangkya kaxfünpabue huxsa zuizunbu laxle, ikoxle sukya kaxfün a chifa.

HABAKUK 1:4

Wanlom ma zong müntüi tamchu laxli müntüi, ilaxle otuechu sukya mokle münchang. Otsao khünakbu füi ochax khünakbu fün sümüi, ikhoma sukya zangwün a anong-achangle changdaoa.

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

TSAITONG-KAXTONG 10:17

Jowanpa hünzom Zang a baozangbu pangwüi thakma achongkya tamchu pangwüi thakma chatsak-muazongle tüikya Zang changle. Chix a tüle chongle tamchu athakle tüile, ikhoma chix chathua a za angkya wüi changpu. Chixe masüi-mixlüile münchang tamchu zuizun münlax.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

HWON-NWOT-JAONO 7:7

Nang a jepachu changünkoxlax, ikoxlechu nang owawa dyenlale jangchang, nange ija ongat mwot mokpu. Nange zuizun laxle jangchang, nange nang tsün ama ngopu.

WANWÜNKAX 24:23

Jetüi-hwonlangkyabue ijabu chuwüi akaxdaoa: Masüi-mixlüi le kaxfün fa angkya a sukya münchang.

TSAITONG-KAXTONG 27:19

“‘Mixnok wünpa hia zomnu-khaxsabu to jemlaxle, hwom süntswon pale paokyabu to Zang-e thuakzomkya naxtüi.’ “Ilaxle noknusae lanüi, ‘Amen!’

WANGSHEMBU MWOT 23:3

Pol-e chix ang thüi: “Tütakoxchu Zange nang to chak chimokle müntüiüi, nang a otok to thun füi pale atsyet thomkya katuk changle! Nang ikhama wanlom ma ku bama kaxfün fa ang ngo ilaxle ku to fitkox le tomle nange wüi wanlom chito!”

WANGSHEMBU MWOT 16:37

Ikoxlechu Pol-e ija süpahi akhokya ang thüi: “Chemchem zia amale kukhi thaikya kha chibang, ikoxlechu hwome noknu thüntho ma kukhi to chakmokpu, üntoxle kukhi a Roman nokpu changpu! Tamtailechu hwome kukhi kun to shopu. Ilaxle athax a hwome kukhi dangjale apaose tsupia? Ile otuechu münchangüi! Rom apün-adakyabue ikhato hwom jao nguilaxle tix kukhi naxdankox.”

WANGSHEMBU MWOT 10:34

Pitar akax ang süt: “Zange khünak nok to chipai chizün le tomwüi hule le athax kue awan ang kopdaoa.

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

ISAIA 33:15

Nange kaxtsing zangwün tamchu sukyakya mokle jangchang nang chizile ngo ang tsuak. Nang tsak-zong a chitüi-chinang dyenla ang taxtwon ilaxle zuizun pongle taxkop. Mix mik amüt ang tungkya hia ochax mwot mok ang tungkyabu khato taxhak.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

WANWÜNKAX 24:28

Otsingtsing tsaitong-kaxza chitüi thüiningle mix bama kax ngaikya taxtüi, chichangba hwom bama ochei lom to zunle alyet angkya oli tüi ang taxtom.

1 SAMUEL 12:3

Ku ima tüipongma kue tütali thaikya mwot mokle jangchangdao thüiningle Jowanpa hia chixe kamle koxkya wanghompa nyi tunthoma ku ma tsaitox-kaxfe angkya oli bakle ngailax, kue owawa kux maihu chichangba mantsak pale zongzong ma laxkya nox tüidaocha? Kue owawa angkya zuizun laxle changdao cha? Kue iningkya mwot tütali ma thaile mokdaokya thaile jangtüi thüiningle, kue laxdaokya kue achatle koxüi.”

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

LAIPAO 18:21

Ikoxlechu ito bole, mokle tho-angkya khünakbu zünlaxle nange hwom a khünaknu lompabu ang zinglax; züizüi a ojat thakma azüi ang, züizüi a oho thakma azüi ang, iningle punyi-bün hia bün thakma azüi ang tomkox. Hwom a Zang thua zakyabu, owa to mongong ang tsuakle tüipuix, tamchu huxkün-lopmong chitüikya mix chang koxle müiüi.

LAIPAO 23:3

Kaxfün fapongma omüt-oshun khünak tuita zongto masüi-mixlüikya taxtüi.

TSAITONG-KAXTONG 16:18

“Jowanpa hünzom Zang-e hünzom ang koxkya tingnubu ma kaxfün mixbu tamchu mama okax-okho hwom kamlax. Hwom khünaknu to masüi-mixlüikya chitüikya kaxfün fale apünüi.

1 SAMUEL 8:1

Chemtue Samuel a azuile changpuix, chixe sasün hwom Israel nok kaxfün mixbu ang achang.

MÜNCHUAK-TSAI 15:5

Hwome olüi chilom homle thashe koxle üntoxle chemngax chitikkyabu füi apüile tüikyabu sule le aho ang zuizun kox ang müntho. Owapange iningkya mwot moklaxüihex othuithuima kho azangle ngoüi.

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.

WANWÜNKAX 18:5

Chemchu chitikkya khünak ang sukya kaxfün chifa homtoxle thaikya chima se angkya a sukya olom münchang.

WANWÜNKAX 31:5

Chemtue hwome ija lingpuix, hwome wanlombu alakle asamle ilaxle süntswon kopse khünakbu wün ahaile.

TSAITONG-KAXTONG 27:25

“‘Owawa angkya ngun lax üntoxle imün to chemngax chichangkya mix langle awütkya mix to Zang-e thuakzomkya tüikox.’ “Noknusae lanüi, ‘Amen!’

EZEKEL 18:8

Chixe olap kop angle ngun koxle münthom. Chixe ochax mwot münmokle angamle ilaxle tütaningle alakya zangwünchu chixe sukya lom ma fün-wün tsuakle kox.